ბეთელის ექსკურსიები
გულთბილად გიწვევთ ჩვენი ფილიალების ექსკურსიებზე. ზოგ ფილიალში შეგიძლიათ ექსკურსიამძღოლის გარეშე დაათვალიეროთ გამოფენები.
ექსკურსიების განახლება: 2023 წლის 1 ივნისიდან არაერთი ქვეყნის ფილიალში განახლდა ბეთელის ექსკურსიები. ექსკურსიების დაჯავშნისთვის დაუკავშირდით ფილიალს. გთხოვთ, ნუ მოხვალთ ექსკურსიაზე, თუ დაგიდასტურდათ კორონავირუსი, თუ გაქვთ გრიპის ან გაციების სიმპტომები ან თუ ახლახან კონტაქტი გქონდათ მასთან, ვისაც კორონავირუსი დაუდასტურდა.
შეერთებული შტატები
ინფორმაცია ექსკურსიის შესახებ
ჩამოტვირთე საინფორმაციო ბროშურა — უორიკი
ჩამოტვირთე საინფორმაციო ბროშურა — პატერსონი
ჩამოტვირთე საინფორმაციო ბროშურა — უოლკილი
გამოფენები
უორიკის გამოფენების დათვალიერება გიდის გარეშე
„ბიბლია და ღვთის სახელი“. ამ გამოფენაზე წარმოდგენილი იქნება იშვიათი ბიბლიები და ხაზი გაესმება იმას, თუ როგორ შემორჩა ბიბლიურ მუხლებში ღვთის სახელი, მიუხედავად იმისა, რომ არაერთხელ სცადეს მისი ამოღება თარგმანებიდან. გამოფენაზე წარმოდგენილი ექსპონატები დროდადრო განახლდება და დაემატება იშვიათი ბიბლიები და ბიბლიური არტეფაქტები.
„ხალხი იეჰოვას სახელისთვის“. ამ გამოფენაზე წარმოდგენილი იქნება თვალსაჩინოებები იეჰოვას მოწმეების ისტორიიდან, არტეფაქტები და გრაფიკული გამოსახულებები. აგრეთვე მოისმენთ და-ძმების ბიოგრაფიებს და ნახავთ, თუ როგორ ხელმძღვანელობდა, ასწავლიდა და როგორ უწევდა ორგანიზებას იეჰოვა თავის ხალხს თავისი ნების შესასრულებლად.
„მთავარი სამმართველო — ცოცხალი რწმენა“. ეს არის ინტერაქტიული გამოფენა, საიდანაც გაიგებთ, თუ რა საქმეს ასრულებენ ხელმძღვანელი საბჭოს კომიტეტები და როგორ ეხმარებიან ისინი იეჰოვას მოწმეებს, მიჰყვნენ ბიბლიურ მითითებებს, რომლებიც ეხება ერთად შეკრებას, მოწაფეების მომზადებას, სულიერი საზრდოს მიღებასა და ერთმანეთისადმი სიყვარულის გამოვლენას.
პატერსონის გამოფენების დათვალიერება გიდის გარეშე
პირველი საუკუნის ბიბლიური სოფელი. ალბათ გაინტერესებთ როგორი იყო ცხოვრება იესოს დროს. „ბიბლიურ სოფელში“ საშუალება მოგეცემათ, ნახოთ და მონაწილეობა მიიღოთ პირველი საუკუნის სოფლისთვის დამახასიათებელ ყოველდღიურ საქმეებში. ეს გამოფენა დაგეხმარებათ, უფრო გაამრავალფეროვნოთ ბიბლიის კვლევის პროცესი.
პირველი საუკუნის ბიბლიური მონეტები. ამ გამოფენაზე წარმოდგენილია ქრისტიანულ-ბერძნულ წერილებში მოხსენიებული პირველი საუკუნის ორიგინალი მონეტები. აგრეთვე მოცემულია საინტერესო დეტალები მათ შესახებ და ის, თუ როგორ უკავშირდება ეს მონეტები ბიბლიურ მაგალითებს.
„შენი ვაჟები იეჰოვას მიერ განისწავლებიან“. ამ გამოფენაზე წარმოდგენილია ჩვენი ორგანიზაციის საგანმანათლებლო საქმიანობის სრული ისტორია. აქ გაიგებთ, როგორ მოამზადა თეოკრატიულმა სკოლებმა ბევრი უხუცესი და როგორ დაეხმარა ეს სკოლები და-ძმებს, გამხდარიყვნენ დახელოვნებული მასწავლებლები.
„სასიხარულო ცნობის კანონით დაცვა და განმტკიცება“. ეს გამოფენა მოგვითხრობს იმ და-ძმების შესახებ, რომლებმაც დევნის მიუხედავად იეჰოვასადმი ერთგულება შეინარჩუნეს. აგრეთვე გაიგებთ, ჩვენი ორგანიზაციის იმ იურიდიული წარმატებების შესახებ, რომლებმაც ხელი შეუწყო სამქადაგებლო საქმიანობის წინსვლას მთელ მსოფლიოში.
მისამართი და ტელეფონის ნომერი
შეიძლება აგრეთვე დაგაინტერესოთ
ბეთელი
გულთბილად გეპატიჟებით შეერთებული შტატების ბეთელის კომპლექსების დასათვალიერებლად!
ექსკურსიის დროს თქვენ დაათვალიერებთ იეჰოვას მოწმეთა მთავარ სამმართველოს და შეერთებული შტატების ფილიალებს.
