AḤRIC WIS 5
Anwa i gḥessen asmi i gxebbeṛ Ṛebbi lɣaci ɣef Uḥemmal n waman?
Azgen ameqran n lɛibad i gɛacen di zzman n Nuḥ xeddmen ayen n diri. Laṣel n ddunit 6:5
Adam d Ḥewwa sɛan-d dderya, dɣa tebda tɛemmeṛ lqaɛa. Ɣer zdat, kra n lmalayekkat ddant d Cciṭan deg uɛaṣi-nni i gɛuṣa Ṛebbi.
Lxuluq-agi ṣubben-d ɣer lqaɛa s lǧeţţa icuban tin n yemdanen akken ad izmiren ad zewǧen nutni ţ-ţlawin. Tilawin-nsen sɛant-ed dderya i guɣalen d lefḥul. Lefḥul-agi llan d iqehharen yerna sɛan tazmert annect n leɛǧeb.
Ddunit teččuṛ d lɣaci i gxeddmen leḥwayeǧ n diri. Adlis Iqedsen yenna-d: “Cceṛ i gxeddem wemdan iţnerni di ddunit, yerna ass kamel, ul-is iţxemmim kan s ayen n diri.”
Nuḥ iḥess i Ṛebbi yerna yebna lbabuṛ. Laṣel n ddunit 6:13, 14, 18, 19, 22
Nuḥ yella d argaz n lɛali. Yahwa yenna i Nuḥ belli ad issenger imcumen s uḥemmal ameqran n waman.
Ṛebbi yenna daɣen i Nuḥ ad ibnu lbabuṛ annect-ila-t w’ad issekcem ɣer daxel-is tawacult-is d yal ṣṣenf n lḥiwan.
Nuḥ iɛeggen i lɣaci belli Ṛebbi a d-yesseɣli Aḥemmal n waman, meɛna ur s-ḥessen ara. Kra ţmesxiṛen fell-as, wiyaḍ keṛhen-t.
Mi gekfa lbabuṛ-nni s lebni, Nuḥ issekcem ɣer daxel-is lḥiwan.
Tzemreḍ aţ-ţwaliḍ daɣen…
ADLIS IQEDSEN—LEXBAṚ YELLAN DEG-S
Leslak n yemdanen
Ayɣer i gennerna ccum ɣef lqaɛa? Amek i geqqim Nuḥ d unṣiḥ i Ṛebbi?
