“Kaja Ai Mung Hpe Yu U” laika buk gaw Chyum Laika hta lawm ai lamu ga sumla ni hpe ahkri hkrai madun da ai majaw, tinang hkrai hkaja lamang galaw ai shaloi tang du hkra akyu jashawn mai ai. Chyum Laika hta shara ni, mare ni, mungdan ni lam grai law hkra lawm ai. Ndai lamu ga sumla hpe akyu jashawn na nga yang Chyum Laika hti hkaja ai shaloi grau akyu rawng na re. “Kaja Ai Mung Hpe Yu U” laika buk gaw Chyum Laika mabyin ni byin wa ai shara ni hpe shingran lu hkra karum ya ai. Lamu ga masa gaw Chyum Laika mabyin ni ntsa gara hku akyu shabyin ai lam chye hkra mung karum ya ai.

“Kaja Ai Mung Hpe Yu U” laika buk hta Chyum Laika kaw na shara ni hpe tsi nsam lamu ga sumla ni, chyarang lawk ni hte madun da ai. Ndai Chyum Laika lamu ga sumla hta tinang hkrai hkaja lamang hpe grau nna pyaw wa shangun ai hkrang sumla ni hte kaga lam ni grai law hkra mung lawm ai.

Ndai Chyum Laika lamu ga sumla gaw

• Abraham, Isak, Yaku ni a hkrun lam hpe chye na shangun ai

• Israela ni Egutu kaw na pru nna Ga Sadi Tawn Da Ai Mungdan de sa ai hkrun lam hpe chye na shangun ai

• Israela mungdan hte hpyen ni a mungdan hpe shingdaw nna madun da ai

• Yesu magam gun ai aten laman hkawm sa wa ai shara ni hpe madun da ai

• Babelon, Grik hte Roma hte hpawn Chyum Laika hta madun da ai hkawseng mungdan ni a lam chye shangun ai

Ndai Chyum Laika lamu ga sumla hpe Sin Langchyi ONLINE LAIKA DUM hta Myen hku nna lu mai ai.