Yesu gaw shi hkum shi Karai Kasang hte shabung ai nga nna, Yesu hpe ning hkap ai ni mara shagun wa ma ai. (Yawhan 5:18; 10:30-33) Raitim, Yesu gaw shi hkum shi Chyahtum Chyalai N-gun Rawng Ai Karai Kasang hte maren mara re ai nga nna kalang mi mung n tsun wa ai. Shi ndai hku tsun wa ai: “Wa gaw ngai hta grau kaba nga ai.”​—Yawhan 14:28.

 Yesu a shawng nnan na sape ni mung, Yesu hpe Chyahtum Chyalai N-gun Rawng Ai Karai Kasang hte maren mara re ai nga nna n mu mada wa ai. Ga shadawn, Yesu hkrung rawt ngut ai hpang hta Kasa Pawlu ndai hku ka wa ai: “Karai Kasang gaw shi [Yesu] hpe shagrau nna, amying shingteng yawng mayawng hta, grau ai amying nsang jaw da wu ai.” Dai ga hpe yu yang, Pawlu gaw Yesu hpe Chyahtum Chyalai N-gun Rawng Ai Karai Kasang hte maren mara re ai nga nna n mu mada wa ai gaw danleng nga ai. Yesu hte Karai Kasang gaw maren mara rai yang, Karai Kasang gaw Yesu hpe gara hku nna grau ai aya lu jaw na kun?​—Hpilipi 2:11.