Yak Hkak Jam Jau Lam Ni Hkrum Tim Htawm Hpang Myit Mada Lam Nga
Yak Hkak Jam Jau Lam Ni Hkrum Tim Htawm Hpang Myit Mada Lam Nga
“Hpang jahtum na nhtoi ni hta e, yak la ai aten du na ra ai.”—2 TIMOHTI 3:1.
LAWU hta madun da ai, yawn hpa mabyin nkau hpe nang na ga, mu ga ai kun?
● Masha law law hpe si sum shangun ai ana yawga.
● Masha law law hpe si sum shangun ai lu sha hpang gara ai lam.
● Masha law law hpe si sum shangun, dum nta n nga mat shangun ai nnang nawn.
Ndai mabyin ni hte seng nna, atsawm myit shangun ai lam ni hpe hpang na sumhpa hta bawng ban mat na re. “hpang jahtum na nhtoi” ngu shaga ai aten hta, dai zawn masa lam ni byin wa na ngu, Chyum Laika kaw tau hkrau myihtoi htoi da ai hpe mung mu lu na re. *
Ndai sumhpa a yaw shada lam gaw, yak hkak jamjau lam ni hte hpring nga ai mungkan kaw, anhte nga taw ai hpe kam wa hkra tsun dan nga ai n re. Yak hkak jamjau ai lam hpe nang nan mung hkrum nga ai. Dai majaw, ndai sumhpa ni a yaw shada lam gaw, nang hpe myit mada lam jaw na matu re. Chyum Laika myihtoi ga 6 hpring tsup wa ai gaw, kade n na yang “hpang jahtum na nhtoi ni” htum mat sana hpe ndai sumhpa ni gaw madun mat na re. Ndai sumhpa ni hta, mabyin masa ni hte seng nna, masha law malawng bai htang ai lam nkau hpe bawng ban mat na rai nna, htawm hpang hta masa lam ni grau kaja wa sana re ai hpe kam na matu mung sang lang dan mat na re.
[Lawu Matsing]
^ pang 7 Karai Kasang gaw hpa majaw ndai n kaja ai mabyin ni hpe byin na ahkang jaw da ai lam hpe, ndai laika buk a laika man 16 hte 17 hta lawm ai “Karai Kasang Hpa Majaw N Kaja Ai Lam Ni Hte Yak Hkak Jam Jau Ai Lam Ni Byin Na Ahkang Jaw Da Ai Kun?” ngu ai sumhpa hpe yu u.