ENDEEAI KŨSYAĨĨSYA!
Isio Imwe sya Turkey na Syria Ninaanangiwe Nĩ Ithingitho Nene sya Nthĩ—Mbivilia Yaĩtye Ata?
Twĩ Wakwambĩlĩlya Matukũ 6, Mwei wa 2, 2023, ithingitho nene sya nthĩ ninaanangie isio imwe sya Turkey na Syria.
“Twĩ Wakwambĩlĩlya, kĩthingitho kĩnene kya nthĩ nĩkĩnoaie andũ mbee wa 3,700 kĩsionĩ kĩnene kya Turkey na ngalĩko ya ĩũlũ ya Syria welekele ũthũĩlonĩ wa syũa. Ũndũ ũsu ũneekĩkie ĩvinda kwĩ na ũthithu mwingĩ mũno, na kĩu nĩkĩnoomisye maũndũ ma andũ ngili mbingĩ ala manaũmĩie kana maasya mĩsyĩ yoo. O na nũnatumie vethĩwa ve vinya kũmantha ala manavonokie mũisyo ũsu.”—Reuters, Matukũ 6, Mwei wa 2, 2023.
Nĩtũthĩnĩkaa ngoonĩ twasoma ĩũlũ wa mĩisyo ta ĩsu. Mavindanĩ ta asu, no tũmwĩkwatye Yeova, ũla nĩ “Ngai wa ũkiakisyo wʼonthe.” (2 Akolintho 1:3) Nũtũnengae “ũkiakisyo ũla wĩ Maandĩkonĩ [nĩ kana] tũtonye kwĩthĩwa na wĩkwatyo.”—Alomi 15:4.
Mbivilianĩ, twĩmanyĩasya:
Kĩla kyathaniwe ĩũlũ wa ithingitho sya nthĩ.
Vala tũtonya kũkwata ũkiakisyo na wĩkwatyo.
Ũndũ Ngai ũkamina mathĩna onthe.
Nĩ kana ũmanye kĩla Mbivilia yaasya ĩũlũ wa maũndũ ta asu, soma ilungu ii:
a Yeova nĩyo ĩsyĩtwa ya Ngai.—Savuli 83:18.
No Wendeewʼe Nĩ Ii
MOSŨNGĨO MA MAKŨLYO MA MBIVILIA
Nũtonya Kũkwata Mĩsoa Ĩtonya Kũũkiakisya Mbivilianĩ
Mĩsoa ĩla yĩ Mbivilianĩ nĩkiakiĩtye andũ aingĩ ala maendeee kũmĩanĩsya na maũndũ momũ na ma kũtũla ngoo.
MOMANYĨSYO MA VATA MA MBIVILIA
We Ngai Nĩwe Ũetae Mĩisyo?
Andũ elĩ makwatiwe nĩ mĩisyo nĩmaeleetye kĩla meemanyĩisye kuma Mbivilianĩ.
MOMANYĨSYO MA VATA MA MBIVILIA
Nĩkĩ Ngai Ũekete Mathĩna Maendeee?
Andũ aingĩ nĩmekũlasya nĩkĩ nthĩ yusĩe kĩmena na mathĩna. Mbivilia nĩnenganĩte ũsũngĩo mũseo ũtonya kũtũkiakisya.
KAMBEINI YA MWANYA
Ambĩĩa Kwĩmanyĩsya Mbivilia Naitũ
Ambĩĩa kwĩmanyĩsya Mbivilia na mwalimũ waku vate ndĩvi.
