“Ũsumbĩ Waku Wũke”—Mboya Ĩvoyawa Nĩ Andũ Aingĩ Mũno
We nĩwĩthĩwa waavoya Ũsumbĩ wa Ngai wũke? Kwa ĩvinda ya myaka maana maingĩ, andũ milioni mbingĩ nĩmethĩĩtwe maivoya atĩĩ: “Ũsumbĩ waku wũke.” Nĩkĩ mavoyaa mboya ĩsu? Mekaa ũu nũndũ Yesũ eeie aatĩĩi make mavoyae ĩũlũ wa Ũsumbĩ wa Ngai.
Mwambĩĩonĩ, aatĩĩi make mayaaelewa maũndũ onthe ala Yesũ wawetie ĩũlũ wa Ũsumbĩ ũsu. O na ĩvinda yĩmwe mamũkũlilye atĩĩ: “Mwĩaĩi, wĩtũngĩa Isilaeli ũsumbĩ ĩvindanĩ yĩĩ?” Nĩmatonya kwĩthĩwa maseng’ie Yesũ alea kũmatavya nĩ ĩndĩĩ Ũsumbĩ wa Ngai ũkoka. (Meko ma Atũmwa 1:6, 7) Ĩndĩ ũu nĩ kwasya kana tũitonya kũmanya Ũsumbĩ wa Ngai nĩ kyaũ na ũkoka ĩndĩĩ? Aiee.
Ĩkaseti yĩĩ ya Mũsyaĩĩsya nĩyĩũtũtetheesya kũkwata mosũngĩo ma makũlyo aa:
Nĩkĩ twĩ na vata wa Ũsumbĩ wa Ngai?
Mũsumbĩ wa Ũsumbĩ wa Ngai nũũ?
Ũsumbĩ wa Ngai ũkasumbĩka nthĩ ĩndĩĩ?
Ũsumbĩ wa Ngai ũkeanĩsya kyaũ?
Nĩkĩ waĩlĩte kũkwata mbau Ũsumbĩ wa Ngai?
Ũsumbĩ wa Ngai nĩ kyaũ?
No Wendeewʼe Nĩ Ii
MOMANYĨSYO MA VATA MA MBIVILIA
Ũsumbĩ wa Ngai Nĩ Kyaũ?
Ĩla Yesũ waĩ ĩũlũ wa nthĩ, amanyĩisye ĩũlũ wa Ũsumbĩ wa Ngai kwĩ ũvoo ũngĩ o na wĩva. Kwa myaka maana maingĩ, andũ methĩĩtwe maivoya Ũsumbĩ ũsu wũke.
