Kũvulanyʼa Mũĩkĩĩo
Mo andũ ma ndĩni syonthe mathaithaa Ngai o ũmwe?
Kũt 32:16, 17; 1Asu 11:33; 1Ko 8:5, 6; 10:20
We Yeova nĩwendeeawʼa nĩ ndĩni syonthe o na kau imanyĩasya maũndũ me kĩvathũkanyʼo?
Mt 7:13, 14; Yoa 17:3; Aev 4:4-6
-
Ngewa syĩ Mbivilianĩ itonya kũũtethya:
-
Yos 24:15—Yosua nĩwawetie ũtheinĩ kana no nginya tũtwʼe twĩmũthũkũma Yeova kana nĩ ngai ingĩ
-
1Asu 18:19-40—Yeova nĩwatũmĩie mwathani Eliya kwonanyʼa kana no nginya athaithi ma wʼo mevathane na ũthaithi wa ngai ingĩ ta Mbaali
-
Yeova asyonaa ata ngai sya ũvũngũ vamwe na ũthaithi ũla ũtwaĩĩawʼa kwondũ wasyo?
Kuma 12:12; Mot 25:2-5; Kũt 12:29-31; Nzev 2:11
We Yeova nĩwendeeawʼa nĩ andũ ala maasya nĩwe meũthaitha ĩndĩ maivulanyʼa ũthaithi woo na maũndũ amwe ũmenete?
Isa 1:13-15; 1Ko 10:20-22; 2Ko 6:14, 15, 17
-
Ngewa syĩ Mbivilianĩ itonya kũũtethya:
-
Kuma 32:1-10—Aluni nĩwathingʼĩĩiwʼe nĩ Aisilaeli aseũvya kasaũ ka thaavu nĩ kana makatũmĩe ũthaithinĩ mayasya metanĩa “mboka kwondũ wa Yeova,” ĩndĩ kĩu nĩkyamũthatisye Yeova mũno
-
1Asu 12:26-30—Mũsumbĩ Yelovoamu nĩwaseũvisye mĩvwʼanano na asya mĩvwʼanano ĩsu yĩũngamĩĩte Yeova. Eekie ũu nĩ kana andũ maeke kũthi ĩkalũnĩ yĩla yaĩ Yelusaleme, ĩndĩ kĩu kyeekie kũlikya andũ naĩnĩ
-
Yeova amanyĩisye Aisilaeli kyaũ ĩũlũ wa kũlikana na andũ ala mathaithaa ngai ingĩ?
Kuma 23:31-33; Kũt 7:1-4
Yeova eekie ata oona andũ make mayĩlikya syĩthĩonĩ ila syaatĩĩawa nĩ athaithi ma ngai ingĩ?
Asi 10:6, 7; Sav 106:35-40; Yel 44:2, 3
-
Ngewa syĩ Mbivilianĩ itonya kũũtethya:
-
1Asu 11:1-9—Aka ma mbaĩ ingĩ ala Mũsumbĩ Solomoni watwaĩte nĩmatumie amũvĩtĩsya Yeova nũndũ wa kũkwata mbau ũthaithi wa ngai ingĩ
-
Sav 78:40, 41, 55-62—Asavu nĩwaeleisye ũndũ ũlei wa Aisilaeli na ũthaithi wa mĩvwʼanano wamũũmĩisye Yeova na kĩu kyatuma Yeova amalea
-
We Yesũ nĩwakwataa mbau momanyĩsyo ma ndĩni ala matoosanaa na kĩla kĩwetetwe Ndetonĩ ya Ngai?
-
Ngewa syĩ Mbivilianĩ itonya kũũtethya:
-
Mt 16:6, 12—Yesũ aelekanilye momanyĩsyo ma Avalisi na Asatukai na ĩlawa nũndũ momanyĩsyo moo nĩmanyaĩĩkĩte na mĩtũkĩ na makavukya momanyĩsyo ma wʼo ala me Ndetonĩ ya Ngai
-
Mt 23:5-7, 23-33—Yesũ nĩwavuanisye ũtheinĩ wanganganyʼa na momanyĩsyo ma ũvũngũ ma aandĩki na Avalisi
-
Mko 7:5-9—Yesũ nĩwavuanisye ũndũ aandĩki na Avalisi mavĩtasya mbee momanyĩsyo ma andũ vandũ va momanyĩsyo ala me Ndetonĩ ya Ngai
-
We Yesũ nĩweekĩaa vinya aatĩĩi make mambĩĩsye ikundi syĩ kĩvathũkanyʼo sya ndĩni?
-
Ngewa syĩ Mbivilianĩ itonya kũũtethya:
-
Yoa 15:4, 5—Yesũ nĩwatũmĩie ngelekanyʼo ya mũsavivũ kũelesya ũndũ aatĩĩi make maĩle kwĩthĩwa me ngwatanĩo vamwe nake na Aklĩsto ala angĩ
-
Yoa 17:1, 6, 11, 20-23—Ĩvinda yĩla Yesũ waĩ na atũmwa make ũtukũ wa mũthya atanamba kũawa, nĩwavoyie nĩ kana aatĩĩi make onthe methĩwe na ngwatanĩo
-
Syo ikundi sya Kĩklĩsto ila syambĩĩwʼe ĩvindanĩ ya atũmwa syaĩ na mũĩkĩĩo ũmwe na syamũthaithaa Yeova ũndũ ũmwe?
-
Ngewa syĩ Mbivilianĩ itonya kũũtethya:
-
Mek 11:20-23, 25, 26—Ikundi ila syaĩ Andiokia na Yelusaleme nĩsyoonanisye kana syaĩ na ũũmwe na ngwatanĩo
-
Alo 15:25, 26; 2Ko 8:1-7—Ikundi syonthe ila syambĩĩwʼe ĩvindanĩ ya atũmwa nĩsyanenganae mĩthĩnzĩo ya ũlau kũtetheesya ala manyivĩwe, kwonanyʼa kana syonthe nĩsyakwatanĩtwʼe nĩ wendo
-
Yo ndĩni no ĩtalwe ta yĩtĩkĩlĩtwe nĩ Ngai aĩ no ũndũ wa kwĩthĩwa athaithi mayo maasya nĩmamũĩkĩĩaa Klĩsto?
Wʼo ũthaithi wa andũ matetĩkĩlaa momanyĩsyo ma Klĩsto na atũmwa no wĩtĩkĩlĩke?
-
Ngewa syĩ Mbivilianĩ itonya kũũtethya:
-
Mt 13:24-30, 36-43—Yesũ nĩwatũmĩie ngelekanyʼo ya ĩia yĩũmea mũũndanĩ kũelesya ũndũ Aklĩsto aingĩ ma ũvũngũ maĩ maumĩle na maivukya kĩkundi
-
1Yo 2:18, 19—Mũtũmwa Yoana e mũkũũ nĩwavuanisye kana kwaĩ na nthũ mbingĩ sya Klĩsto syaumĩlĩte ĩvindanĩ ya atũmwa
-
Kwĩthĩawa ata yĩla andũ meũmanyĩsya maũndũ ma ũvũngũ kana me na mwĩkalĩle ũte wa Kĩklĩsto maendeea kũekwa kĩkundinĩ?
Aklĩsto maĩlĩte kwĩka ata nĩ kana maendeee kwĩkala me ngwatanĩo?
Nĩkĩ Aklĩsto maĩlĩte kwĩvathana vyũ na ũthaithi wa ũvũngũ?
Nĩkĩ wĩthĩawa wĩ ũndũ waĩlĩte kũvuanyʼa momanyĩsyo ma ndĩni sya ũvũngũ?
Yel 14:14; 23:13, 14, 16; Mt 15:12-14; 23:13-26
Nĩkĩ tũtaĩle kũsengʼa twoona athaithi ma ndĩni sya ũvũngũ ala maleanaa na ũthaithi wa wʼo maitũthĩnyʼa kana kũtwĩka maũndũ ma ũngʼendu?
No Wendeewʼe Nĩ Ii
MAKŨLYO MAKŨLAWʼA MAVINDA MAINGĨ
Ngũsĩ sya Yeova Nĩsyĩthĩawa na Ngwatanĩo na Ndĩni Ila Ingĩ Maũndũnĩ ma Ũthaithi?
Nĩ momanyĩsyo meva ma Mbivilia mamatongoeasya kũsũngĩa ĩkũlyo yĩĩ?
MOSŨNGĨO MA MAKŨLYO MA MBIVILIA
Ndĩni Syonthe Nivwʼanene? Nĩ Syonthe Itumaa Andũ Mamũthengeea Ngai?
Ve maũndũ elĩ mawetetwe Mbivilianĩ masũngĩĩte makũlyo asu.
MAŨNDŨ ŨTONYA KWĨMANYĨSYA MBIVILIANĨ
Kũaanĩka kwa Ũsumbĩ
Aisilaeli aingĩ nĩmaekie kũmũthaitha Yeova.
ĨŨLŨ WITŨ
Kũlya Ũthokewe
Kwata ũsũngĩo wa ĩkũlyo yĩkonetye Mbivilia, kana wĩmanyĩsye mũnango ĩũlũ Ngũsĩ sya Yeova.
