Tesalooniiki mba takayaɣ kajalaɣ ñɩŋga 5:1-28
5 Piyele nɛ alɩwaatʋ nɛ wɛɛ pɔ-hɔɔlʋʋ taa lɛ, koobiya, pɩtɩcɛyɩ se pama-mɩ pɔ-tɔm natʋyʋ.
2 Mbʋ pʋyɔɔ yɔ, mɩ-maɣmaɣ ɩsɩm camɩyɛ se Yehowa* kɩyakʋ+ kɔŋ ɖeyi ɖeyi ɛzɩ mɩlʋ kɔŋʋʋ ɖoo taa yɔ.+
3 Alɩwaatʋ ndʋ pɛwɛɣ nɛ pɔyɔɔdʋʋ se: «Laŋhɛzɩyɛ nɛ pɛɛyɛ!» yɔ, ɖɩnɛ ɛlɛ ɖɩzʋʋ mbʋ patɩɖʋna yɔ pɩkaɣ pɔ-yɔɔ tibu tuda,+ ɛzɩ lʋlʋʋ wɩzasɩ tuduu halʋ hoɣa tʋ yɔ, nɛ paakaɣ pɩ-taa lɩʋ kpa.
4 Ɛlɛ koobiya, mɩ lɛ, ɩfɛyɩ cɩkpɛndʋʋ taa se kɩyakʋ ŋgʋ kitudi-mɩ ɛzɩ tɛʋ feŋuu nɛ pituduu* mɩlaa yɔ;
5 mbʋ pʋyɔɔ yɔ mɩ-tɩŋa ɩkɛ ñalɩmɩyɛ pɩyalaa nɛ wɩsɩ taa* pɩyalaa.+ Pɩtɩkɛ ɖoo tɩnɩ-ɖʋ nɛ pɩtɩkɛ ɖɔɖɔ cɩkpɛndʋʋ tɩnɩ-ɖʋ.+
6 Ye mbʋ, ɖitaaɖou ɛzɩ lalaa yɔ,+ ɛlɛ ɖɩcaɣnɩ ɖɛ-ɛsa+ nɛ ɖɩɖɔkɩ ɖa-maɣzɩm.+
7 Mbʋ pʋyɔɔ yɔ mba poɖou yɔ, ɖoo taa poɖou; nɛ mba pɔñɔʋ sʋlʋm nɛ pɩkʋʋ-wɛ yɔ, ɖoo taa pɔñɔʋ nɛ pɩkʋʋ-wɛ.+
8 Ɛlɛ iyele nɛ ɖa mba ɖɩkɛ wɩsɩ taa mba yɔ, ɖɩɖɔkɩ ɖa-maɣzɩm nɛ ɖisuu tisuu nɛ sɔɔlɩm ñɩɣtʋ toko ŋgʋ kihuuzuu laŋɩyɛ yɔɔ yɔ, nɛ ɖɩpa ñʋʋ yabʋ lidaʋ ɛzɩ ñɩɣtʋ hulaɣ yɔ;+
9 mbʋ pʋyɔɔ yɔ pɩtɩkɛ pana yɔɔ Ɛsɔ lɩzɩ-ɖʋ, ɛlɛ ɛlɩzɩ-ɖʋ se ɖihiɣ ñʋʋ yabʋ+ pɩtɩŋnɩ ɖa-Kɩbaɣlʋ Yesu Krɩstʋ yɔɔ.
10 Ɛsɩbɩ ɖɔ-yɔɔ+ se pɩsa nɛ paa ɖɩcakɩnɩ ɖɛ-ɛsa yaa ɖiɖou yɔ,* ɖa nɛ ɩ ɖɩkpɛndɩ nɛ ɖɩwɛɛ wezuu.+
11 Pʋyɔɔ lɛ, iwolo pɩ-yɔɔ nɛ iseɣti ɖama* nɛ ɩkpazɩ ɖama ɖoŋ,+ ɛzɩ toovenim taa ɩwɛʋ nɛ ɩlakɩ yɔ.
12 Lɛɛlɛɛyɔ lɛ, koobiya, ɖɩpɔzʋʋ-mɩ se ɩña mba palakɩ tʋmɩyɛ nɛ kpekpeka mɩ-hɛkʋ taa nɛ peɖiyiɣ-mɩ Kɩbaɣlʋ taa nɛ papakɩ-mɩ yɔ;
13 nɛ pa-tʋmɩyɛ yɔɔ lɛ, ɩɖʋ-wɛ hɩɖɛ siŋŋ sɔɔlɩm taa.+ Iyele nɛ laŋhɛzɩyɛ wɛɛ mɩ-hɛkʋ taa.+
14 Hɔɔlʋʋ lɛɛkʋ taa lɛ, koobiya, ɖiseɣtiɣ-mɩ se ɩpaɣ mba pesidiɣ pɩtɩŋa yem yɔ,+ ɩyɔɔdɩnɩ nɔɔ kɩbaŋa mba pɛwɛ laŋwɛɛkɩyɛ taa yɔ,* ɩsɩnɩ ajamaa, ɩwɩlɩ suuɖu ɛyaa tɩŋa.+
15 Ɩcɔnɩ camɩyɛ se nɔɔyʋ ɛtaahɛyɩ lɛlʋ kɩdɛkɛdɩm kɩdɛkɛdɩm lone taa;+ ɛlɛ paa ɛzɩmtaa lɛ, ɩñɩnɩ se ɩla ɖama kɩbandʋ nɛ ɩla mbʋ ɛyaa lalaa tɩŋa.+
16 Ɩwɛɛ laŋhʋlʋmɩyɛ taa tam.+
17 Ɩtɩmɩɣ kaahɛzaɣ.+
18 Ɩwɩlɩ mɩ-ɛsɩmɩyɛ paa mbʋ lɛ pɩ-yɔɔ.+ Mbʋ Ɛsɔ sɔɔlaa se ɩla Krɩstʋ Yesu taa.
19 Ɩtaaɖɩzɩ fezuu miŋ.+
20 Itaani natʋ tɔm.+
21 Iwili pɩtɩŋa camɩyɛ,+ ɩɖɔkɩ mbʋ pɩwɛ ɖeu yɔ kpam.
22 Ikizi paa kañatʋ lakasɩ nzɩ.+
23 Tɛtɛ nɛ laŋhɛzɩyɛ tɛ Ɛsɔ maɣmaɣ pɩsɩ-mɩ kele kele hɔɔlɩŋ tɩŋa taa. Nɛ tɛtɛ nɛ mɩ koobiya lɛ, mi-fezuu nɛ mɩ-kalɩzaɣ* nɛ mi-tomnaɣ pɛwɛɛ pilim pɩtɩŋa pɩ-taa, nɛ pataana mɩ-yɔɔ kɩwɛɛkɩtʋ natʋyʋ ɖa-Kɩbaɣlʋ Yesu Krɩstʋ wɛʋ alɩwaatʋ taa.+
24 Weyi ɛyaɣ-mɩ yɔ, ɛwɛ siɣsiɣ; nɛ paa pɩɩlabɩ ɛzɩma yɔ ɛkaɣ labʋ mbʋ.
25 Koobiya, ɩwɛɛ nɛ ɩtɩmɩɣ ɖɔ-yɔɔ.+
26 Ɩsɛɛ koobiya tɩŋa nɛ sɔɔlɩm.*
27 Mentendiɣ-mɩ siŋŋ Kɩbaɣlʋ hɩɖɛ taa se ɩkalɩ takayaɣ kanɛ koobiya tɩŋa.+
28 Ða-Kɩbaɣlʋ Yesu Krɩstʋ lootiye ɛwɛɛ mɩ-cɔlɔ.
Pɩ-tɛɛ tɔm
^ Cɔnɩ Tɔm kɩsɔzɩtʋ A5.
^ Piye piye, «ɛzɩ kɩyakʋ tuduu.»
^ Piye piye, «nɛ kɩyakʋ.»
^ Yaa «ɖiɖou sɩm taa yɔ.»
^ Yaa «ɩhɛzɩ ɖama laŋa.»
^ Yaa «mba pitibi-wɛ yɔɔɔ yɔ.»
^ Yaa «mi-wezuu.» Cɔnɩ Tɔm pee sɔsɔna tɔbʋʋ lɩzʋʋ.
^ Piye piye, «Ɩsɛɛ koobiya tɩŋa nɛ lɩkpaɣzaɣ yɔɔ mʋzʋʋ mbʋ pɩwɛ kele kele yɔ.»
