Ɛzɩ Luka kɛdʋʋ yɔ 3:1-38
3 Tiibɛɛrɩ Sezaarɩ kewiyitu tɔɔʋ pɩnaɣ 15 ñɩŋga taa, alɩwaatʋ ndʋ Pɔɔnsɩ Pilaatɩ kaakɛ Yuudee komina ñʋʋdʋ, nɛ Eroodi*+ kɛ Galilee egeetiye ñʋʋdʋ, nɛ ɛ-ɖalʋ Filiipu ñɛkɛ Ituuree nɛ Trakonitiidi ageeta ñʋʋdʋ, nɛ Lisaniyaasɩ ñɛkɛ Abiilɛɛnɩ egeetiye ñʋʋdʋ,
2 cɔjɔ sɔsɔ Ana nɛ Kayifu+ pa-alɩwaatʋ taa yɔ, Ɛsɔ tɔm talɩ Zakarii pɩyalʋ Yohanɛɛsɩ+ kañɩmbusuu taa.+
3 Nɛ ewolo egeetiye nɖɩ ɖɩcɔ Yɔɔrdaŋ nɛ ɖɩta yɔ ɖɩ-tɩŋa ɖɩ-taa, nɛ esusuu lɩm mɩyɩsʋʋ mbʋ pɩkɛ kɩwɛɛkɩm yɔɔ kpiɖuu mbʋ piyeki se pekpeɣ ɛyʋ ɛ-kɩwɛɛkɩm yɔ pɩ-yʋsaɣ,+
4 ɛzɩ pamaʋ nayʋ Izaayii takayaɣ taa yɔ se: «Nɔɔyʋ ɖiɣni mabʋ kubusi kañɩmbusuu taa se: “Ɩñɔɔzɩ Yehowa* nʋmɔʋ! Ɩla nɛ ɛ-nʋmɔŋ tʋʋzɩ.+
5 Pɩwɛɛ se posuyi paa fɛɛʋ ŋgʋ, nɛ pɔyɔlɩ paa pʋʋ ŋgʋ nɛ paa piyaɣ ŋga nɛ pɛwɛɛ landamm; pɩwɛɛ se nʋmɔŋ weyi ikotaa yɔ, ɩtʋʋzɩ; nɛ nʋmɔŋ weyi ɩwɛ ñakʋ ñakʋ yɔ, ɩpɩsɩ lɛzɛ lɛzɛ;
6 nɛ tomnasɩ kpeekpe* kaɣ naʋ Ɛsɔ tɛ ñʋʋ yabʋ.”»*+
7 Nɛ ɛpaɣzɩ heyuu ɛyaa samaɣ ŋga kɔkɔŋaɣ se ɛmɩyɩsɩ-kɛ lɩm yɔ se: «Cakpadanaa piya mɩ, atasɩ-mɩ lɔŋ se ise pana wena akɔŋ yɔ?+
8 Ye mbʋ, ɩlʋlɩ pee wena awɩlɩɣ se ikpiɖi mɩ-kɩwɛɛkɩm yɔɔ yɔ. Ɩtaapaɣzɩ maɣzʋʋ mɩ-taa se: “Ða-caa lɛ Abraham.” Mbʋ pʋyɔɔ yɔ meheyiɣ-mɩ se Ɛsɔ pɩzɩɣ nɛ ɛlɩzɩ Abraham piya nɛ pɛɛ anɛ yɔ, a-taa.
9 Toovenim taa lɛ, laɖɩyɛ tɛm wɛʋ tɩŋ lila yɔɔ. Ye mbʋ, tɩʋ ŋgʋ kɩɩlʋlʋʋ pee kɩbana yɔ, pakaɣ-kʋ sɛtʋʋ nɛ pɛpɛɖɩ miŋ taa.»+
10 Nɛ ɛyaa samaɣ wɛɛ nɛ kɔpɔzʋʋ-ɩ se: «Ye mbʋ, ɛbɛ pɩwɛɛ se ɖɩla?»
11 Ecosi-wɛ nɛ ɛtɔ se: «Ɛyʋ weyi ɛwɛnɩ tokonaa 2 yɔ,* ɛ nɛ weyi ɛfɛyɩna yɔ, patayɩ, nɛ weyi ɛwɛnɩ nabʋyʋ se ɛtɔkɩ yɔ, ɛla mbʋ ɖɔɖɔ.»+
12 Halɩ lambuu mʋyaa kɔɔ se ɛmɩyɩsɩ-wɛ lɩm,+ nɛ pɔpɔzɩ-ɩ se: «Wɩlɩyʋ, ɛbɛ pɩwɛɛ se ɖɩla?»
13 Ecosi-wɛ se: «Ɩtaapɔzɩ* nabʋyʋ nɛ pɩcɛzɩ mbʋ paɖʋwa se pɛhɛyɩ yɔ.»+
14 Pɩtasɩ lɛ, mba paawɛ sɔɔjatʋ tʋmɩyɛ taa yɔ, pɛwɛɛ nɛ pɔpɔzʋʋ-ɩ se: «Ɛbɛ pɩwɛɛ se ɖɩla?» Nɛ ecosi-wɛ se: «Ɩtaala nɔɔyʋ ñaŋ* yaa ɩtaacɛtɩnɩ nɔɔyʋ taa,+ ɛlɛ mi-liu ɛsɩbɩnɩ mbʋ ihikiɣ* yɔ.»
15 Nɛ ɛyaa samaɣ kaawɛ ɖaŋʋʋ yɔɔ nɛ pa-tɩŋa pamaɣzɩɣ Yohanɛɛsɩ yɔɔ pa-laŋa taa nɛ pɔtɔŋ se: «Ɛzʋnɔ, pɩtɩkɛ ɛnʋ kɛnɩ Krɩstʋ?»+
16 Yohanɛɛsɩ cosi pa-tɩŋa nɛ ɛtɔ se: «Ma lɛ, lɩm taa mamɩyɩsɩɣ-mɩ, ɛlɛ weyi ɛkɩlɩ-m ɖoŋ yɔ ɛkɔŋ, nɛ mantɩmʋna se mɛhɛɖɩ ɛ-naataŋgbala tɔnzɩ.+ Ɛkaɣ-mɩ mɩyɩsʋʋ fezuu kiɖeɖeu taa nɛ miŋ taa.+
17 Ɛɖɔkɩ wonuu ŋgʋ ɛfalɩɣna yɔ e-nesi taa se ɛhazɩ taɣ ŋga ka-taa ɛmakɩ tɔɔnaɣ yɔ cɩɖɩ cɩɖɩ, nɛ ekpeɣli blee e-kpou taa, ɛlɛ lɔtʋ lɛ ɛkaɣ-tʋ ñaɣzʋʋ miŋ weyi ɩ-taa yɔ, paapɩzɩɣ nɛ paɖɩzɩ-ɩ.»
18 Ɛtasɩ ɛyaa seɣtuu hɔɔlɩŋ sakɩyɛ taa, nɛ ewolo pɩ-yɔɔ nɛ esusuu-wɛ tɔm kɩbandʋ.
19 Ɛlɛ Yohanɛɛsɩ kalaɣ Eroodi weyi ɛɛkɛ egeetiye ñʋʋdʋ yɔ ɛ-ɖalʋ halʋ Eroodiyaadɩ yɔɔ. Ɛkalaɣ-ɩ ɖɔɖɔ kañatʋ lakasɩ lɛɛsɩ sakɩyɛ nzɩ ɛlaba yɔ sɩ-yɔɔ; pʋyɔɔ lɛ,
20 Eroodi tasɩ labʋ pʋnɛ nɛ ɛsɔzɩ lakasɩ nzɩ sɩ-tɩŋa sɩ-yɔɔ: Ɛkpa Yohanɛɛsɩ nɛ ɛɖʋ-ɩ salaka.+
21 Nɛ alɩwaatʋ ndʋ pamɩyɩsɩ ɛyaa samaɣ tɩŋa lɩm yɔ, pamɩyɩsɩ ɖɔɖɔ Yesu lɩm.+ Ɛtɩmaɣ lɛ, ɛsɔdaa tʋlɩ,+
22 nɛ fezuu kiɖeɖeu tii ɛ-yɔɔ nɛ pana-kʋ ɛzɩ ehooye yɔ, nɛ nɔɔ nakɛyɛ lɩɩnɩ ɛsɔdaa mbʋ yɔ se: «Ŋkɛ man-Pɩyalʋ, weyi mɔnsɔɔlɩ-ɩ yɔ; ñɔ-tɔm kɛdɩnɩ-m.»+
23 Alɩwaatʋ ndʋ Yesu+ paɣzɩ ɛ-tʋmɩyɛ yɔ, ɛɛwɛnɩ pɩnzɩ 30 mbʋ yɔ,+ nɛ ɛyaa maɣzaɣ se ɛkɛ
Yosɛɛfʋ+ pɩyalʋ,Helii pɩyalʋ,
24 Mataatɩ pɩyalʋ,Leevi pɩyalʋ,Mɛlɩkii pɩyalʋ,Yanayɩ pɩyalʋ,Yosɛɛfʋ pɩyalʋ,
25 Matatɩyaasɩ pɩyalʋ,Amoosi pɩyalʋ,Nahum pɩyalʋ,Ɛsɩlii pɩyalʋ,Nagayii pɩyalʋ,
26 Maatɩ pɩyalʋ,Matatɩyaasɩ pɩyalʋ,Semeyiini pɩyalʋ,Yosɛɛkɩ pɩyalʋ,Yooda pɩyalʋ,
27 Yowaanaanɩ pɩyalʋ,Reezaa pɩyalʋ,Zorobabɛɛlɩ+ pɩyalʋ,Seyalɩtɩyɛɛlɩ+ pɩyalʋ,Neerii pɩyalʋ,
28 Mɛlɩkii pɩyalʋ,Adii pɩyalʋ,Koozam pɩyalʋ,Ɛlmaadam pɩyalʋ,Ɛɛrɩ pɩyalʋ,
29 Yesu pɩyalʋ,Eliyeezɛɛrɩ pɩyalʋ,Yoorim pɩyalʋ,Mataatɩ pɩyalʋ,Leevi pɩyalʋ,
30 Siimeyɔɔnɩ pɩyalʋ,Yudaasɩ pɩyalʋ,Yosɛɛfʋ pɩyalʋ,Yoonam pɩyalʋ,Eliyaakim pɩyalʋ,
31 Meleyaa pɩyalʋ,Menaa pɩyalʋ,Matata pɩyalʋ,Naataanɩ+ pɩyalʋ,Daviid+ pɩyalʋ,
32 Yesee+ pɩyalʋ,Obɛɛdɩ+ pɩyalʋ,Bowaazɩ+ pɩyalʋ,Salɩmɔɔnɩ+ pɩyalʋ,Naasɔɔnɩ+ pɩyalʋ,
33 Aminadaabɩ pɩyalʋ,Arɩnii pɩyalʋ,Ɛsɩrɔɔnɩ pɩyalʋ,Perɛɛzɩ+ pɩyalʋ,Yuuda+ pɩyalʋ,
34 Yakɔɔb+ pɩyalʋ,Izaakɩ+ pɩyalʋ,Abraham+ pɩyalʋ,Teera+ pɩyalʋ,Naahɔɔrɩ+ pɩyalʋ,
35 Seruugi+ pɩyalʋ,Rewuu+ pɩyalʋ,Peelɛɛgɩ+ pɩyalʋ,Ebɛɛrɩ+ pɩyalʋ,Seelaa+ pɩyalʋ,
36 Kayɩnaanɩ pɩyalʋ,Arpakɩsaadɩ+ pɩyalʋ,Sɛm+ pɩyalʋ,Noowa+ pɩyalʋ,Laamɛɛkɩ+ pɩyalʋ,
37 Metuselaa+ pɩyalʋ,Enɔɔkɩ pɩyalʋ,Yaarɛɛdɩ+ pɩyalʋ,Mahalaleyɛɛlɩ+ pɩyalʋ,Kayɩnaanɩ+ pɩyalʋ,
38 Enɔɔsɩ+ pɩyalʋ,Sɛɛtɩ+ pɩyalʋ,Aɖam+ pɩyalʋ,Ɛsɔ pɩyalʋ.
Pɩ-tɛɛ tɔm
^ Pʋ-tɔbʋʋ se Eroodi Antipaasɩ. Cɔnɩ Tɔm pee sɔsɔna tɔbʋʋ lɩzʋʋ.
^ Cɔnɩ Tɔm kɩsɔzɩtʋ A5.
^ Yaa «nɛ ɛyaa kpeekpe.»
^ Yaa «kaɣ naʋ nʋmɔʋ ŋgʋ kɩ-yɔɔ Ɛsɔ tɩŋɩɣna nɛ ɛyakɩ ñʋʋ yɔ.»
^ Yaa «ɛwɛnɩ toko ŋgʋ ɛɛlɛɣzɩ yɔ.»
^ Yaa «Ɩtaamʋ.»
^ Yaa «Ɩtaakpa nɔɔyʋ nɛ ɖoŋ nɛ ɩmʋ ɛ-pʋyʋ.»
^ Yaa «pɛhɛyɩɣ-mɩ.»
