Ɛsɔ sɛtʋ agbaa ndɩ ndɩ taa mba ɖama kpɛndʋʋ
Ɛzɩ Ɛsɔ kʋɖʋm Ɛsɔ sɛtʋ agbaa tɩŋa taa mba sɛɣ?
Ɛzɩ Ɛsɔ sɛtʋ agbaa tɩŋa tɔm kɛdɩɣnɩ Yehowa paa a-wɩlɩtʋ ɩkaɖɩɣnɩ ɖama yɔ?
Mat 7:13, 14; Yoh 17:3; Efɛ 4:4-6
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Yoz 24:15—Yozuwee yɔɔdaa se pɩwɛɛ se ɖɩlɩzɩ Yehowa nɛ ɛsɔnaa lalaa pɛ-hɛkʋ taa weyi ɖɩsɔɔlaa se ɖɩsɛɛ yɔ
-
1Aw 18:19-40—Yehowa tɩŋnɩ nayʋ Eliya yɔɔ nɛ ɛwɩlɩ se mba pɛsɛɣ Ɛsɔ toovenim tʋ yɔ pɩtɩpɔzɩ se pɛsɛɛ ɛsɔnaa lalaa ɛzɩ Baalɩ mbʋ yɔ
-
Suwe Yehowa maɣzɩɣ ajɛɛ ɛsɔnaa nɛ sɛtʋ ndʋ pɛcɛlɩɣ-wɛ yɔ tɩ-yɔɔ?
Suwe Yehowa maɣzɩɣ sɛtʋ ndʋ ɛyaa maɣzɩɣ se ɛnʋ pɛcɛlɩɣ-tʋ ɛlɛ pesidiɣ tɩ-taa lakasɩ nzɩ ɛpaɖɩɣ yɔ tɩ-yɔɔ?
Iza 1:13-15; 1Kɔ 10:20-22; 2Kɔ 6:14, 15, 17
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Ejl 32:1-10—Izrayɛɛlɩ mba lalaa ñɩɣ Aarɔɔnɩ yɔɔ nɛ elu neɣye sɩʋ kpeliɣa se patɩŋnɩ kɔ-yɔɔ nɛ pɔtɔɔ «Yehowa kazandʋ» lɛ, pɩwɩzɩ Yehowa siŋŋ
-
1Aw 12:26-30—Wiyaʋ Yerobowam taasɔɔlɩ se samaɣ ewolo templo taa Yeruzalɛm pʋyɔɔ ɛlabɩ sɩʋ kpelisi nasɩyɩ nɛ ɛtɔ se sɩsɩŋnɩ Yehowa, piyeba nɛ samaɣ la kɩwɛɛkɩm
-
Ɛzɩma Yehowa sɩnɩ Izrayɛɛlɩ mba nɛ pana se pɩcɛyaa se poposi pa-tɩ nɛ mba pɛsɛɣ ɛsɔnaa lalaa yɔ?
Ɛbɛ Yehowa laba alɩwaatʋ ndʋ ɛ-samaɣ kaasɛ ɛsɔnaa lalaa yɔ?
Tɔh 10:6, 7; Ke 106:35-40; Yer 44:2, 3
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
1Aw 11:1-9—Agbaaɣdaa halaa mba Wiyaʋ Salomɔɔ kaakpaɣaa yɔ, peseɣti-i nɛ ɛpaɣzɩ ɛsɔnaa lalaa sɛʋ; piyeba nɛ lalaa ɖɔɖɔ paɣzɩ-wɛ sɛʋ nɛ pɩɖʋ Yehowa ɖɩwɩzɩyɛ
-
Ke 78:40, 41, 55-62—Azaafʋ kɛdɩ ɛzɩma Izrayɛɛlɩ mba kaañamtʋ nɛ pa-sɩɩnaa latʋ ɖʋ Yehowa ɖɩwɩzɩyɛ nɛ piyele nɛ ɛlɛ kizi ɛ-samaɣ yɔ pɩ-tɔm
-
Yesu kaatɩnɩ Ɛsɔ sɛtʋ agbaa wɩlɩtʋ ndʋ tɩtaalakɩ nɔɔ kʋɖʋmaɣ nɛ Ɛsɔtɔm yɔ tɩ-yɔɔ?
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Mat 16:6, 12—Yesu kpaɣ Farɩsɩ mba nɛ Saduki mba pɛ-cɛtɩm wɩlɩtʋ nɛ ɛmaɣzɩnɩ lɔlɔm mbʋ pʋyɔɔ yɔ cɛtɩm wɩlɩtʋ yɛlɩɣ lɛɛ lɛɛ nɛ tɩwɛɛkɩɣ ɛyʋ nɛ Ɛsɔ pa-taabalɩyɛ
-
Mat 23:5-7, 23-33—Pɩ-tɛɛ nɛ pɩ-yɔɔ lakasɩ nzɩ takayɩsɩ mayaa nɛ Farɩsɩ mba palakaɣ yɔ, nɛ pɛ-cɛtɩm wɩlɩtʋ yɔɔ lɛ, Yesu kʋ pɔ-tɔm
-
Mak 7:5-9—Yesu kuli takayɩsɩ mayaa nɛ Farɩsɩ mba lakasɩ yɔɔ, mbʋ pʋyɔɔ yɔ pañaŋ ɛyaa lɩmaɣza nɛ pɩkɩlɩ tɔm ndʋ Ɛsɔ yɔɔdʋʋ yɔ
-
Yesu seɣti ɛ-wayɩ tɩŋɩyaa se patayɩ ɖama Ɛsɔ sɛtʋ agbaa ndɩ ndɩ taa yaa we?
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Yoh 15:4, 5—Yesu tɩŋnɩ viiñi tɩʋ kɩɖaʋ yɔɔ nɛ ɛwɩlɩ se pɩwɛɛ se nɔɔ kʋɖʋmaɣ ɛwɛɛ ɛ nɛ ɛ-wayɩ tɩŋɩyaa pɛ-hɛkʋ taa, nɛ kɛtɛ kɛwɛɛ ɛ-wayɩ tɩŋɩyaa hɛkʋ taa
-
Yoh 17:1, 6, 11, 20-23—Kɛdɛzaɣ ɖoo wena Yesu caɣ tɛtʋ yɔɔ nɛ pʋcɔ nɛ pakʋʋ-ɩ yɔ a-taa, ɛtɩmaa se nɔɔ kʋɖʋmaɣ ɛwɛɛ ɛ-wayɩ tɩŋɩyaa toovenim ñɩma tɩŋa hɛkʋ taa
-
Ɛzɩ kajalaɣ Krɩstʋ mba kaawɛnɩ tisuu kʋɖʋmʋm nɛ nʋmɔʋ kʋɖʋmʋʋ yɔɔ patɩŋaɣna nɛ pɛsɛɣ Yehowa yaa we?
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Tʋm 11:20-23, 25, 26—Antɩyɔɔsɩ nɛ Yeruzalɛm agbaa kpɛndaɣ nɛ alakɩ tʋmɩyɛ nɛ nɔɔ kʋɖʋmaɣ kaawɛ a-hɛkʋ taa
-
Rom 15:25, 26; 2Kɔ 8:1-7—Kajalaɣ pɩnzɩ mɩnʋʋ taa agbaa lakaɣ kʋjɔŋ nɛ asɩɣnɩ koobiya mba pɛwɛ kʋñɔmɩŋ taa yɔ, pɩwɩlɩɣ se sɔɔlɩm yeki nɛ agbaa wɛɣ nɔɔ kʋɖʋmaɣ taa
-
Ɛsɔ mʋʋ Ɛsɔ sɛtʋ agbaa wena atɔŋ se awɛnɩ tisuu Yesu yɔɔ yɔ a-tɩŋa a-sɛtʋ na?
Ye Ɛsɔ sɛyaa nabɛyɛ ɩɩñaŋ Krɩstʋ nɛ apostoloowaa wɩlɩtʋ, pɛ-Ɛsɔ sɛtʋ kɛdɩɣnɩ Ɛsɔ?
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Mat 13:24-30, 36-43—Yesu tɩŋnɩ kɩɖaʋ nakʋyʋ yɔɔ nɛ ɛwɩlɩ se ɛzɩma ñɩtʋ kɩdɛkɛdɩtʋ ñɔʋ hayɩm taa yɔ, mbʋ ɖɔɖɔ cɛtɩm Krɩstʋ mba kaɣ ñɔʋ agbaa taa
-
1Yo 2:18, 19—Apostoloo Yohanɛɛsɩ wɩlaa se Krɩstʋ koyindinaa sakɩyɛ kaatɛm lɩʋ agbaa taa kajalaɣ pɩnzɩ mɩnʋʋ ɖɩdɛnɖɛ taa
-
Ye paha nʋmɔʋ nɛ ɛyaa mba pawɩlɩɣ cɛtɩm tɔm nɛ paañaŋ Krɩstʋ yɔ pɛwɛɛ ɛgbɛyɛ taa yɔ, ɛbɛ pɩtɛŋna?
Ɛbɛ pɩwɛɛ se Krɩstʋ mba ɩla nɛ pataalesi nɔɔ kʋɖʋmaɣ ŋga kɛwɛ pɛ-hɛkʋ taa yɔ?
Ɛbɛ yɔɔ pɩfɛyɩ se Krɩstʋ mba ɩɖʋ pɔ-nɔɔ cɛtɩm Ɛsɔ sɛtʋ taa?
Ɛbɛ yɔɔ pɩmʋnaa se ɖikuli cɛtɩm Ɛsɔ sɛtʋ wɩlɩtʋ yɔɔ? Nɛ ye ɖɩlabɩ mbʋ pɩwazɩɣ we?
Ye cɛtɩm Ɛsɔ sɛtʋ taa mba ɩkaɖɩɣnɩ-ɖʋ nɛ panazɩɣ-ɖʋ yɔ, ɛbɛ yɔɔ pɩɩɖɩɣzɩɣ-ɖʋ?
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Yehowa Aseɣɖe Tɩnaa nɛ Ɛsɔ sɛtʋ agbaa lɛɛna pɛkpɛndɩɣ nɛ palakɩ Ɛsɔ sɛtʋ tʋma na?
Bibl wɩlɩtʋ ndʋ sɩnɩ-wɛ nɛ pocosi tɔm tʋnɛ tɩ-yɔɔ?
POCOSI BIBL TAA TƆM YƆƆ
Ɛsɔ sɛtʋ agbaa tɩŋa kɛ kʋɖʋma na? A-tɩŋa asɩɣnɩ ɛyʋ se ɛñɔtɩnɩ Ɛsɔ?
Patɩŋnɩ tɔm ndʋ Bibl yɔɔdɩ Ɛsɔ sɛtʋ yɔɔ yɔ tɩ-yɔɔ 2 yɔɔ nɛ pocosini tɔm pɔzʋʋ mbʋ pɩ-yɔɔ.
ƐYAA MBA ÐƖKƐNAA?
Pɔzɩ se nɔɔyʋ ɛkɔɔ nɛ ɛna-ŋ
Pɔzɩ tɔm natʋyʋ pɩlɩɩnɩ Bibl yɔɔ yaa pɔzɩ nɛ ŋtɩlɩ Yehowa Aseɣɖe Tɩnaa yɔɔ tɔm nɛ pɩkpaɖɩ.
