Lingisisa chi no tobela ne kwe batungamili be budumili ba no zibika ne nghwa ku Ukraine:

•   “Ntungamili we Kereke ye Russian Orthodox, Kirill, haazo leba chingwe ne kwe chi no thamiwa ne Russia. . . . Zibiso ye kereke iye isi ye malebeswa, ya ka shingisiwa mu mabaka a Putin e kube ku na nghwa.”—EUobserver, March 7, 2022.

•   “Ntungamili Kirill . . . wa ka tumilila chilakidzilo cha ka sima kwazo chi no dumilana ne ku thasela kwe shango iye ku Ukraine—e thalusa ku sa hwanana ikoku ili zila ingwe ye ku gwisana ne chibi”—AP News, March 8, 2022.

•   “Ne Monday, Ntungamili we Kereke ye Ukraine Orthodox, Metropolitan Epiphanius I we Kyiv, wa ka amuchila ne sendedzela kuti bathu babe ba gwisane ne banginilili be Russia . . . Kakale wa ka leba kuti ku bulaya masole e Russia a te chibi.”—Jerusalem Post, March 16, 2022.

•   “Iswi be [Ukrainian Council of Churches and Religious Organizations (UCCRO)] to dumilana ne masole e Ukraine ne bose ba no ti vikila, to amuchila ku vikila kwabo Ukraine mu ntshambilidzi, ngono to ba tembezelela.”—Cha ka legwa ne UCCRO a, February 24, 2022.

 U no kumbulani? A madumili a noti a no sala shule Jesu Kirisiti, a ka fanila sendedzela batobeli bawo ku yenda ku nghwa? Baibili ikatini?

Histori ye budumili mu nghwa

 Histori i no lakidza kuti budumili gwa gala gu amuchila ne ku sendedzela nghwa nenguba gu ti go thama mbakiso. Ne makole, Bafakazi ba Jehova ba gala be lakidza ku sa leba malebeswa kwe madumili mu khani iyeyi. Bona zwilakidzilo zwa ka lakidziwa mu dzitshambiso dzedu.

•   “The Crusades—A ‘Tragic Illusion’” i no lakidza se kwa Kereke ye Roma i zwidabilila mu ku bulawa kwe bathu mu zina le Ndzimu ne la Kirisiti.

•   “Kereke ya Katoliki mo Afrika” ya ka lakidza se kwa budumili gwa ka kongwa ku misa nghwa ye ludzi ne ku bulawa kwe bathu.

•   Misholo inoti “A Bodumedi bo Molato?,” “Seabe sa Bodumedi mo Dintweng tsa Batho,” ne “Bodumedi Bo Nna le Seabe” i no chenesa se kwa badiyi be Catholic, Orthodox, ne Protestant ba ka be be ma ne ba no ghwa.

A budumili gwe Bukirisiti gwa ka fanila ku dumilana ne nghwa?

 Cha ka diyiwa na Jesu: “Ida mmwe nthu sekwa unozwida.” (Matewu 22:39) “Idani zwita zwenyu.”—Matewu 5:44-47.

 Cha ka legwa na Jesu: “Bushe gwangu ate guli gwe shango ino, ha bushe gwangu gwabe guli gwe shango ino, balanda bangu banobe bagwa kudzibila . . . . kundisunga.” (Johani 18:36) “Bose banoshingisa bukanu banowofa nge bukanu.”—Matewu 26:47-52.

 Kumbula yechi: Ha ili kuti Bakirisiti ba ka be ba sa ka fanila ku ghwa ku vikila Jesu, a kuna mangwe mabaka a ba ka fanila ku tola dzithobolo ku ghwa? Bala nsholo unoti “A Ntwa e Tsamaisana le Bokeresete?” ku bona se kwa Bakirisiti be kutanga ba ka tobela ne ku thembeka chilakidzilo cha Jesu ne zwidiyo zwizwe.

Ini chi nowo shingikalila madumili a no sendedzela nghwa?

 Baibili i no diya kuti Ndzimu u no lamba madumili a no zwithama ano milila Jesu ngono a si nga sale shule zwidiyo zwizwe.—Matewu 7:21-23; Tito 1:16.

•   Buka ye Zumbunulo i no lakidza kuti Ndzimu u nowo thama kuti madumili iyawa a zwidabilile njifu dze “bathu bose bakabulawa mu shango.” (Zumbunulo 18:21, 24) Ku zwidiya kuti ne kutini, bala nsholo unoti “Babelona o Mogolo ke Eng?”

•   Jesu wa ka lakidza kuti madumili wose a ka lambiwa ne Ndzimu a nowo chinyigwa mishingo yawo ya ka bipa, koga se nti wa ka bipa u no zwala michelo ya ka bipa “unotemiwa ukalashigwa mu moto.” (Matewu 7:15-20) Bala nsholo u noti “Bokhutlo Jwa Bodumedi Jwa Maaka Bo Atametse!” ku bona kuti ichecho chowo shingikala chini.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images