Família di Jeová
Diskarega:
1. Sénpri‿N krê atxaba kes algen
K’é kes bons amigu ki tudu nos krê ten.
N ta sunhaba ma‿N t’atxaba‿un povu si,
Más ki‿amigus i sima‿irmons pa mi.
2. Dja‿N ka sta djobe, Jeová mostra-m,
El traze-m pa se povu, un família ki t’ama-m.
N sta vive kel ki sénpri‿N sunha ku‿el,
Kel família li nunka más N ka krê perde-l.
(MUDANSA DI RÍTIMU)
Jeová da-m sén bês más irmons i mai ku pai tanbê.
Ten mininus, jóvens i algen grandi k’é
Di txeu tribu i nason, pa undi ki nu bai.
Fórti sábi sta na família di nos Pai!
3. Amor é forsa di nos union.
Nu ten orgulhu di es família di irmons.
Ka ten nada‿igual n’es mundu ki nu sta.
Fórti sábi sta na família di Jeová!
(MUDANSA DI RÍTIMU)
Ka ten tribu nen nason, ki nos irmons ka sta.
Fórti sábi sta na família di Jeová!
4. Jeová t’ama-nu, el krê-nu pértu d’el,
El krê-nu sima fidjus i pa nu ser di sel,
Pa nu ser irmons pa tudu ténpu‿i fla:
“Fórti sábi sta na família di Jeová!”
Sta na es família di Jeová,
Di Jeová,
Di Jeová.
