N sabe ma Jeová sta ku mi
Diskarega:
1. N korda di sédu i‿N konpo pa sai,
Má antis N ora pa nha Deus i Pai.
Es fla-m pa‿N ka prega más pa ningen,
Má ki ta manda é Deus, é ka‿algen.
(KORU)
N sabe ma‿N tene kel Deus Más Grandi, Jeová, ku mi.
Kenha k’é ómi‿inperfeitu dianti di Deus?
Ken k’é algen pekador pa‿N ten medu d’es?
2. Ta pensa n’es dia ki fika pa tras,
Na kel ómi ki staba tristi dimás,
N ta pidi Jeová pa djuda-m torna‿atxa-l
Pa‿N mostra-l verdadi ki ta konsola-l.
(KORU)
N sabe ma‿N tene kel Deus Más Grandi, Jeová, ku mi.
Kenha k’é ómi‿inperfeitu dianti di Deus?
Ken k’é algen pekador pa‿N ten medu d’es?
(MUDANSA DI RÍTIMU)
Nunka‿N ka ta konsigi para di fla
Kes kuza ki‿N prende sobri Jeová.
Es é un lumi déntu di mi,
N ta pâpia d’es ti ki Deus traze fin.
Sima irmons ki sta luta tanbê,
N t’aguenta firmi, mante nha fé.
N ka krê dizisti pa nada ki ten
Pa‿N odja kel mundu ki sta ta ben.
3. Di noti N t’agradese Jeová
Pa más un dia i forsa k’el da-m.
Mó ki manhan ta ser, ka sta na nha mô,
Ki‿N sabe é ki‿N ka sta mi sô.
(KORU)
N sabe ma‿N tene kel Deus Más Grandi, Jeová, ku mi.
Kenha k’é ómi‿inperfeitu dianti di Deus?
Ken k’é algen pekador pa‿N ten medu d’es?
