Kimvuka ya Bafoto ya 1 ya Philippines (Yantika Februari 2014 tii na Mayi 2015)
Bambangi ya Yehowa ke tunga banzo ya mpa mpi ke yidika banzo ya ntama na betele ya Philippines na mbanza Quezon. Sambu bo me kuma kuniema mikanda ya Philippines na betele ya Japon, bo me kumisa nzo yina bo vandaka kusadila sambu na kuniema mikanda babiro ya Informatique, ya Kisalu ya Kutunga (LDC), ya Kisalu ya Kuyidika Bima, ya Kisalu ya Kutinda Mikanda, mpi ya Kisalu ya Kubalula. Bafoto yai ke monisa bisalu yina bo me sala na nzo yai ya bo vandaka ntete kuniema mikanda mpi na banzo ya nkaka yantika Februari 2014 tii na Mayi 2015. Kisalu yai ta mana na Oktobri 2016.
Mutindu lupangu ya Philippines ta vanda kana yo me mana. Banzo yai kele na kati ya banzo yina bo ke tunga to ya bo ke yidika:
Nzo 4 (Banzo ya Kulala)
Nzo 5 (Kisika ya Kukotisa Ndinga/Kusala Bavideo, Biro ya Ke Talaka Kisalu ya Bilanga)
Nzo 6 [Biro ya Ke Talaka Kisalu ya Kukuna mpi Kuyidika Bintuntu, Kisika ya Kuyidika Bakamio mpi ya Kukanga Bima (Sudire)
Nzo 7 (Biro ya Informatique, LDC, Kisika ya Kuyidika Bima, Biro ya Kutinda Mikanda, Babiro ya Bo Ke Salaka Kisalu ya Kubalula)
Februari 28, 2014—Nzo 7
Bampangi ya luzolo ya mbote ke tula matiatia na sashe sambu na kutanina yo na madidi. Bo me lwata bilele yina ke tanina bo sambu bo wa ve mukusa.
Aprili 2, 2014—Nzo 7
Bo me manisa kutula ludi na nzo ya kukotisa ndinga ya bidimbu ya Phillipines. Bo ta lutisa batiyo ya bima yina ke pesaka madidi mpi tiya na mabulu yina kele na ludi yango, mpidina mupepe yina ta panzana na nzo ya mvimba.
Oktobri 21, 2014—Site ya Quezon
Mpangi mosi ke timuna dibulu sambu na kutula batiyo ya masa. Yo ta kabisaka masa na banzo yonso.
Desembri 19, 2014—Nzila yina ke vukisa Nzo 1, 5 mpi 7
Bo me sala nzila yina ke vukisa banzo yonso ya nene, yo vanda Nzo 1, kisika kele nzo yina bantu ke diaka. Nzila yina ta sadisaka mingi-mingi bantu kuluta 300 yina ta salaka na Nzo 7.
Yanuari 15, 2015—Nzo 5
Grue ya batone 50 ke nangula manzanza ya kutula na ludi. Bantu ya bwala yina bo futaka mbongo sambu na kusala kisalu ke sadilaka ba grue ya mutindu na mutindu.
Yanuari 15, 2015—Nzo 5A (Kisika bantu ke lutaka)
Nzo ya ba-etaze zole yina nene na yo kele bametre carré 125 kele ti bawese, kimatilu, mpi masini yina ke matisaka mpi ke kulumusaka bantu. Mutindu bo me tula bawese ti bimatilu na kisika yina bantu ke lutaka me sala nde Nzo 5 yina kele pene-pene kubikala ti kisika mosi ya nene. Mutindu bo me tula masini yina ke matisaka mpi ke kulumusaka bantu na kisika yina bantu ke lutaka, na kisika ya kutula yo na kati ya Nzo 5, ta sala nde makelele ya masini yai kuyangisa ve kisalu ya kukotisa ndinga mpi ya kusala bavideo.
Yanuari 15, 2015—Nzo 5A (Kisika bantu ke lutaka)
Bampangi ya ke yidika bibende sambu na kutula beton kele na nsi ya madidi. Na ntangu, tiya ke kumaka kiteso ya 29°C na Yanuari mpi kiteso ya 34°C na Aprili.
Marsi 5, 2015—Nzo 5
Bampangi ke tula mabaya sambu ludi kuvanda ngolo. Bo me sadila mabaya ya ngolo kiteso ya 800 na Nzo 5.
Marsi 17, 2015—Nzo 5
Bo ke lamba beton na maboko sambu na kusala kima mosi ya fioti. Na kati ya bantu yina ke sala kisalu ya kutunga, kele mpi ti bampangi kuluta 100 yina me katuka na Australie, na Canada, na France, na Japon, na Nouvelle-Zélande, na Corée du Sud, na Espagne, na États-Unis mpi na bansi ya nkaka.
Marsi 25, 2015—Nzo 5
Bo ke tula ludi na Nzo 5, yina vandaka ntete Babiro ya Kubalula Mikanda. Bo me yidika nzo yai sambu yo kuma babiro ya Kisalu ya Kukotisa Ndinga/Kusala Bavideo, mpi babiro ya ke talaka Kisalu ya Bilanga.
Mayi 13, 2015—Nzo 5
Nkento mosi ke sadila masini sambu na kuzenga bibende yina bo ta tula na bibaka ya biro.
Nge Lenda Sepela Mpi Ti
BISALU YA KUTUNGA
Bambangi ya Yehowa Ke Tunga Bisika Yonso
Bantu ya Yehowa yina kele na bumosi ke nunga bandilu ya bansi, ya binkulu, mpi ya bandinga sambu na kutunga Banzo ya Kimfumu mpi banzo ya nkaka, yonso yina sambu na nkembo ya Yehowa.