“Yandi Ke Kudibanzaka Sambu na Beno”
Ata bantu ya nkaka lenda yambula nge, kele ti muntu mosi yina ta yambula nge ve ata fioti. Muntu yango kele nani?
Ntotila Davidi tubaka nde: “Ata kana tata mpi mama na mono kubuya mono, Yehowa yandi mosi ta baka mono.”—Nkunga 27:10.
Yehowa kele “Tata ya mawa mingi mpi Nzambi yina ke lembikaka bantu yonso; yandi ke lembikaka beto na bampasi na beto yonso.”—2 Bakorinto 1:3, 4.
Beno “losa basusi na beno yonso na yandi sambu yandi ke kudibanzaka sambu na beno.”—1 Piere 5:7.
Sambu na kuzaba mutindu Nzambi ke zola kusadisa nge, tala kapu 12 ya mukanda Inki Biblia Ke Longa Beto? yina Bambangi ya Yehowa me basisaka. Nge lenda baka yo mpi na www.mr1310.com
Nge Lenda Sepela Mpi Ti
NZOZULU YA NKENGI
Ntama Mingi Ve Nzambi Ta Katula Bampasi Yonso
Inki mutindu beto me zaba nde kubika fioti Nzambi ta katula bampasi yonso mpi mambu ya mbi?
