Nge Ta Baka Balusakumunu ya Kukonda Nsuka ya Me Katuka na Ngangi na Beto
Nzambi silaka Abrahami nde yandi ta sakumuna “makanda yonso ya ntoto” na nzila ya mwana mosi na kati ya ndonga ya bana ya Abrahami. (Kuyantika 22:18) Mwana yango vandaka nani?
Bamvula kiteso ya 2000 me luta, Nzambi pesaka Yezu, yina vandaka na kati ya ndonga ya bana ya Abrahami ngolo ya kusala mambu ya kuyituka. Mambu yina Yezu salaka ntangu yandi vandaka na ntoto monisaka nde Yezu muntu ta lungisa lusilu yina Nzambi pesaka Abrahami.—Bagalatia 3:14.
Mambu ya kuyituka yina Yezu salaka monisaka nde yandi vandaka muntu yina Nzambi ponaka sambu na kusakumuna bantu. Yo monisaka mpi mutindu Nzambi ta sadila Yezu sambu na kupesa bantu balusakumunu ya kukonda nsuka. Tala mutindu mambu ya kuyituka yina Yezu salaka ke monisa bikalulu na yandi ya kitoko.
Ntima-Mbote—Yezu belulaka bambefo.
Kilumbu mosi, muntu ya maladi ya lepre bondilaka Yezu na kubelula yandi. Yezu simbaka yandi mpi songaka yandi nde: “Mono me zola!” Na mbala mosi lepre na yandi manaka.—Marko 1:40-42.
Kukaba—Yezu disaka bantu yina vandaka ti nzala.
Yezu zolaka ve nde bantu kukwenda na nzala. Na dibaku mosi buna, Yezu salaka mambu ya kuyituka ntangu yandi kumisaka mingi mampa mpi bambisi ya masa sambu na kudisa bantu mingi yina vandaka na nzala. (Matayo 14:17-21; 15:32-38) Bantu yonso diaka, fulukaka mpi bima ya nkaka bikalaka.
Mawa—Yezu futumunaka bafwa.
“Mawa” pusaka Yezu na kufutumuna mwana mosi kaka ya mufwidi mosi ya nkento.—Luka 7:12-15.
Nge Lenda Sepela Mpi Ti
Lukwikilu ya Kyeleka—Kinsweki Sambu na Luzingu ya Kyese
Lukanu ya Nzambi Sambu na Ntoto Kele Inki?
MALONGI YA MFUNU YA BIBLIA
Sambu na Nki Nzambi Gangaka Ntoto?
Ntoto me fuluka ti bima ya kitoko. Yo kele na kitamina ya me fwana kibeni ti ntangu, yo kele na kisika yina me fwana, mpi yo ke balukaka na vitesi ya me fwana. Sambu na nki Nzambi salaka bikesa ya mingi mutindu yai ntangu yandi gangaka ntoto?
