TELAMA! No. 4 2017 | Keti Nge Ke Salaka Mingi Kibeni?
Bubu yai, bantu mingi kele ti mambu mingi kibeni ya kusala yo yina bantangu ya nkaka bangwisana na bo ke vandaka ve mbote mpi mabuta ke niokwamaka.
Inki mutindu beto lenda sadila ntangu na beto ti bukati-kati?
Muntu mosi ya mayele sonikaka nde: “Kupema mwa fioti kele mbote kuluta kisalu ya ngolo mpi kulanda mupepe.”—Longi 4:6.
Nimero yai ya Telama! ke pesa bangindu ya mbote ya ke monisa mutindu ya kusadila mbote ntangu na beto mpi kutula mambu ya me fwana na kisika ya ntete.
DISOLO YINA KELE NA LUTITI YA LUYANTIKU
Keti Nge Ke Salaka Mingi Kibeni?
Bantu mingi ke kukaka ve kulungisa mukumba na bo na kisalu mpi na nzo. Inki kele na kisina ya diambu yai? Inki beto lenda sala sambu na kulembika yo?
Sterne Arctique Ke Yitukisa
Bantu vandaka kuyindula ntete nde ndeke ya bo ke bingaka sterne arctique ke salaka nzietelo ya bakilometre 35 200 sambu na kukwenda mpi kuvutuka katuka na Arctique tii na Antarctique. Kansi, yina kele kaka ndambu ya disolo ya kuyituka ya ndeke yai.
“Zina ya Mbote Kele Mbote Kuluta Kimvwama Mingi”
Beto lenda kuma ti zina ya mbote mpi kusala nde bantu kuzitisa beto. Kansi nki mutindu?
LUSADISU SAMBU NA MABUTA
Kana Bana Yonso Me Katuka na Nzo
Bankwelani ya nkaka ke kutanaka ti bampasi ya ngolo kana bana na bo yonso me yela mpi me katuka na nzo. Inki lenda sadisa bibuti na kuyikana ti luzingu yai ya mpa?
INTERVIEW
Munganga Mosi ya Ke Longukaka Maladi ya Butomfu Ke Tendula Lukwikilu na Yandi
Profesere Rajesh Kalaria ke tubila kisalu mpi lukwikilu na yandi. Inki pusaka yandi na kusepela na siansi? Inki pusaka yandi na kutula ntembe na kisina ya luzingu?
DIBANZA YA BIBLIA
Mpukumuna
Kubwa na mpukumuna lenda nata malanda mingi, mu mbandu kufwa makwela, maladi, mpi kansansa ya ke yangisa. Inki mutindu nge lenda tina mutambu yai?
KETI YO KUDIBASIKILAKA
Mukubu ya Bleu ya Ke Semaka ya Baie ya Pollia
Baie yai ke vandaka ve ti bima yina ke tulaka mukubu ya bleu (pigment), kansi yo ke vandaka ti mukubu ya bleu ya ngolo kuluta banti yonso ya nkaka. Inki ke sadisaka yo na kuvanda ti mukubu yina ya ngolo?
