“Insi mosi ta nwanisa insi ya nkaka mpi kimfumu mosi ta nwanisa kimfumu ya nkaka . . . Mambu yai yonso kele luyantiku ya bampasi.”

Matayo 24:7, 8

“Bambikudi mingi ya luvunu ta basika mpi ta kusa bantu mingi; mpi sambu kikalulu ya kufwa bansiku ta kuma mingi, zola ya bantu mingi ta mana.”

Matayo 24:11, 12

“Ntangu beno ta wa makelele ya bitumba mpi bansangu ya bitumba, beno tekita ve na boma; mambu yai fwete salama, kansi yina kele ntete ve nsuka.”

Marko 13:7

“Ntoto ta nikana ngolo, mpi nzala ti kipupa ta vanda na bisika ya mutindu na mutindu; mpi yo ta vanda ti mambu ya ke pesa boma mpi bidimbu ya nene ta ­vanda na zulu.”

Luka 21:11

 “Na bilumbu ya nsuka bantangu ya mpasi mpi ya nku ta vanda. Sambu bantu ta vanda bantu ya ke kudizolaka, bantu ya ke zolaka mbongo, bantu ya ke kudikumisaka, bantu ya lulendo, bantu ya ke vwezaka, bantu ya ke lemfukaka ve na bibuti, bantu ya ke pesaka ve matondo, bantu ya me konda kwikama, bantu ya ke zolaka ve bantu ya nkaka, bantu ya ke zolaka ve kuwakana, bantu ya ke kusilaka bankaka makambu, bantu ya me konda kudiyala, bantu ya nku, bantu ya ke zolaka ve mambu ya mbote, bantu ya ke tekaka bankaka, bantu ya ntu-ngolo, bantu ya me fuluka ti lulendo, bantu ya ke zolaka biese na kisika ya kuzola Nzambi, bantu ya ke monanaka nde bo ke zolaka mambu ya Nzambi, kansi bo ke buyaka ngolo ya mambu yina.”

2 Timoteo 3:1-5