Bakolosai 2:1-23
2 Mono ke zola nde beno bakisa bitumba ya nene yina mono ke nwana sambu na beno, sambu na bantu yina kele na Laodisea,+ mpi sambu na bantu yonso yina me monaka mono ntete ve.*
2 Yo kele sambu bantima na bo kulembama+ mpi bo vukana mbote-mbote na zola,+ sambu bo vanda ti bimvwama yonso yina ke katukaka na kutula ntima ya mvimba na mayele na bo ya kubakisa mambu, sambu bo zaba mbote-mbote kinsweki ya santu ya Nzambi, disongidila Kristu.+
3 Bimvwama yonso ya mayele mpi ya nzayilu me bumbanaka mbote-mbote na yandi.+
4 Mono ke tuba mambu yai sambu muntu mosi ve kukusa beno ti bangindu ya ke ndimisa.
5 Ata mono kele ve ti beno na nitu, mono kele ti beno na mpeve, mpi mono kele na kiese na kumona mutindu beno ke sala mambu na ndonga+ mpi lukwikilu ya ngolo yina beno kele na yo na Kristu.+
6 Yo yina, mutindu beno me ndimaka Mfumu Kristu Yezu, beno landa kutambula na bumosi ti yandi;
7 beno tula misisa ya ngolo na yandi, beno tungama na yandi,+ mpi beno vanda na lukwikilu ya ngolo,+ mutindu bo longaka beno, mpi beno pesa Nzambi matondo mingi.+
8 Beno keba nde muntu mosi ve kukumisa beno bampika* na nzila ya mayele ya nsi-ntoto mpi ya bangindu ya luvunu ti ya mpamba-mpamba+ na kuwakana ti bansiku ya bantu, na kuwakana ti mambu ya ntete-ntete ya nsi-ntoto kansi ve na kuwakana ti Kristu;
9 sambu bikalulu ya Nzambi kele na kati na yandi na kiteso ya kufwana.+
10 Yo yina, beno me bakaka bima yonso na nzila na yandi, muntu yina kele mfumu ya konso luyalu mpi ya konso kiyeka.+
11 Na bangwisana na beno ti yandi, bo yotisaka beno mpi ti luyotisu yina bo salaka ve na maboko ntangu bo katulaka nitu ya kinsuni.+ Bo yotisaka beno ti luyotisu yina kele ya Kristu.+
12 Sambu bo zikaka beno ti yandi na mbotika na yandi,+ mpi na bangwisana na beno ti yandi, Nzambi futumunaka beno+ mpi kumosi na nzila ya lukwikilu yina beto kele na yo na kisalu ya ngolo ya Nzambi, yina tedimisaka yandi na bafwa.+
13 Diaka, ata beno vandaka ya kufwa na bifu na beno mpi bo me yotisaka beno ntete ve, Nzambi vutulaka beno na luzingu nzila mosi ti yandi.+ Yandi lolulaka bifu na beto yonso na luzolo yonso+
14 mpi yandi vwansaka* mukanda ya bo sonikaka na maboko+ yina vandaka ti bansiku+ mpi yina vandaka mbeni na beto.+ Yandi me katulaka yo na mutindu yandi bulaka yo munsonso na nti ya mpasi.*+
15 Na nzila na yo,* yandi bedisaka baluyalu ti biyeka, mpi yandi songaka bo na meso ya bantu bonso bantu ya bo me nunga na bitumba,+ mpi yandi nataka bo na ndonga ya bantu yina me nunga.
16 Yo yina, beno bika ve nde muntu kusambisa beno sambu na bima yina beno ke dia mpi ke nwa+ to sambu beno ke sala nkinsi mosi to ke zitisa ngonda ya mpa+ to kisabatu.+
17 Mambu yai kele kivudi ya mambu yina ke kwisa,+ kansi mambu ya kieleka kele na Kristu.+
18 Bika nde muntu mosi ve kubotula beno lufutu;+ muntu yina ke waka kiese na kudikulumusa ya luvunu mpi na mutindu mosi buna ya lusambu ya bawanzio, yina “ke kangamaka kaka na”* mambu yina yandi monaka. Yandi ke tulaka lulendo kukonda kikuma na mutindu na yandi ya kuyindula ya kinsuni,
19 mpi yandi ke simbaka ve ngolo ntu,+ muntu yina ke pesaka nitu ya mvimba bima yonso ya mfunu mpi ke vukisaka yo mbote-mbote na nzila ya binkoso mpi misisa na yo, mpi ke salaka nde nitu kulanda kuyela ti kuyela yina ke katukaka na Nzambi.+
20 Kana beno fwaka ti Kristu na mambu ya ntete-ntete ya nsi-ntoto,+ sambu na nki beno ke zinga bonso nde beno kele kaka bantu ya nsi-ntoto na mutindu beno ke lemfuka diaka na bansiku yai:+
21 “Kubaka ve, kumeka ve, mpi kusimba ve,”
22 sambu na bima yonso yina ke bebaka kana bo sadila yo, na kulanda bansiku mpi malongi ya bantu?+
23 Ata mambu yai ke monanaka bonso mambu ya mayele, na mutindu ya lusambu yina muntu me kuditudilaka mpi na kudikulumusa ya luvunu, mpi kuniokula nitu ngolo,+ yo kele na mfunu ve sambu na kunwana ti banzala ya nitu.
Banoti na nsi ya lutiti
^ Na kisina, “yina me monaka ntete ve luse na mono na kinsuni.”
^ To “kunata beno bonso mbisi ya yandi me kanga.”
^ To “katulaka.”
^ Tala Bantendula ya Bangogo.
^ To mbala ya nkaka, “yandi.”
^ Yo me katuka na bikalulu ya mimpani yina kele mpasi na kubakisa.
