Nkunga 36:1-12
Na ntwadisi. Ya nsadi ya Yehowa, Davidi.
36 Mambu ke tubila muntu ya mbi na nsi ya ntima na yandi kibeni;Yandi ke waka ve Nzambi boma.+
2 Sambu na meso na yandi mosi,ya ndi ke kudileba mingi kibeni;Sambu yandi mona kifu na yandi mpi yandi menga yo.+
3 Bangogo ya munoko na yandi ke pesaka mpasi mpi ke kusaka;Yandi ke monisa ve mayele ya kubakisa mambu mbote-mbote sambu na kusala mambu ya mbote.
4 Yandi ke kana mambu yina ke pesaka mpasi ata na mbeto na yandi.
Yandi ke na nzila yina kele mbote ve;Yandi ke buya ve mambu ya mbi.
5 O Yehowa,zola na nge ya kwikama ke kumaka tii na zulu ,+Kwikama na nge tii na matuti.
6 Lunungu na nge kele bonso bangumba ya nene;*+Balusambisu na nge kele bonso ba masa ya nene ya mudindu.+
Nge ke taninaka muntu mpi mbisi,* O Yehowa.+
7 O Nzambi,zola na nge ya kwikama kele na mfunu kibeni!+
Na kivudi ya mapangu na nge,Bana ya bantu ke kwisaka kutina.+
8 Bo ke nwa bima mingi ya mbote* yina kele na nzo na nge tii kuna bo ke fuluka,+Mpi nge ke sala nde bo nwa masa ya bima na nge ya mbote.+
9 Nge kele nto ya luzingu;+Na nzila ya ntemo na nge,beto lenda mona nsemo.+
10 Landa kumonisa zola na nge ya kwikama na bantu yina me zaba nge,+Mpi lunungu na nge,na bantu yina kele ti ntima ya kusungama.+
11 Kubika ve nde dikulu ya muntu ya lulendo kuniata mono,Mpi kubika ve nde diboko ya muntu ya mbi kukula mono.
12 Kuna bantu ya ke salaka mambu ya mbi me bwa;Bo me bwisaka bo na ntoto mpi bo lenda telema ve.+
