Mika 3:1-12
3 Mono tubaka nde: “Pardo, beno wa, beno bamfumu ya YakobiMpi beno bakomanda ya nzo ya Izraele.+
Keti beno fwete zaba ve mambu ya lunungu?
2 Kansi beno ke menga mambu ya mbote+ mpi beno ke zola mambu ya mbi;+
Beno ke katula bantu na mono mpusu mpi misuni na mikwa na bo.+
3 Beno ke dia mpi misuni ya bantu na mono+Mpi beno ke katula bo mpusu,Beno ke panza mikwa na bo mpi beno ke zenga yo bitini-bitini,+Bonso bima yina bo me lamba na nzungu,* bonso misuni na kati ya nzungu ya kulambila.
4 Na ntangu yina, bo ta binga Yehowa sambu na kulomba lusadisu,Kansi yandi ta pesa bo ve mvutu.
Na ntangu yina, yandi ta bumba luse na yandi na ntwala na bo,+Sambu na bisalu na bo ya mbi.+
5 Yai mambu yina Yehowa ke tuba sambu na bambikudi yina ke vidisa bantu na mono nzila,+Bayina ke samuna ‘Ngemba!’+ na ntangu bo ke tatika* ti meno na bo+Kansi bayina ke samuna* bitumba sambu na muntu yina ke tula ve ata kima na minoko na bo:
6 ‘Beno ta vanda na mpimpa;+ mbona-meso ta vanda ve;+Mudidi mpamba ta vanda sambu na beno, bo ta zabisa ve na ntwala mambu yina ta bwa.
Ntangu ta dinda na zulu ya bambikudi,Mpi kilumbu ta kumina bo mpimpa.+
7 Bantu ya ke monaka bambona-meso ta wa nsoni,+Mpi banganga-ngombo ta lemba nitu.
Yo ta lomba nde bo yonso kufika minoko na bo,*Sambu Nzambi ke pesa ve mvutu.’”
8 Kansi mono, mpeve ya Yehowa me fulusa mono ti ngolo,Lunungu mpi kikesa,Sambu na kuzabisa Yakobi kukolama na yandi mpi kusonga Izraele disumu na yandi.
9 Pardo, beno wa diambu yai, beno bamfumu ya nzo ya YakobiMpi beno bakomanda ya nzo ya Izraele,+Bayina ke mengaka lunungu mpi ke kumisaka nioka-nioka mambu yonso yina kele ya kusungama,+
10 Bayina ke tunga Sioni ti menga yina bo ke tiamuna mpi Yeruzalemi ti kukonda lunungu.+
11 Bantwadisi* na yandi ke sambisa sambu na kubaka avoka,+Banganga-nzambi na yandi ke longa sambu na mbongo,+Mpi bambikudi na yandi ke zabisa na ntwala mambu yina ta bwa, sambu na mbongo.*+
Kansi bo ke yekama na Yehowa* mpi ke tuba nde:
“Keti Yehowa kele ve ti beto?+
Mpasi mosi ve ta bwila beto.”+
12 Yo yina sambu na beno,Bo ta bundula Sioni bonso kilanga,Yeruzalemi ta kuma mayumbu,+Mpi ngumba ya Nzo* ta kuma bonso bangumba na mfinda.*+
Banoti na nsi ya lutiti
^ To “nzungu ya kulambila ya kele ti munoko ya nene.”
^ To mbala ya nkaka, “ntangu bo kele ti kima ya kutafuna.”
^ Na kisina, “ke santisa.”
^ Na kisina, “kufika bamustashe.”
^ To “bo ke tuba nde bo ke yekama na Yehowa.”
^ To “arza.”
^ Na kisina, “Bamfumu.”
^ To “ngumba ya tempelo.”
^ To “bonso nsongi ya ngumba ya me fuluka ti banti.”
