Yezaya 10:1-34
10 Mawa na bantu yina ke basisaka bansiku+ ya ke pesaka mpasi,Bayina ke sonikaka mbala na mbala bantuma ya ke niokulaka,
2 Sambu na kubuya kusambisa mambu yina nsukami ke funda,Sambu na kubuyisa lunungu+ na muntu ya kukonda mfunu yina kele na kati ya bantu na mono,Kukumisa mifwidi ya bankento bima na bo ya bo me botula,Mpi bana ya me konda batata* bima na bo ya bo me botula na bitumba!+
3 Inki beno ta sala na kilumbu ya ndola,+Ntangu lufwa ta katuka ntama+ mpi ta kwisa?
Na nani beno ta tina sambu na kusosa lusadisu,+Mpi na wapi beno ta bika kimvwama* na beno?
4 Ata kima mosi ve me bikala, katula kaka kukondama na kati ya bantu ya bolokoTo kubwa na kati ya bantu ya bo me fwa.
Sambu na mambu yai yonso, makasi na yandi me mana ve,Kansi diboko na yandi kele kaka ya kutandula sambu na kubula.+
5 “Aa! muntu ya Asiria,+Nti sambu na kumonisa makasi+ na mono,Mpi muhangu yina kele na diboko na bo sambu na kumonisa makasi!
6 Mono ta tinda yandi sambu na kunwanisa dikanda+ yina ke kolamaka,Sambu na kunwanisa bantu yina pesaka mono makasi;Mono ta songa yandi na kubotula bima mingi mpi na kubaka bima mingiMpi na kuniata bo mutindu bo ke niataka poto-poto na babala-bala.+
7 Kansi ngindu na yandi ta vanda ve mutindu yina,Mpi ntima na yandi ta kana ve kusala mutindu yina;Sambu ngindu ya kufwa kele na ntima na yandi,Ya kufwa makanda mingi, kansi fioti ve.
8 Sambu yandi ke tuba nde,‘Keti bantu yina ke sadila mono bonso bamfumu kele ve bo yonso bantotila?+
9 Keti Kalno+ kele ve bonso Karkemishi?+
Keti Amati+ kele ve bonso Arpadi?+
Keti Samaria+ kele ve bonso Damasi?+
10 Diboko na mono kangaka bimfumu ya banzambi ya kukonda mfunu,Bayina biteki na bo vandaka mingi kuluta biteki ya Yeruzalemi ti ya Samaria!+
11 Keti mono ta sala mpi ve Yeruzalemi ti biteki na yoMutindu mono salaka Samaria ti banzambi na yo ya kukonda mfunu?’+
12 “Ntangu Yehowa ta manisa kisalu na yandi yonso na Ngumba ya Sioni ti na Yeruzalemi, yandi* ta pesa ntotila ya Asiria ndola sambu na ntima na yandi ya kukonda luzitu mpi kutala na yandi ya lulendo mpi ya kudisongisa.+
13 Sambu yandi ke tuba nde,‘Mono ta sala yo na ngolo ya diboko na mono,Mpi ti mayele na mono, sambu mono kele mayele.
Mono ta katula bandilu ya bantu+Mpi mono ta botula bimvwama na bo,+Ebuna mono ta bedisa bantu yina ke zingaka kuna bonso muntu mosi ya ngolo.+
14 Bonso muntu mosi ya me kuma pene-pene ya buyamba,Diboko na mono ta botula bima ya bantu;Mpi bonso muntu mosi ya ke vukisa maki ya bo me yambula,Mono ta vukisa ntoto ya mvimba!
Ata ndeke mosi ve ta nikisa-nikisa mapapu na yandi, ta kangula munoko na yandi, to ta yimba-yimba.’”
15 Keti disoka ta kudinangula na zulu ya muntu yina ke sadila yo?
Keti si ta kudinangula na zulu ya muntu yina ke zenga ti yo?
Keti nti+ ta nikisa muntu yina ke tombula yo?
To keti nti lenda tombula muntu yina me simba yo?
16 Yo yina Mfumu ya kieleka, Yehowa ya makesa,Ta sala nde bantu na yandi+ ya mafuta-mafuta kukonda,Mpi na nsi ya nkembo na yandi, yandi ta pedisa tiya ya ngolo.+
17 Nsemo+ ya Izraele ta kuma tiya,+Mpi Santu na yandi ta kuma ludimi ya tiya;Yo ta pela ngolo mpi ta yoka matiti na yandi ya mbi ti tu-banti na yandi ya bansende na kilumbu mosi.
18 Yandi ta katula kimakulu* nkembo ya mfinda na yandi mpi ya kisika na yandi ya bo me kunaka banti yina ke butaka bambuma;Yo ta vanda bonso ntangu muntu mosi ya ke bela ke kondaka.+
19 Banti ya mfinda na yandi yina ta bikalaTa vanda fioti kibeni na mpila nde mwana-fioti ya bakala lenda tanga yo.
20 Na kilumbu yina, bantu ya Izraele yina me bikalaMpi bantu ya nzo ya Yakobi yina me gulukaTa tula diaka ve ntima na muntu yina bedisaka bo;+Kansi ti kwikama, bo ta tula ntima na Yehowa,Santu ya Izraele.
21 Kaka bantu yina me bikala bantu ta vutuka,Bantu ya Yakobi ya me bikala, na Nzambi ya Ngolo.+
22 O Izraele, ata bantu na ngeKele bonso bambuma ya zelo ya nzadi-mungwa,Kaka bantu fioti yina me bikala na kati na bo bantu ta vutuka.+
Bo me baka lukanu+ ya kumanisa bo,Mpi lunungu* ta kanga bo.+
23 Ee, lukanu ya kumanisa bo yina Mfumu ya Kuluta Nene, Yehowa ya makesa, bakakaTa lungana na insi+ ya mvimba.
24 Yo yina Mfumu ya Kuluta Nene, Yehowa ya makesa, me tuba nde: “Bantu na mono yina ke zinga na Sioni, beno wa boma ve sambu na muntu ya Asiria, yina vandaka kubula beno fimbu mpi kutedimisa nti+ na yandi sambu na kunwanisa beno mutindu Ezipte salaka.+
25 Sambu kubika fioti kibeni, ndola ta suka; makasi na mono ta kwenda na ndambu na bo tii kuna bo ta fwa.+
26 Yehowa ya makesa ta nikisila yandi+ fimbu, bonso ntangu yandi bedisaka Madiani na ditadi ya Orebi.+ Mpi nti na yandi ta vanda na zulu ya nzadi-mungwa, ebuna yandi ta tedimisa yo mutindu yandi tedimisilaka Ezipte.+
27 Na kilumbu yina, kilo na yandi ta katuka na zulu ya dipeka na nge,+Mpi vangu na yandi ta katuka na zulu ya nkingu na nge,+Ebuna vangu yina ta bukana+ sambu na mafuta.”
28 Yandi me kwisa na Aiyati,+Yandi me luta na Migroni,Yandi me bika bima na yandi na Mikmashi.+
29 Bo me luta na kisika ya bo lenda sabuka na makulu,Bo me lala na Geba,+Rama ke tekita, Gibea+ ya Saule me tina.+
30 O mwana-nkento ya Galimi, tula milolo mpi boka!
O Layisha, tula dikebi!
O nsukami Anatoti!+
31 Madmena me tina.
Bantu ya Gebimi me sosa kisika ya lutaninu.
32 Bubu yai kibeni, yandi ta telama na Nobi.+
Yandi ta nikisa dikofi na yandi na ndambu ya ngumba ya mwana-nkento ya Sioni,Ngumba ya fioti ya Yeruzalemi.
33 Tala! Mfumu ya kieleka, Yehowa ya makesa,Ke zenga balutangu ti makelele ya ngolo kibeni;Banti ya kuluta nda bo ke zenga yo,+Mpi banti ya nda mingi bo ke kulumusa yo.
34 Yandi ta zenga tu-banti ya mfinda ti kisadilu ya kibende,*Mpi Libani ta bwa na diboko ya muntu ya ngolo.
Banoti na nsi ya lutiti
^ To “Mpi bana-nsiona.”
^ To “nkembo.”
^ Na kisina, “mono.”
^ To “katuka na moyo tii na nsuni.”
^ To “ndola.”
^ To “disoka.”
