Yezaya 33:1-24
33 Mawa na nge, nge muntu ya ke fwaka bantu, nge ya bo me fwaka ve;+Nge muntu ya ke tekaka bantu, nge ya bo me tekaka ve!
Ntangu nge ta manisa kufwa bantu, bo ta fwa nge mpi.+
Ntangu nge ta manisa kuteka bantu, bo ta teka nge mpi.
2 O Yehowa, monisila beto ntima ya mbote.+
Kivuvu na beto kele na nge.
Kuma diboko*+ na beto konso suka,Ee, luguluku na beto na ntangu ya mpasi.+
3 Bantu ke tina ntangu bo ke wa makelele ya mavwanga.
Ntangu nge ke telama, makanda ke panzana.+
4 Mutindu bampasu ya lukasi ke vukanaka, mutindu yina mpi bo ta vukisa bima yina beno ta botula;Bantu ta kwisila yo nswalu bonso bimvuka ya bampasu.
5 Nkembo ya Yehowa ta kuma mingi,Sambu yandi ke zingaka kuna na zulu.
Yandi ta fulusa Sioni ti lunungu.
6 Yandi kele lutaninu ya bantangu na nge;Luguluku ya mingi,+ mayele, nzayilu, mpi boma ya Yehowa+—Yai kele kimvwama na yandi.
7 Tala! Bantu na bo ya ngolo ke boka na bala-bala;Binati-nsangu ya ngemba ke dila ngolo.
8 Banzila ya nene me kawuka;Ata muntu mosi ve ke sala nzietelo na banzila.
Yandi* me fwa kuwakana;Yandi me yambula bambanza;Yandi ke zitisa ve muntu ya ke fwaka.+
9 Insi ke dila* mpi ke yuma.
Libani ke wa nsoni;+ yo me beba.
Sharoni me kuma bonso ntoto ya zelo na zelo,Mpi Bashani ti Karmele ke bwisa matiti na yo.+
10 Yehowa ke tuba nde: “Ntangu yai mono ta telama;Ntangu yai mono ta kudinangula;+Ntangu yai mono ta kudikumisa.
11 Beno me baka divumu ya matiti ya kuyuma mpi beno me buta nianga.
Mpeve na beno mosi ta yoka beno bonso tiya.+
12 Mpi bantu ta kuma bonso mfututu ya mpemba ya bo me yoka.
Bonso bansende ya bo me zenga, bo ta yoka bo tiya.+
13 Beno bantu ya kele ntama, beno wa mambu yina mono ta sala.
Mpi beno bantu ya kele pene-pene, beno ndima ngolo na mono.
14 Bansumuki yina kele na Sioni kele na boma ya ngolo;+Matekita me simba bankolami:
‘Nani na kati na beto lenda zinga kisika tiya ya ke yokaka kele?+
Nani na kati na beto lenda zinga ti tiya yina ke zimaka ve?’
15 Muntu yina ke tambulaka na lunungu konso ntangu,+Yina ke tubaka mambu ya mbote,+Yina ke buyaka kubaka luta na nzila ya luvunu, ya muyibi,Yina maboko na yandi ke buyaka avoka na kisika ya kubaka yo,+Yina ke kangaka dikutu na yandi na masolo ya kutiamuna menga,Mpi yina ke kangaka meso na yandi sambu na kumona ve mambu ya mbi
16 —Yandi ta zinga na bisika ya kunanguka;Kisika na yandi ya mbote ya kubumbana* ta vanda na kati ya ditadi yina kele na bisika ya ngolo ya lutaninu,Bo ta pesa yandi dimpa na yandi,Mpi nto ya masa na yandi ta mana ve ata fioti.”+
17 Meso na nge ta mona ntotila na nkembo na yandi;Bo ta mona insi mosi yina kele ntama.
18 Na ntima na nge, nge ta yibuka* kima mosi ya boma:
“Sekretere kele na wapi?
Muntu yina tesaka kitadi kele na wapi?+
Muntu yina tangaka banzo-zulu kele na wapi?”
19 Nge ta mona diaka ve bantu ya kukonda luzitu,Bantu yina ndinga na bo kele mpasi* mingi na kubakisa,Bayina nge lenda bakisa ve+ ludimi na bo ya lukukama.
20 Tala Sioni, mbanza ya bankinsi na beto!+
Meso na nge ta mona Yeruzalemi bonso kisika mosi ya pima ya kuzinga,Tenta yina bo ta katula ve.+
Bo ta tumuna ve ata fioti bapike ya tenta na yo,Mpi bo ta zenga ve ata nsinga na yo mosi.
21 Kansi kuna Muntu ya Nene, Yehowa,Ta vanda sambu na beto ntoto mosi ya banzadi, ya banzila ya nene ya masa,Kisika yina ata maswa mosi ve ya bo ke lukaka na bankayi ta kwendaMpi ata maswa mosi ve ya nene ta luta.
22 Sambu Yehowa kele Zuzi na beto,+Yehowa kele Muntu ya Ke Pesaka beto Nsiku,+Yehowa kele Ntotila+ na beto;Yandi kele Muntu yina ta gulusa beto.+
23 Bansinga na nge ta lemba;Yo lenda simba ve dikunzi ya bo ke kangisaka lele ya maswa to kutandula lele ya maswa.
Na ntangu yina, bo ta kabula bima ya mingi ya bo botulaka;Ata muntu ya dikulu-kifu ta baka bima mingi ya bo botulaka.+
24 Mpi ata muntu mosi ve ya ke zingaka na insi ta tuba nde: “Mono ke bela.”+
Bantu yina ke zinga na insi yina, bo ta lolula kifu na bo.+
Banoti na nsi ya lutiti
^ To “ngolo.”
^ Yo ke tubila mbeni.
^ To mbala ya nkaka, “ke kawuka.”
^ To “Kisika na yandi ya kutinina ya kunanguka.”
^ To “yindulula.”
^ Na kisina, “mudindu.”
