Yezaya 52:1-15
52 Telama na mpongi! Telama na mpongi! Lwata ngolo,+ O Sioni!+
Lwata bilele na nge ya kitoko,+ O Yeruzalemi, mbanza ya santu!
Sambu muntu ya kukonda kuyotisa mpi ya mvindu ta kota diaka ve na kati na nge.+
2 O Yeruzalemi, pupula mfutu- tu, telama mpi vanda.
O mwana-nkento ya Sioni+ ya bo me kanga, katula bansinga ya kele na nkingu na nge.
3 Sambu Yehowa me tuba nde:
“Bo tekaka beno ya mpamba,+Mpi bo ta sumba beno diaka kukonda mbongo.”+
4 Yehowa Mfumu ya Kuluta Nene me tuba nde:
“Ntete-ntete, bantu na mono kulumukaka na Ezipte sambu na kuzinga kuna bonso banzenza;+Ebuna Asiria niokulaka bo kukonda kikuma.”
5 Yehowa me tuba nde: “Ntangu yai, nki mono fwete sala awa?”
“Sambu bo bakaka bantu na mono ya mpamba.
Bayina ke yala bo ke landa kuboka na kiese sambu bo me nunga,”+ Yehowa muntu me tuba,“Mpi ntangu yonso, kilumbu ya mvimba, bo ke zitisa ve zina na mono.+
6 Sambu na kikuma yina, bantu na mono ta zaba zina na mono;+Sambu na kikuma yina, bo ta zaba na kilumbu yina nde mono Muntu ke tuba.
Tala, yo kele Mono!”
7 Yo kele kitoko kibeni na zulu ya bangumba, makulu ya muntu yina ke nata nsangu ya mbote,+Ya muntu yina ke samuna ngemba,+Ya muntu yina ke nata nsangu ya mbote ya kima mosi ya kuluta mbote,Ya muntu yina ke samuna luguluku,Ya muntu yina ke tubila Sioni nde: “Nzambi na nge me kuma Ntotila!”+
8 Wa! Bankengidi na nge me tombula ndinga na bo.
Kumosi bo ke tula milolo ya kiese,Sambu bo ta mona yo pwelele* ntangu Yehowa ta vutula Sioni.
9 Beno mayumbu ya Yeruzale- mi,+ beno kuma na kiese, beno tula milolo ya kiese kumosi,Sambu Yehowa me lembika bantu na yandi;+ yandi me sumba diaka Yeruzalemi.+
10 Yehowa me songa diboko na yandi ya santu na meso ya makanda yonso;+Ntoto ya mvimba ta mona mutindu Nzambi na beto+ ke gulusaka.*
11 Beno katuka, beno katuka, beno basika pana,+ beno simba ve ata kima mosi ya mvindu!+
Beno basika na kati na yandi,+ beno vanda bunkete,Beno bantu ya ke nata bisadilu ya Yehowa.+
12 Beno ta kwenda ve na boma,Beno ta tina mpi ve,Sambu Yehowa ta kwenda na ntwala na beno,+Mpi Nzambi ya Izraele ta vanda soda na beno yina ke kengilaka na nima.+
13 Tala! Nsadi na mono+ ta sala mambu ti mayele ya kubakisa mambu mbote-mbote.
Bo ta nangula yandi na zulu,Bo ta tombula yandi mpi bo ta pesa yandi lukumu mingi kibeni.+
14 Kaka mutindu bantu mingi vandaka kutala yandi ti kuyituka—Sambu luse na yandi beba- ka kuluta ya konso muntu yinaMpi yandi vandaka kumonika nene kuluta bantu—
15 Mutindu yina mpi yandi ta yitukisa makanda mingi.+
Bantotila ta kanga minoko na bo* na ntwala na yandi,+Sambu bo ta mona mambu yina bo me songaka bo veMpi bo ta tula dikebi na mambu yina bo me waka ve.+
