Kuvukisa Mabundu
Keti mabundu yonso ke sambilaka Nzambi mosi kaka?
Keti Nzambi ke ndimaka mabundu yonso ata malongi na bo kele ve kiteso mosi?
Mat 7:13, 14; Yoa 17:3; Efe 4:4-6
-
Bambandu ya Biblia yina ke sadisa beto:
-
Yoz 24:15—Yozue tubaka nde beto fwete pona kana beto ta sambila Yehowa to banzambi ya nkaka
-
1Bn 18:19-40—Na nzila ya profete Eliya, Yehowa monisaka nde bansadi ya Nzambi ya kieleka fwete sambila ve banzambi ya nkaka, mu mbandu Baale
-
Inki mutindu Yehowa ke tadilaka banzambi yina bantu ke sambilaka mpi lusambu yina bo ke pesaka banzambi yango?
Inki mutindu Yehowa ke tadilaka lusambu yina bantu ke tubaka nde bo ke sambila yandi kansi na kutuba masonga bo ke vukisa lusambu yango ti mambu ya mbi?
Yez 1:13-15; 1Bk 10:20-22; 2Bk 6:14, 15, 17
-
Bambandu ya Biblia yina ke sadisa beto:
-
Kub 32:1-10—Bana ya Izraele pusaka Aroni na kusadila bo kiteki ya mwana-ngombe mpi bo sadila yo sambu na kusala ‘nkinsi sambu na Yehowa,’ yo pesaka Yehowa makasi mingi
-
1Bn 12:26-30—Sambu na kukanga bansadi ya Nzambi nzila ya kukwenda na tempelo na Yeruzalemi, ntotila Yeroboami salaka biteki sambu na kumonisa nde yo vandaka Yehowa; yo nataka bantu na kusala disumu
-
Inki Yehowa longaka bantu ya Izraele sambu na kumonisa nde bo fwete vukana ve ti bantu yina vandaka kusambila banzambi ya nkaka?
Inki Yehowa salaka ntangu bansadi na yandi kumaka kusambila banzambi ya luvunu?
Baz 10:6, 7; Nk 106:35-40; Yer 44:2, 3
-
Bambandu ya Biblia yina ke sadisa beto:
-
1Bn 11:1-9—Bankento ya banzenza yina ntotila Salomo kwelaka pusaka yandi mpi bantu ya nkaka na kusambila banzambi ya luvunu mpi yo pesaka Yehowa makasi
-
Nk 78:40, 41, 55-62—Azafi monisaka mutindu Yehowa waka mpasi mingi mpi buyaka bantu ya Izraele ntangu bo kolamaka mpi kumaka kusambila banzambi ya nkaka
-
Keti Yezu vandaka kundima malongi ya mabundu yina vandaka ve kukatuka na Ndinga ya Nzambi?
-
Bambandu ya Biblia yina ke sadisa beto:
-
Mat 16:6, 12—Yezu fwanisaka malongi ya Bafarize mpi Basaduse ti levire sambu malongi ya luvunu ke mwanganaka nswalu mpi ke bebisaka kukonda mpasi malongi ya kieleka ya Ndinga ya Nzambi
-
Mat 23:5-7, 23-33—Yezu monisaka pwelele nde bikalulu ti malongi ya balongi ya Nsiku mpi Bafarize kele mbi
-
Mar 7:5-9—Yezu monisaka pwelele kifu ya balongi ya Nsiku mpi ya Bafarize sambu bo vandaka kuzitisa bansiku ya bantu kuluta malongi ya Ndinga ya Nzambi
-
Keti Yezu siamisaka balongoki na yandi na kukangula tu-mabundu?
-
Bambandu ya Biblia yina ke sadisa beto:
-
Yoa 15:4, 5—Yezu pesaka mbandu ya nti ya vinu sambu na kumonisa mutindu balongoki fwete zinga na bumosi ti yandi mpi bampangi na bo
-
Yoa 17:1, 6, 11, 20-23—Na mpimpa ya nsuka ya Yezu lutisaka ti bantumwa na ntwala nde bo fwa yandi, Yezu sambaka sambu balongoki na yandi yonso ya kieleka kuzinga na bumosi
-
Keti na bilumbu ya bantumwa, mabundu na bisika mingi vandaka kulonga malongi ya mutindu mosi mpi vandaka kusambila Yehowa mutindu mosi?
-
Bambandu ya Biblia yina ke sadisa beto:
-
Bis 11:20-23, 25, 26—Dibundu ya Antioshe mpi ya Yeruzalemi vandaka kuzinga na bumosi mpenza mpi vandaka kuwakana mbote
-
Bar 15:25, 26; 2Bk 8:1-7—Na bilumbu ya bantumwa, mabundu na bisika mingi vandaka kutindila bampangi makabu sambu na kusadisa bo, yo monisaka zola mpi bumosi yina vandaka na mabundu
-
Kana bantu ke tuba nde bo ke kwikilaka na Kristu, keti yo mpamba me fwana sambu Nzambi kundima bo?
Kana bantu ke zitisa ve malongi ya Kristu mpi ya bantumwa, keti Nzambi ta ndima lusambu na bo?
-
Bambandu ya Biblia yina ke sadisa beto:
-
Mat 13:24-30, 36-43—Yezu pesaka mbandu mosi sambu na kumonisa nde mutindu matiti ya mbi ke basikaka mingi na kilanga, mutindu mosi mpi Bakristu mingi ya luvunu ta monana mpi ta kota na dibundu
-
1Yn 2:18, 19—Ntumwa Yoane yina kumaka mbuta monisaka nde bambeni mingi ya Kristu kotaka na dibundu bamvula kiteso ya 100 na nima ya kubutuka ya Yezu
-
Inki ke salamaka ntangu dibundu ke kanga meso na malongi ya luvunu mpi mambu ya mbi yina bantu na yo ke sala?
Inki beto fwete sala sambu beto landa kuzinga na bumosi?
Sambu na nki beto fwete kudikotisa ve na lusambu ya luvunu?
Sambu na nki yo kele mbote mpi mfunu na kusonga bantu pwelele malongi ya luvunu ya mabundu ya luvunu?
Sambu na nki beto fwete yituka ve kana bantu ya mabundu ya luvunu ke telemina beto mpi ke niokula beto?
Nge Lenda Sepela Mpi Ti
BANGIUFULA YINA BANTU KE YULAKA MINGI
Keti Bambangi ya Yehowa Ke Vukanaka ti Mabundu ya Nkaka?
Nki malongi ya Biblia mpi balukwikilu ke twadisaka Bambangi ya Yehowa na diambu ya me tala kuvukisa mabundu?
NZOZULU YA NKENGI
Kuvukisa Mabundu
Keti beto fwete sosa kuwakana mpi kimpangi konso ntangu? Mvutu ya Biblia lenda yitukisa nge.
BAMVUTU NA BANGIUFULA YA BIBLIA
Keti Mabundu Yonso Kele Mutindu Mosi? Keti Yo Yonso Ke Nataka na Nzambi?
Mambu zole ya Biblia ke tubaka ke pesa mvutu.
Malongi Yina Nge Lenda Longuka na Biblia
Kimfumu Me Kabwana
Bantu mingi ya Izraele yambulaka kusambila Yehowa.
MAMBU YA ME TALA BETO
Lomba nde Mbangi Mosi ya Yehowa Kukwisa Kutala Nge
Tadila ngiufula mosi ya Biblia, to sosa kuzaba mambu mingi na yina me tala Bambangi ya Yehowa.
