Luzolo ya Nzambi Kele Inki?
Nzambi ke zola nde beto zinga kimakulu na ngemba mpi na kiese na paladisu na ntoto!
Kansi, nge lenda kudiyula nde, ‘Inki mutindu diambu yai lenda salama?’ Biblia ke tuba nde Kimfumu ya Nzambi ta sala yo, mpi luzolo ya Nzambi kele nde bantu yonso kulonguka mambu ya me tala Kimfumu yango mpi lukanu na yandi sambu na beto.—Nkunga 37:11, 29; Yezaya 9:7.
Nzambi ke zola nde beto baka mambote.
Kaka mutindu tata ya mbote ke zolaka nde bana na yandi kuzinga mbote, Tata na beto ya zulu ke zolaka nde beto vanda na kiese kimakulu. (Yezaya 48:17, 18) Yandi me silaka nde “muntu yina ke salaka luzolo ya Nzambi ke bikalaka kimakulu.”—1 Yoane 2:17.
Nzambi ke zola nde beto tambula na banzila na yandi.
Biblia ke tuba nde Ngangi na beto ke zola ‘kulonga beto banzila na yandi’ sambu beto “tambula na banzila na yandi.” (Yezaya 2:2, 3) Yandi me yidikaka “bantu . . . sambu na kunata zina na yandi” mpi kuzabisa luzolo na yandi na ntoto ya mvimba.—Bisalu 15:14.
Nzambi ke zola nde beto sambila yandi na bumosi.
Na kisika ya kukabula bantu, lusambu ya Yehowa ya bunkete ke vukisaka bo na zola ya masonga. (Yoane 13:35) Bubu yai, banani ke longaka babakala ti bankento mutindu ya kusadila Nzambi na bumosi? Beto ke lomba nge na kuzaba yo na nsadisa ya kamukanda yai.
Nge Lenda Sepela Mpi Ti
MAMBU YA ME TALA BETO
Inki Mutindu Kulonguka ya Biblia Ke Salamaka?
Na ntoto ya mvimba, Bambangi ya Yehowa me zabanaka na mutindu bo ke lomba bantu na kulonguka Biblia ti bo ya ofele. Tala mutindu yo ke salamaka.
MAMBU YA ME TALA BETO
Sambu na Nki Beto Fwete Longuka Biblia?—Video ya Nda
Biblia ke pesaka bamilio ya bantu na nsi-ntoto ya mvimba bamvutu na bangiufula ya mfunu ya luzingu. Keti nge ta zola kuvanda na kati ya bantu yina?
