Ũn tỹ ter kỹ ẽg tỹ vẽsỹrinhrénh nỹtĩ. Hã kỹ Topẽ Vĩ Rá vỹ ẽg mỹ ke tĩ, ẽg ter mũ vỹ ũn tỹ ẽg kato vãsãn tĩ ri ke nĩ. (1 Corinto 15:26) Lição 27 ki, ã tóg kanhrãn mũ, Jeová vỹ ter tỹ tũꞌ kenh ke mũ. Hã ra ũn kãgter ja ne nỹ ti mỹ hãn ri kenh ke mũ? Lição tag kãmĩ, ã tỹ Jeová vỹ nén ũ há tãvĩ ẽg mỹ tó tĩ, ki kanhrãn ke mũ — ti tỹ ũn tỹ bilhão ag rĩnrĩr mãn ke mũ, ag tỹ rĩnrĩr krỹg ja tũ ve jé. Tag mỹ hãn ri kenh ke mũ hẽn? Ag tỹ rĩnrĩr mãn ke mũ, hã tá? Kanhkã tá ke tũg nĩn kỹ Ga kri?

1. Jeová ne ũn tỹ ẽg família ter ja kar ũn tỹ ẽg mré ke ter ja, ag mỹ han sór tĩ?

Jeová vỹ ũn kãgter ja ag rĩnrĩr mãn sór tĩ. Ũn jykre kuryj vỹ Jó ti vỹ ki kanhró há nĩ vã, ti tỹ ter kỹ, Jeová pi ti kã jatun ke mũ. Ti tóg Topẽ mỹ: “Kỹ ã tóg jé prẽr ke mũ, kỹ sóg, ‘inh hã vẽ’, henh ke mũ. [kej tá].” — Jó 14:13-15 le kem nĩ.

2. Ẽg hã ren kỹ ki kanhró nỹtĩ, ũn kãgter ja ag vỹ rĩnrĩr mãn ke mũ?

Jesus tỹ Ga kri tĩg nĩn kã, Topẽ ti mỹ ti kuprĩg nĩm mũ, ti tỹ ũn ag vỹ rĩnrĩr mãn ke jé. Ha tugnỹm, Jesus vỹ ũn tỹtá fi ki prỹg tỹ 12 ke fi nĩ, rĩr mãn mũ, kar ũn mén ter ja fi kósin ti, ti vỹ rĩr mãn mũ gé. (Marcos 5:41, 42; Lucas 7:12-15) Ti tỹ ti mré ke tỹ Lázaro rĩr mãn mũ gé. Jérĩn mỹ kurã tỹ vẽnh kãgra ke vẽ, Lázaro vỹ ter ja nĩ, Jesus vỹ ti rĩr mãn mũ. Jesus vỹ Topẽ mré vĩ mũ, kỹ tóg: ‘Lázaro, kunĩg . . !’ kar “kỹ ũn ter ja ẽn tóg kãtĩg mũ sir”. Lázaro vỹ rĩr mãn nĩ vã! (João 11:43, 44) Ha to jykrén tĩ, ti mré ke ag kar ti família ag tỹ mỹ sigsér tãvĩ nỹtĩ vã!

3. Nén ũ há tỹ ne hãn ri kenh ke mũ, ã mré ke ag tỹ ter ja kar ũn tỹ família ter ja, ag mỹ?

Topẽ Vĩ Rá vỹ ẽg mỹ ke tĩ: Ũn ag vỹ ‘rĩnrĩr mãn’ ke mũ. (Han kãme 24:15) Vãsỹ, Jesus vỹ ũn ag rĩnrĩr mãn ké, hã ra ag pi kanhkã tãpry mũ. (João 3:13) Ag tỹ mỹ sigsér nỹtĩ vã, ag tỹ rĩnrĩr mãn Ga kri. Tag hã ri ke, kãnhmar Jesus vỹ ũn tỹ bilhão ag rĩnrĩr mãn kenh ke mũ, ag tỹ rĩnrĩr krỹg ja tũ ẽn ve jé, Ga kri. Ti vỹ tó ja, Topẽ tỹ vẽnh kar mĩ ãkrén tĩ ẽn ag vỹ rĩnrĩr mãn kenh mũ, ũn pi ag mĩ ãkrén tũ nĩ ra. — João 5:28, 29.

 VẼNH KANHRÃN KÃFÓR NĨ

4. Jesus vỹ ẽg mỹ ven ke, ti tỹ ũn kãgter ag vỹ rĩnrĩr mãn ke mũ

Vẽnh kanhrãn kãfór nĩ, Jesus ne ti mré ke tỹ Lázaro han ja ti to. João 11:14, 38-44 le kem nĩ. Kar jagnẽ mré vẽmén nĩ, nén ũ tag ag to:

• Ẽg hã ren kỹ ki kanhró nỹtĩ, Lázaro vỹ ter nĩ vã? — Ha vé nũmro  39 sĩ.

• Jesus tóg Lázaro rĩr mãn han mũ, Ga kri. Ã hã mỹ, Lázaro vỹ kanhkã tá tãpry kỹ, Jesus mỹ ti jẽnẽg mũ vã, Ga kri?

Ha vé VÍDEO ti.

5. Ũn e ag vỹ rĩnrĩr mãn ke mũ!

Salmo 37:29 le kem nĩ. Kar jagnẽ mré vẽmén nĩ, tag to:

• Ũn tỹ bilhão ag rĩnrĩr mãn ke mũ. Hã tá?

Jesus vỹ ũn tỹ Topẽ rãnhrãj tĩ ag rĩnrĩr mãn han ke mũ kar ti tỹ ũnꞌũ ag vỹ rĩnrĩr mãn han ke mũ gé. Han kãme 24:15 le kem nĩ. Kar jagnẽ mré vẽmén nĩ, tag to:

• Ũ nẽ ã tỹ ve sór tĩ, ti tỹ rĩr mãn kỹ?

• Ũn ag vỹ rĩnrĩr mãn mũ ti, tag hã ren kỹ Phelicity fi mỹnh fag krĩ tỹ kãnhvy kar tar han ké?

 Ã NE KANHRÃN JA TI

Topẽ Vĩ Rá vỹ ẽg mỹ ke tĩ, ũn tỹ bilhão ag vỹ rĩnrĩr mãn ke mũ. Jeová vỹ ag tỹ rĩnrĩr nỹtĩ ve sór tĩ. Jeová tỹ Jesus mỹ ti kuprĩg nĩm ja, Jesus vỹ tag han jé.

Jykrinkrén mũ

• Jeová kar Jesus ne ũn kãgter ja ag mỹ han sór tĩ?

• Ũn tỹ bilhão ag vỹ rĩnrĩr mãn ke mũ, hã tá — kanhkã tá ke tũg nĩn kỹ Ga kri? Ã ne tugnĩn ge ãkrén tĩ?

• Ã hã mỹ, ũn to há nĩ ter ja, ag mỹ rĩnrĩr mãn ke mũ hẽn? Mỹ ne tugnĩn?