VẼNH KANHRÃN 7
Ũn tỹ ne nỹ vỹ Jesus ti?
Jeová tóg Jesus jẽnẽ mũ, ga ra. 1 João 4:9
Jeová tỹ Adão han ke jo, ti vỹ vẽnh kuprĩg há tar tãvĩ han kỹ nĩ, kanhkã tá. Ẽg tỹ Jeová mỹ há han jé, ẽg tỹ vẽnh kuprĩg há ẽn vĩ jẽmẽ há han ke nỹtĩ gé.
Kejẽn, Jeová vỹ vẽnh kuprĩg há ẽn jẽnẽ kỹ nĩ, ga ra, ti tỹ ẽmã tỹ Belém tá mur jé, ũn mén ja tũ fi tỹ Maria fi ki. Fag vỹ ti jyjyn ke, Jesus ke mũ. — João 6:38.
Jesus tỹ ga kri tĩ nĩ kã, ẽprã ke ri ke, ti vỹ Topẽ jykre ri ke pẽ nĩ vã. Ti tỹ tỹ nén ũ há hynhan kamã nĩ vã, kar ũn ag to há kamã, kar ũn ag pi kamẽgmẽ nỹtĩ vã, ag tỹ Jesus mré nỹtĩ jé. Jesus pi kamẽg nĩ vã, ti tỹ ũn ag mỹ ki hã kãmén jé, Jeová to.
Jesus tóg nén ũ há hynhan mũ, hã ra ũn ag tóg ti to kry mũ. 1 Pedro 2:21-24
Jesus tỹ ũn kaga ag tỹ hágháꞌ ke mũ, kar ũn kãgter ja pipir ag rĩnrĩr mãn ke.
Judeu pãꞌi ag tỹ Jesus to kry tĩ vã, ti tỹ vẽnh kar mỹ ag tỹ nén ũ kórég hynhan mũ to vẽmén tĩn kỹ, kar ag vẽnh unꞌó to.
Judeu pãꞌi ag vỹ pãꞌi tỹ Roma ag krĩn han, ag tỹ Jesus rãn jé, kar ti tén.
