Isaia 42:1-25
42 Ta rora, ndungata yakwa,+ ĩrĩa ndiiragĩrĩra!
Ĩrĩa thuurĩte,+ na nĩ ndĩmĩtĩkĩrĩte!+
Nĩ njĩkĩrĩte roho wakwa thĩinĩ wayo;+Nayo nĩ ĩkaarehera ndũrĩrĩ kĩhooto.+
2 Ndĩkaanĩrĩra o na kana yambatĩrie mũgambo wayo,Na ndĩkaareka mũgambo wayo ũiguĩke njĩra-inĩ.+
3 Ndĩkoina ithanjĩ igonyoku,Na ndĩkaahoria rũtambĩ rũratoga.+
Ĩkaarehe kĩhooto ĩrĩ na wĩhokeku.+
4 Ndĩkaahwererekera kana ĩhehenjwo nginya rĩrĩa ĩgaakorũo ĩhandĩte kĩhooto thĩinĩ wa thĩ;+Na icigĩrĩra cikaraga cietereire watho* wayo.
5 Ũũ nĩguo Jehova Ngai ũrĩa wa ma oigĩte,Mũũmbi wa igũrũ o we Ũrĩa Mũnene na nowe warĩtambũrũkirie,+Ũrĩa watambũrũkirie thĩ o hamwe na maciaro mayo,+Ũrĩa ũheaga andũ arĩa marĩ thĩinĩ wayo mĩhũmũ+Na akahe arĩa mathiangaga thĩinĩ wayo roho:+
6 “Niĩ Jehova nĩ niĩ ngwĩtĩte na ũthingu;Nĩ ngũnyitĩte guoko.
Nĩ ngũkũgitĩra na ngũneane ũtariĩ ta kĩrĩkanĩro harĩ andũ+Na ũtariĩ ta ũtheri wa kũmũrĩkĩra ndũrĩrĩ,+
7 Nĩguo ũhingũre maitho marĩa matumumu,+Ũrĩa muohe ũmũrute thĩinĩ wa njeraNa arĩa maikarĩte thĩ nduma-inĩ ũmarute moime njera.+
8 Niĩ nĩ niĩ Jehova. Rĩu nĩrĩo rĩĩtwa rĩakwa;Na ndiheaga ũngĩ o wothe riri wakwa,*Kana ngaheana rũgooco rwakwa kũrĩ mĩhianano ya gwacũhio.+
9 Atĩrĩrĩ, maũndũ marĩa ma mbere nĩ mekĩkĩte;Na rĩu ndĩramenyithania maũndũ merũ.
O na matekĩkĩte, nĩ ndĩmwĩraga ũhoro wamo.”+
10 Inĩrai Jehova rwĩmbo rwerũ,+Mũmũgooce kuuma ituri-inĩ cia thĩ,+Inyuĩ mũikũrũkaga iria-inĩ na indo iria ciothe ciyũire kuo,Inyuĩ icigĩrĩra na aikari a cio.+
11 Werũ o na matũũra maguo nĩ ciambatĩrie mũgambo wacio,+Matũũra marĩa maikaragwo nĩ Kedari.+
Arĩa maikaraga ndũmba-inĩ ya ihiga nĩ manĩrĩre nĩ gĩkeno;Nĩ moigĩrĩrie marĩ irĩma igũrũ.
12 Nĩ marie ũhoro wa riri wa Jehova
Na mahunjie ũhoro wa kũgoocwo gwake icigĩrĩra-inĩ.+
13 Jehova nĩ akooimagara o ta mũndũ ũrĩ hinya.+
Akaarahũra kĩyo gĩake o ta njamba ya ita.+
Nĩ akaanĩrĩra, ti itherũ, nĩ akaanĩrĩra na oigĩrĩrie mbugĩrĩrio ya mbaara;Nĩ akeeyonania atĩ arĩ hinya gũkĩra thũ ciake.+
14 “Ndũire ngirĩte ihinda iraya.
Ngaikara ngirĩte na ngegirĩrĩria.
O ta mũtumia ũragĩa mwana,Nĩ ngũcaya, ngae, na hũme o ihinda-inĩ rĩmwe.
15 Nĩ ngaananga irĩma o na tũrĩmaNa ndũme mĩmera yakuo yothe yũme.
Nĩ ngaatũma njũũĩ ituĩke icigĩrĩra*Na hũithie tũria tũrĩa twa maĩ tũrĩ na mathanjĩ.+
16 Ngaagereria atumumu njĩra-inĩ ĩrĩa matoĩ+Na ndũme magerere tũcĩra-inĩ tũrĩa matamenyerete kũgera.+
Ngaatũma nduma ĩrĩa ĩrĩ mbere yao ĩtuĩke ũtheri+Nakuo kũndũ kũrĩa gũtarĩ kũigananu ndĩkwaraganie.+
Ũndũ ũcio nĩguo ngaamekĩra, na ndikaamatiganĩria.”
17 Nĩ magaacokithio na maconorithio biũ,Arĩa mehokaga mĩhianano ya gwacũhio,Arĩa meraga mĩhianano ya cuma* atĩrĩ: “Inyuĩ nĩ inyuĩ ngai citũ.”+
18 Ta thikĩrĩriai, inyuĩ mũtaiguaga;Rorai na muone, inyuĩ atumumu.+
19 Nũũ mũtumumu tiga ndungata yakwa,Na ũtaiguaga o ta mũtũmwo ũrĩa ndũmaga?
Nũũ ũtumumarĩte mũno o ta ũrĩa heete kĩheo,Agatumumara mũno o ta ndungata ya Jehova?+
20 Wonaga maũndũ maingĩ, no ndũmarũmbũyagia.
Ũhingũraga matũ, no ndũthikagĩrĩria.+
21 Nĩ ũndũ wa ũthingu wake,Jehova nĩ onete arĩ wega gũtũũgĩria watho* na gũtũma ũgĩe na riri.
22 Ĩndĩ aya nĩ andũ matahĩtwo na magatunywo;+Othe manyitĩtwo na mũtego marima-inĩ na makahithwo thĩinĩ wa njera.+
Matahĩtwo na hatirĩ mũndũ wa kũmahonokia,+Na magatunywo na hatirĩ mũndũ ũkuuga atĩrĩ: “Nĩ macokio!”
23 Nũũ gatagatĩ-inĩ kanyu ũkũigua ũhoro ũyũ?
Nũũ ũgũtega gũtũ na athikĩrĩrie nĩ ũndũ wa ihinda rĩrĩa rĩũkĩte?
24 Nũũ ũneanĩte Jakubu nĩguo atunywoNa Isiraeli kũrĩ arĩa matahanaga?
Na githĩ ti Jehova, o we ũrĩa twehĩirie?
Nĩ maaregire kũgerera njĩra-inĩ Ciake,Na makĩrega gwathĩkĩra watho* Wake.+
25 Kwoguo Agĩikara akĩmũitagĩrĩria mathũgũta,Marakara make o na mang’ũrĩ ma mbaara.+
Makĩniina indo ciothe iria ciamũthiũrũrũkĩirie, no we ndaarũmbũirie.+
Magĩakana makĩmũcina, no we akĩaga kũrũmbũiya ũndũ ũcio ngoro-inĩ yake.+
Tũũhoro twa magũrũ-inĩ
^ Kana “ũrutani.”
^ Kana “Ndigayanaga na ũngĩ o wothe riri wakwa.”
^ Kana “mabũrũri ma icũa-inĩ.”
^ Kana “mĩhianano ya gũtwekio.”
^ Kana “ũrutani.”
^ Kana “ũtaaro.”
