Isaia 51:1-23
51 “Ta thikĩrĩriai, inyuĩ mũrathingata ũthingu,Inyuĩ mũracaria Jehova.
Rorai rwaro rwa ihiga rũrĩa mwenjirũo kuuma harĩ ruoNa mũrore kware ya mahiga ĩrĩa mwenjirũo kuuma harĩ yo.
2 Rorai Iburahimu ithe wanyu
Na Sara+ ũrĩa wamũciarire inyuĩ.*
Nĩ gũkorũo Iburahimu aarĩ wiki rĩrĩa ndamwĩtire,+Ngĩmũrathima na ngĩmũtua rũrĩrĩ rũnene.+
3 Tondũ Jehova nĩ akoomĩrĩria Zayuni.+
Nĩ akaahooreria kũndũ gwakuo guothe kũrĩa kwanangĩku,+Na werũ wakuo akaaũtua o ta Edeni+Naguo werũ wakuo ũrĩa mwaraganu aũtue o ta mũgũnda wa Jehova.+
Gĩkeno na ndũhiũ nĩ ikooneka kuo,Gũcokia ngatho o hamwe na nyĩmbo.+
4 Thikĩrĩriai inyuĩ andũ akwa,Na mũũhe matũ manyu, inyuĩ rũrĩrĩ rwakwa.+
Nĩ gũkorũo watho nĩ ũkooima harĩ niĩ,+Na hande kĩhooto gĩakwa kĩrĩ ta ũtheri harĩ ikundi cia andũ.+
5 Ũthingu wakwa nĩ ũkuhĩrĩirie.+
Ũhonokio wakwa nĩ ũkooneka,+Namo moko makwa nĩ magaatuĩra ikundi cia andũ.+
Icigĩrĩra nĩ ikaaiga kĩĩrĩgĩrĩro gĩacio harĩ niĩ,+Na cieterere guoko gwakwa.*
6 Tiirai maitho manyu na igũrũ,Na mũrore thĩ.
Nĩ gũkorũo igũrũ rĩgaathirĩrĩkĩra o ta ndogo;Nayo thĩ ĩgaathira o ta nguo,Na aikari ayo makue o ta rwagĩ.
Ĩndĩ ũhonokio wakwa ũgaakorũo ũrĩ wa tene na tene,+Naguo ũthingu wakwa ndũrĩ hĩndĩ ũgaathira.*+
7 Thikĩrĩriai, inyuĩ mũĩ ũhoro wa ũthingu,Inyuĩ andũ arĩa mũrĩ na watho* wakwa ngoro-inĩ cianyu.+
Mũtigetigĩre inyũrũri cia andũ,Na mũtikainaine nĩ ũndũ wa irumi ciao.
8 Tondũ nĩ makaarĩo nĩ memenyi o ta nguo;Memenyi ĩrĩa ĩrĩaga* nguo nĩ ĩkaamatharĩkĩra o ta guoya wa ng’ondu.+
No ũthingu wakwa ũgũtũũra tene na tene,Naguo ũhonokio wakwa ũtũũre njiarũa-inĩ ciothe.”+
9 Arahũka! Arahũka! Wĩhumbe hinya,Wee guoko kwa Jehova!+
Arahũka ta matukũ-inĩ marĩa ma tene, o ta njiarũa-inĩ iria ihĩtũkĩte.
Na githĩ tiwe watinangirie Rahabu*+ tũcunjĩ,Na ũgĩthecanga nyamũ nene ya iria-inĩ?+
10 Na githĩ wee tiwe wahũithirie iria, maĩ marĩa ma kũndũ kũriku mũno?+
Ũgĩtũma kũrĩa kũriku iria-inĩ gũtuĩke njĩra ya kũgererũo nĩ arĩa maakũũrirũo?+
11 Andũ arĩa akũũre a Jehova nĩ magaacoka.+
Nĩ magooka Zayuni makĩanagĩrĩra nĩ gũkena,+Gĩkeno gĩtarathira gĩgaatuĩka thũmbĩ yao.*+
Magaakorũo na gĩkeno na ndũhiũ,Na kĩeha na gũcaya nĩ igaathira biũ.+
12 “Niĩ mwene nĩ niĩ ndĩrakũũmĩrĩria.+
Nĩ kĩĩ kĩngĩtũma wĩtigĩre mũndũ na nĩ wa gũkua+Na wĩtigĩre mũrũ wa mũndũ na ahoohaga o ta nyeki nduru?
13 Nĩ kĩĩ gĩtũmaga ũriganĩrũo nĩ Jehova Mũũmbi waku,+O we watambũrũkirie igũrũ+ na agĩaka mũthingi wa thĩ?
Na waikaraga mũthenya wothe wĩtigĩrĩte marakara ma mũhinyanĩrĩria,*Ta aarĩ na ũhoti wa gũkũniina.
Rĩu-rĩ, marakara ma mũhinyanĩrĩria makĩrĩ kũ?
14 Ũrĩa ũinamĩrĩire nĩ ũndũ wa mĩnyororo nĩ ekũrekererio ica ikuhĩ;+Ndagakua na aikũrũke irima-inĩ,O na mũgate wake ndũrĩ hĩndĩ ũkaaga.
15 No niĩ nĩ niĩ Jehova Ngai wanyu,O we unjugaga iria na agatũma makũmbĩ ma rĩo mahũyũke+—Rĩĩtwa rĩake nĩ Jehova mũnene wa ita.+
16 Nĩ ngeekĩra ciugo ciakwa kanua-inĩ gaku,Na ngũhumbĩre na kĩĩruru gĩa guoko gwakwa,+Nĩgetha hande igũrũ na njake mũthingi wa thĩ+Na njĩre Zayuni ũũ, ‘Wee nĩwe andũ akwa.’+
17 Arahũka! Arahũka! Ũkĩra, wee Jerusalemu,+Wee ũnyuĩte kuuma guoko-inĩ kwa Jehova gĩkombe gĩake kĩa marakara.
Nĩ ũnyuĩrĩire gĩkombe kĩa ndibei;Nĩ ũinĩkĩrĩirie gĩkombe kĩrĩa gĩtũmaga mũndũ atũgũge.+
18 Harĩ ariũ ake othe arĩa aaciarire, gũtirĩ o na ũmwe wĩ ho wa kũmũtongoria,Na harĩ ariũ ake othe arĩa aarerire gũtirĩ o na ũmwe ũmũnyitĩte guoko.
19 Maũndũ maya merĩ nĩ magũkorete.
Nũũ ũgũkũiguĩra tha?
Kũniinwo na kwanangwo, ng’aragu o na rũhiũ rwa njora!+
Nũũ ũgũkũũmĩrĩria?+
20 Ariũ aku nĩ maringĩkĩte.+
Makomete kona-inĩ ciothe cia barabara*O ta ng’ondu cia gĩthaka irĩ neti-inĩ.
Maiyũirũo nĩ mang’ũrĩ ma Jehova, magakũũmwo nĩ Ngai waku.”
21 Nĩ ũndũ ũcio thikĩrĩria ũhoro ũyũ,Wee mũtumia ũyũ ũnyarirĩkĩte na ũkarĩĩo, no ti kũrĩĩo nĩ ndibei.
22 Ũũ nĩguo Jehova Mwathani waku oigĩte, o we Ngai waku ũrĩa ũgitagĩra andũ ake:
“Atĩrĩrĩ, nĩ ngweheria guoko-inĩ gwaku gĩkombe kĩrĩa gĩtũmaga mũndũ atũgũge,+Gĩkombe kĩa ndibei, gĩkombe gĩakwa kĩa marakara;Ndũrĩ hĩndĩ ũgaakĩnyuĩra rĩngĩ.+
23 Nĩ ngaakĩneana guoko-inĩ kwa arĩa makũnyariraga,+Arĩa maakwĩrire atĩrĩ, ‘Inamĩrĩra nĩguo tũgerere igũrũ rĩaku!’
Kwoguo ũgĩtua mũgongo waku ta arĩ thĩ
Ta arĩ barabara yao ya kũgerera.”
Tũũhoro twa magũrũ-inĩ
^ Kana “wamũciarire na ruo rũingĩ.”
^ Kana “hinya wakwa.”
^ Kana “ndũkaahehenjeka.”
^ Kana “ũrutani.”
^ Kana hihi, “Kĩgunyũ kĩrĩa kĩrĩaga.”
^ Rora Ũthathaũri wa Ciugo.
^ Ũkk., “gĩgaakorũo igũrũ rĩa mũtwe wao.”
^ Kana “ũrĩa ũgũthiũrũrũkagĩria.”
^ Ũkk., “mũtwe-inĩ wa barabara ciothe.”
