Jeremia 45:1-5
-
Ndũmĩrĩri ya Jehova kũrĩ Baruku (1-5)
45 Gĩkĩ nĩkĩo kiugo kĩrĩa Jeremia ũrĩa mũnabii eerire Baruku+ mũrũ wa Neria hĩndĩ ĩrĩa aandĩkire ibuku-inĩ ciugo iria eeragwo ũrĩa ekwandĩka nĩ Jeremia+ mwaka-inĩ wa kana wa Jehoiakimu+ mũrũ wa Josia, mũthamaki wa Juda:
2 “Ũũ nĩguo Jehova Ngai wa Isiraeli ekuuga igũrũ rĩaku wee Baruku,
3 ‘Uugĩte atĩrĩ: “Kaĩ ndĩ na haaro-ĩ, nĩ gũkorũo Jehova nĩ ongereire kĩeha harĩ ruo rwakwa! Nĩ nogetio nĩ gũcaya gwakwa, na ndionete handũ ha kũhurũka.”’
4 “Mwĩre atĩrĩ, ‘Ũũ nĩguo Jehova oigĩte: “Atĩrĩrĩ, kĩrĩa njakĩte nĩ ngũkĩmomora, na kĩrĩa handĩte nĩ ngũkĩmunya bũrũri-inĩ wothe.+
5 No wee nĩ ũrecarĩria* maũndũ manene. Tiga gũcaria maũndũ ta macio.”’
“‘Nĩ gũkorũo ndĩ hakuhĩ kũrehera andũ othe* thĩna,’+ ũguo nĩguo Jehova ekuuga, ‘na kũrĩa guothe ũgaathiĩ, nĩ ngaakũhe muoyo waku ta arĩ kũũtaha ũũtahĩte.’”*+
Tũũhoro twa magũrũ-inĩ
^ Kana “ũrerĩgĩrĩra.”
^ Ũkk., “mĩĩrĩ yothe ya nyama.”
^ Kana “nĩ ngaareka wĩthare na muoyo waku.”
