Thaburi 65:1-13
Kũrĩ mũrũgamĩrĩri. Rwĩmbo rwa Daudi.
65 Atĩrĩrĩ Ngai, rũgooco nĩ rũgwetereire Zayuni;+Nĩ tũkũhingia mĩĩhĩtwa ĩrĩa tũkwĩhĩtĩire.+
2 Wee Mũigua wa mahoya, andũ a mĩthemba yothe* marĩũkaga kũrĩ wee.+
3 Nĩ ndooretio nĩ mahĩtia makwa,+No wee nĩ ũhumbagĩra mehia maitũ.+
4 Gũkena nĩ mũndũ ũrĩa wee ũthuuraga na ũkamũrehe hakuhĩ naweNĩguo aikarage kũu nja-inĩ ciaku.+
Nĩ tũrĩiganagĩra nĩ ũndũ wa wega wa nyũmba yaku,+Hekarũ yaku theru.*+
5 Nĩ ũgũtũcokeria mahoya maitũ kũgerera maũndũ ma magegania+ ma ũthingu,Wee Ngai wa ũhonokio witũ;Wee nĩwe Mwĩhoko wa ituri ciothe cia thĩ+
Na wa arĩa marĩ kũndũ kũraya mũrĩmo wa iria.
6 Nĩ watũmire irĩma ciĩhande kũgerera hinya waku;Wee nĩ wĩhumbĩte ũhoti.+
7 Nĩ ũhooreragia maria marĩa manene rĩrĩa mekũruruma,+Ũkahooreria makũmbĩ mamo makĩhũũrana na ũkahooreria ngũĩ cia ndũrĩrĩ.+
8 Andũ arĩa maikaraga kũndũ kũraya nĩ mekũgega mona imenyithia ciaku;+Nĩ ũgũtũma arĩa maikaraga irathĩro nginya o ithũĩro manĩrĩre makenete.
9 Wee nĩ ũrũmbũyagia thĩ,Ũgatũma ĩciare mũno na ĩkorũo ĩrĩ noru.+
Rũũĩ rũrĩa ruumĩte harĩ Ngai rũiyũrĩte maĩ;Nĩ ũheaga andũ ngano,*+Tondũ ũguo nĩguo wathondekire thĩ ĩtariĩ.
10 Nĩ ũihũgagia mĩtaro yayo na ũkaiganania tĩri wayo kũrĩa kũrĩmĩtwo;Ũmĩororoagia na mbura; ũkarathima maciaro mayo.+
11 Nĩ ũhumbaga mwaka thũmbĩ ya wega waku;Tũcĩra twaku tũkoragwo tũiyũrĩte indo nyingĩ njega.*+
12 Nyeki ya werũ-inĩ ĩikaraga ĩrĩ nduru,*+Natuo tũrĩma tũhumbĩtwo gĩkeno.+
13 Kũndũ gwa kũrĩithia kũhumbĩrĩtwo nĩ ndũũru,Nayo mĩkuru ĩhumbĩrĩtwo* nĩ ngano.*+
Cianagĩrĩra nĩ ũndũ wa ũhootani, ikaina rwĩmbo.+
Tũũhoro twa magũrũ-inĩ
^ Ũkk., “mĩĩrĩ yothe ya nyama.”
^ Kana “Handũ haku harĩa hatheru.”
^ Kana “cairi.”
^ Ũkk., “tũtaataga ũnoru.”
^ Ũkk., “ĩgĩtaataga.”
^ Kana “Nacio cianda ihumbĩrĩtwo.”
^ Kana “cairi.”
