KĨŨRIA GĨA 3
Njagĩrĩirũo Kwaranagĩria na Aciari Akwa Atĩa?
BATA WA KŨMENYA ŨNDŨ ŨCIO
O ũrĩa ũrĩiguithanagia na aciari aku, noguo mũtũũrĩre waku ũrĩkoragwo ũrĩ mũhũthũ.
ŨRĨA ŨNGĨKA
Ta wĩcirie ũndũ ũyũ: Nĩ Njumatano ũtukũ. Ben, ũrĩ na mĩaka 17, arĩ na kahinda kega ga kũhurũka thutha wa kũrĩkia wĩra ũrĩa ekũhetwo. Akahingũrĩra TV na agaikara thĩ.
O hingo ĩyo, ithe akaingĩra na amuona akarakario mũno nĩ ũndũ ũcio.
“Ben! Ũrateanga mahinda na TV nĩkĩ handũ ha ũteithie mwana kũruta wĩra wa cukuru? Ndwĩkaga ũrĩa ũrerũo!”
Ben akanuguna ũndũ ithe araigua.
Ithe akamũkuhĩrĩria akamũũria, “Atĩ woiga atĩa?”
Akahũmũka na akeera ithe, “Gũtirĩ ũndũ ndoiga baba.”
Ithe arakarĩte mũno akamwĩra, “Ndũkananjarĩrie ũguo rĩngĩ!”
Korũo nĩwe Ben-rĩ, ũngĩĩthema ũndũ ũcio atĩa?
TA WĨCIRIE
Kwaranĩria na aciari aku nĩ ta gũtwarithia ngaari. Ũngĩkora bara ĩhingĩtwo, no ũcarie njĩra ĩngĩ.
KWA NGEREKANO:
Mũirĩtu ũmwe wĩtagwo Leah oigaga ũũ: “Ndũkoragwo ũrĩ ũndũ mũhũthũ harĩ niĩ kwaria na baba. Rĩmwe thutha wa kũmwarĩria kwa ihinda, no anjũrie ũũ, ‘Ĩ ũkugaga atĩa?’”
LEAH ARĨ NA MAŨNDŨ TA MATATŨ ANGĨKA.
-
Agũthũkĩre baba wao.
Leah akamwĩra ũũ anĩrĩire: “Baba thikĩrĩria! Ũndũ ũyũ nĩ wa bata!”
-
Atige kwarĩria baba wao.
Leah akona hatirĩ bata wa kwĩra ithe thĩna wake.
-
Eterere ihinda rĩrĩa rĩagĩrĩire nĩguo ere ithe ũhoro ũcio.
Thutha-inĩ Leah akaaria na ithe, kana akamwandĩkĩra marũa akamũtaarĩria thĩna wake.
Ũngĩra Leah eke atĩa?
TA WĨCIRIE: Harĩ maũndũ ithe wa Leah areciria, na nĩ ũndũ ũcio akaaga kũmenya mathĩna ma mũirĩtu wake. Kwoguo Leah angĩthuura gwĩka Ũndũ wa 1, ithe ndangĩmenya nĩ kĩĩ gĩatũma amũgũthũkĩre. Ũndũ ũcio no ũtũme ithe age kũmũthikĩrĩria, na Leah ndangĩkorũo akĩhe ithe gĩtĩo. (Aefeso 6:2) Kwoguo ũndũ ũcio ndũngĩmateithia.
O ta ũrĩa ũtangĩreka kũhingwo kwa bara gũtũme rũgendo rwaku rũkinye mũthia, no taguo ũbataire gwetha njĩra ĩngĩ ya kwaranĩria na aciari aku
O na gũtuĩka Ũndũ wa 2 no woneke ũrĩ mũhũthũ gwĩka, ti wa ũũgĩ. Nĩkĩ? Tondũ no mũhaka Leah arie na ithe nĩguo ateithĩke, na nĩguo ithe ahote kũmũteithia no mũhaka amenye thĩna wake. Gũkira gũtingĩhingia maũndũ macio.
No Leah akahũthĩra Ũndũ wa 3, na akaaga gwĩtĩkĩria ũndũ o na ũrĩkũ ũmũgirĩrĩrie kwaria na ithe. Akabanga kwarĩrĩria ũndũ ũcio hĩndĩ ĩngĩ. Na angĩthuura kwandĩkĩra ithe marũa, kwahoteka no aigue thĩna ũcio wehera.
Ningĩ kwandĩka marũa no kũmũteithie eyarie ũrĩa araigua. Ithe wa Leah athoma marũa, nĩ egũtaũkĩrũo nĩ ũrĩa Leah ekwendaga kũmwĩra na amenye thĩna wake wega. Kwoguo ũndũ wa 3 ũgateithia Leah na ithe. Kwaria nake kana kũmwandĩkĩra marũa nĩ kũratwarana na ũtaaro ũyũ wa Bibilia: “Tũthingatagei maũndũ marĩa mangĩrehe thayũ.”
Nĩ maũndũ marĩkũ mangĩ Leah angĩka?
Rora kana no wĩcirie ũndũ ũmwe, na ũwandĩke haha mũhuro. Ũcoke wandĩke moimĩrĩro ma ũndũ ũcio mangĩkorũo marĩ marĩkũ.
WĨTHEME KUUGA ŨNDŨ ŨNGĨTAŨKĨKA NA NJĨRA ĨNGĨ
Ririkana atĩ ti hingo ciothe aciari manyitaga ũndũ ũrĩa woiga na njĩra ĩrĩa ũkwĩrĩgagĩrĩra manyite nayo.
KWA NGEREKANO:
Aciari aku magakũũria nĩ kĩĩ ũroneka ũtarĩ mũkenu. Ũkamacokeria ũũ: “Hatirĩ ũndũ.”
No aciari aku makanyita ũũ: “Ndimwĩhokete ũndũ ingĩmwĩra maũndũ makwa. Ngwaria na arata akwa ũhoro wĩgiĩ thĩna wakwa, no ti inyuĩ.”
Ta hũũra mbica ũgĩcemania na ũndũ mũritũ, na mũciari waku akerutĩra gũgũteithia. No ũkoiga: “Ndũkamake. Nĩ ngũhiũrania naguo.”
-
Aciari aku no manyite ũũ:
-
cokio rĩega no rĩkorũo rĩrĩ:
Icunjĩ Ingĩ Hihi Ũngĩenda Gũthoma
ŨRĨA ANDŨ A RIIKA RĨAKU MAROIGA
Ingĩhota Atĩa Kwaranĩria na Aciari Akwa?
Ũndũ ũcio no ũkorũo na moguni maingĩ gũkĩra ũrĩa ũngĩcirĩria.
ANDŨ ETHĨ MORAGIA
Ingĩhota Atĩa Kwaranĩria na Aciari Akwa Igũrũ Rĩgiĩ Mawatho Marĩa Manjigĩire?
Wĩrute ũrĩa ũngĩaranĩria na aciari aku na njĩra ya gĩtĩo, na wahota kũgega nĩ ũrĩa ũndũ ũcio ũngĩkorũo na moimĩrĩro mega.
MBICA CIA GŨCORŨO
Ingĩhota Atĩa Kwaranĩria na Aciari Akwa?
Ũngĩhota atĩa kwaranĩria na aciari aku rĩrĩa ũtaraigua ũkĩenda kwaria?
