Macokio Ma Ciũria Cia Bibilia
Mũcukani Oimire Kũ?
Ngai ndoombire Mũcukani. Ithenya rĩa ũguo-rĩ, Ngai ombire mũraika ũrĩa thutha-inĩ watuĩkire Mũcukani, na nowe wĩtagwo Shaitani. Jesu oigire atĩ kũrĩ hĩndĩ ũrĩa wĩtagwo Mũcukani aarũmagĩrĩra ũhoro wa ma na ndaarĩ na ũcuke. Kwoguo, kĩambĩrĩria-inĩ aarĩ mũraika mũthingu, mũrũ wa Ngai.—Thoma Johana 8:44.
Gwathire atĩa mũraika agĩtuĩka Mũcukani?
Mũraika ũrĩa watuĩkire Mũcukani aatuire itua rĩa gũkararia Ngai na akĩhenereria mũthuri na mũtumia wa mbere mamũrũmĩrĩre. Nĩ ũndũ ũcio agĩĩtua Shaitani, rĩĩtwa rĩrĩa riugĩte “Mũkararia.”—Thoma Kĩambĩrĩria 3:1-5; Kũguũrĩrio 12:9.
O ta ũrĩa ciũmbe iria ingĩ cia Ngai irĩ na meciria ikoragwo na wĩyathi wa gwĩthurĩra wega na ũũru-rĩ, mũraika ũrĩa watuĩkire Mũcukani o nake aarĩ na wĩyathi ũcio, ĩndĩ agĩkũria merirĩria ma gũthathaiyo. Merirĩria make ma gwĩtũgĩria makĩgĩa na hinya mũno gũkĩra ma gũkenia Ngai.—Thoma Mathayo 4:8, 9; Jakubu 1:13, 14.
Mũcukani akoretwo akĩhĩtithia andũ atĩa? Hihi nĩ wagĩrĩirũo nĩ kũmwĩtigĩra? No wone macokio ma ciũria icio thĩinĩ wa Bibilia.
Icunjĩ Ingĩ Hihi Ũngĩenda Gũthoma
MACOKIO MA CIŨRIA CIA BIBILIA
Hihi Mũcukani no Atongorie Andũ?
Mũcukani agucagĩrĩria andũ na njĩra irĩkũ, na ũngĩĩthema mawara make atĩa?
MŨRANGĨRI
Hihi nĩ Twagĩrĩirũo Gwĩtigĩra Shaitani?
Ngai nĩ atũheete maũndũ mana marĩa mangĩtũteithia kwĩgitĩra kuumana na tharĩkĩro cia Shaitani.
