Macokio ma Ciũria Cia Bibilia
Hihi no tuoherũo mehia maitũ?
Ti ũndũ mũritũ gwĩtĩkĩrũo nĩ Ngai
Bibilia yonanagia atĩ andũ othe nĩ ehia. Twĩhagia tondũ nĩ twagaire mehia kuuma kũrĩ mũndũ wa mbere, Adamu. Nĩkĩo rĩmwe twĩkaga maũndũ moru tũgacoka kwĩrira thutha-inĩ. Mũriũ wa Ngai, Jesu Kristo, aakuire nĩguo arĩhĩre mehia maitũ. Kũgerera gĩkuũ kĩu gĩake no tuoherũo mehia maitũ. Ũndũ ũcio nĩ kĩheo kuuma kũrĩ Ngai.—Thoma Aroma 3:23, 24.
Andũ amwe maaneka mehia maritũ na nĩ marigagwo kana Ngai no amohere. Kiugo kĩa Ngai nĩ gĩtũhoreragia tondũ kiugaga ũũ: “Nayo thakame ya Jesu Mũrũ wake nĩĩtũtheragia tũgathira wĩhia wothe.” (1 Johana 1:7) Jehova nĩ akoragwo eharĩirie gũtuohera o na mehia maritũ angĩkorũo nĩ twĩharĩirie kwĩrira.—Thoma Isaia 1:18.
Twagĩrĩirũo gwĩka atĩa nĩguo tuoherũo?
Tũngĩenda Jehova atuohere, tũkũbatara kwĩruta ũhoro wake—tũtaũkĩrũo nĩ njĩra ciake, ũtaaro wake, na maũndũ marĩa endaga. (Johana 17:3) Jehova nĩ ohagĩra arĩa merira na marerutanĩria kũgarũrĩra mĩthiĩre yao mĩũru.—Thoma Atũmwo 3:19.
Ti ũndũ mũritũ gwĩtĩkĩrũo nĩ Ngai. Jehova nĩ oĩ ũhũthũ witũ. Nĩ arĩ tha na nĩ mũtugi. Na githĩ wendo wake mũnene to ũtũme wĩrute makĩria maũndũ marĩa mangĩmũkenia?—Thoma Thaburi 103:13, 14.
Icunjĩ Ingĩ Hihi Ũngĩenda Gũthoma
MŨRANGĨRI
Hihi nĩ Wĩkaga Ũrĩa Ngai Endaga?
Gwathĩkĩra Ngai nĩ ũndũ wa bata, no nĩ harĩ ũndũ ũngĩ makĩria ũrabatarania nĩguo tũgĩe na ũrata nake.
MŨRANGĨRI
Hihi no Tũhote Gũkenia Ngai?
Macokio no moneke mĩtũũrĩre-inĩ ya Ayubu, Loti, na Daudi, arĩa meekire mahĩtia maritũ.
