Job 13:1-28
13 “Oshoshili kutya omesho ange okwa mona oinima aishe ei;Omatwi ange okwa pwilikina, nokwe i uda.
2 Osho mu shii naame osho ndi shii;Kamu dule nge.
3 Kwaame, oshixwepo ndi popye nOmunaenghono adishe ye mwene;Onda hala okuhokolola oshikoya shange kuKalunga.
4 Ashike nye otamu lundile nge;Amushe ovahakuli vongaho.
5 Ngeno omwa li ashike tamu mwena filu;Osho otashi ka ulika kutya nye ovanaendunge.
6 Alikana, pwilikineni komatomhafano ange,Nokuyandja elitulemo, eshi handi pula ekwafo nomilungu dange.
7 Mbela otamu ka popya shihe li pauyuki ponhele yaKalunga,Notamu ke mu popila ko, tamu shi ningi moukengeleledi?
8 Mbela otamu ke mu popila ko?*Mbela otamu ka kendabala okupopila ko Kalunga kashili moihokolola?
9 Mbela otashi ka enda ngoo nawa, ngeenge okwe mu konakona?
Mbela otamu ke mu enda medu, ngaashi tamu shi ningile ovanhu vongaho?
10 Ote ke mu hanyena filufilu,Ngeenge omwa kendabala okwaama ombinga meholeko.
11 Mbela ounene waye itau ke mu tilifa,Noumbada woku mu tila itau ke mu hanga?
12 Eendjovo deni dounongo* odo omute wongaho;Omatomhafano* eni oongaho ngaashi oikelelifo ya longwa melova.
13 Mweneni moipafi yange, opo ndi dule okupopya.
Opo nee efeni keshe osho tashi hange nge shi uye.
14 Omolwashike ndi na okulitula moshiponga,*Nokutula onghalamwenyo* yange momake ange?
15 Nonande otashi dulika a dipae nge, natango ohandi ka teelela;Ohandi ka popila oshikoya shange* koshipala shaye.
16 Opo nee ota ka xupifa nge,Molwaashi kape na omuhenakalunga* ta dulu okuya kuye.
17 Pwilikineni nawa keendjovo dange;Yandjeni elitulemo kwaasho handi popi.
18 Taleni, paife onda longekida oshikoya shange;Ondi shi shii kutya ondi li mondjila.
19 Olyelye ta ka tamaneka nge?
Ngeenge onda kala nda mwena, ohandi ka fya.*
20 Kalunga, pe nge ashike oinima ivali,*Opo ndihe ku hondame:
21 Ehenifa kokule naame eke loye lidjuu,Noumbada woku ku tila uha mbadapalife nge.
22 Ifana, nohandi ka nyamukula,Ile efe nge ndi popye, ndele to nyamukula nge.
23 Omanyono nomatimba ange oelipi?
Hololele nge omatauluko nomatimba ange.
24 Omolwashike to holeke oshipala shoye,Nokutala nge ko ndi li omutondi woye?
25 Mbela oto kendabala okutilifa efo tali pepwa komhepo,Ile u taatae oshihati sha kukuta?
26 Owa kala nokudidilika omalundilo anyanyalifi kombinga yange,Nowa ningifa nge ndi mone oixuna omolwomatimba omounyasha wange.
27 Eemhadi dange owe di tula meti,Owa konakona omalila ange aeshe,Nowa kala nokudidilika keshe opo omhadi yange ya lyata.
28 Onghee omunhu* oha mbutu ngaashi oshinima sha ola,Ngaashi oshikutu sha lika keenhwishi.
Eshangelo lopedu
^ Ile “ke mu ninga okatongo.”
^ Ile “itadi dimbiwa.”
^ Eln., “Etindi loikelelifo.”
^ Eln., “Omolwashike ndi na okuhumbata ombelela yange momayoo ange?”
^ Ile “omwenyo.”
^ Ile “popila eendjila dange.”
^ Ile “kape na omushunimonima.”
^ Ile tashi dulika, “Ngeenge umwe ota dulu, ohandi ka kala nda mwena nokufya.”
^ Eln., “Oinima ashike yopavali uha ningile nge.”
^ Eln., “ye,” tashi dulika tashi ulike kuJob.
