Job 26:1-14
26 Job okwa nyamukula, a ti:
2 “Owa kwafela oo ehe na eenghono!
Owa xupifa okwooko oko kuhe na eenghono!
3 Owa yandja omayele a denga mbada kwaao ehe na ounongo!
Owa holola ounongo tau longo* nehalo liwa!*
4 Oto kendabala okupopya nalyelye,Nolyelye e ku linyengifa u popye oinima i li ngaho?*
5 Ovo va fya kave na eenghono, notava ka kakama;Ove li nokuli koshi ve dule omeva noinima oyo i li mo.
6 Ombila* oi li hamwasha momesho aKalunga,*Nonhele yehanauno* oya patuluka.
7 Ota yale ewangadjo* ponhele pehe na sha,*Edu okwe li tula poima pehe na sha;
8 Ota tonyene omeva moilemo yaye,Opo oilemo iha ndwafuke koudjuu wao;
9 Ota uvike olukalwapangelo laye liha monike,Te li uvike noilemo yaye.
10 Okwa tula po edidiliko longaba* pokati kewangadjo nefuta;Okwa tula ongaba pokati kouyelele nomulaulu.
11 Eengudi deulu ohadi kakama;Oda haluka kehanyeno laye.
12 Ota pindjaleke efuta neenghono daye,Nomolwounongo waye, ota teyaula oshinamwenyo shinene shomefuta* moinhimbu.
13 Oha wapaleke ewangadjo nomufudo* waye;Ota tu eyoka hali endelele* nomake aye.
14 Taleni, edi ominghulo ashike deendjila daye;Omunongofolelo ashike waye wa udika.
Onghee olyelye ta dulu okuuda ko omungungumo weenghono daye?”
Eshangelo lopedu
^ Ile “eendunge dokuyoolola.”
^ Ile “muhapu.”
^ Eln., “Nomufudo (omhepo) walyelye wa dja mwoove?”
^ Ile kOufi. Tala Omafatululo oitya.
^ Eln., “aye.”
^ Ile “NaAbadon.”
^ Eln., “olundume.”
^ Eln., “pehe na sha nandenande.”
^ Eln., “ongonga.”
^ Eln., “Rahab.”
^ Ile “nomhepo.”
^ Ile “i omufenu.”
