Job 42:1-17
42 Opo nee Job okwa nyamukula Jehova, a ti:
2 “Paife ondi shi shii kutya oto dulu okuninga oinima aishe,Nonokutya kape na osho to diladila okuninga tashi ku nyenge.
3 Owa ti, ‘Olyelye ou ta pengifa omayele ange ehe na eshiivo?’
Onghee onda popya, ashike omokuheneudekoKombinga yoinima, oyo iwa unene kwaame, oyo ndihe shii.
4 Owa ti, ‘Alikana, pwilikina, nohandi ka popya.
Ohandi ke ku pula, noto ka lombwela nge.’
5 Omatwi ange okwa uda kombinga yoye,Ashike paife, ondi ku wete nomesho ange.
6 Nomolwaasho osho nda popya itandi shi endulula vali,*Nohandi lidilulula ndi li mondwi nosho yo momute.”
7 Konima eshi Jehova a lombwela Job eendjovo odo, Jehova okwa popya naElifas, Omuteman, a ti:
“Onde ku handukila neenghono nosho yo ookaume koye vavali, osheshi inamu popya oshili kombinga yange, ngaashi omupiya wange Job a ninga.
8 Paife kufeni eengobe deemhedi heyali needi deendume heyali, ndele tamu i komupiya wange Job, nokuyamba omaxwikiloyambo eni vene. Nomupiya wange Job ote ke mu ilikanena. Ohandi ka tambula ko filufilu eindilo laye,* opo ndiha ungaunge nanye she likolelela koulai weni, molwaashi inamu popya oshili kombinga yange, ngaashi omupiya wange Job a ninga.”
9 Onghee Elifas, Omuteman, Bildad, Omusuhi, naSofar, Omunaamati, ova ya, nova ninga osho Jehova e va lombwela va ninge. Na Jehova okwa tambula ko eilikano laJob.
10 Konima eshi Job a ilikanena ookaume kaye, Jehova okwa xulifa po oupyakadi waJob, ndele te mu alulile oupuna waye.* Jehova okwe mu pa osho a li e na nale lwomapa avali.
11 Ovamwainamati novamwainakadona vaye aveshe nookaume kaye aveshe vonale ove uya kuye, ndele tava li pamwe naye meumbo laye. Ove mu udila oukwao wananghali, nove mu hekeleka omolwoinima ii, oyo Jehova a efa i mu ningilwe. Keshe umwe womuvo okwe mu pa oshimaliwa nolinga yoshingoli.
12 Onghee Jehova okwa nangeka noupuna okukalamwenyo kwaJob kwaxuuninwa ku dulife kwopehovelo, na Job okwa ka kala e na eedi 14 000, eengamelo 6 000, eengobe oombali lwe-1 000* neendongi deenghadi 1 000.
13 Okwa ka kala yo vali e na ovanamati vaheyali novanakadona vatatu.
14 Omonakadona ou woshiveli okwe mu luka Jemima, omutivali oKessia, nomutitatu oKeren-happuk.
15 Moshilongo ashishe kamwa li nande ovakainhu vawa va fa ovanakadona vaJob, na xe okwe va pa efyuululo pamwe novamwainamati.
16 Konima yaasho, Job okwa kala nomwenyo eedula 140, nokwa mona ovana vaye novatekulu vaye, omapupi ane.
17 Xuuninwa, Job okwa fya, konima eshi a hafela onghalamwenyo efimbo lile.*
Eshangelo lopedu
^ Ile “handi livele ombedi.”
^ Eln., “Ohandi ka yelula oshipala shaye filufilu.”
^ Eln., “Jehova okwa shunifa oukwatwa waJob.”
^ Ile “lwomapa 1 000.”
^ Eln., “a kulupa nokwa li e na omafiku mahapu.”
