Omapsalme 51:1-19
Komuwiliki. Eimbilo laDavid, eshi omuprofeti Natan e uya kuye, konima eshi David a nangala naBatseba.
51 Kalunga kange, file nge onghenda omolwohole yoye i na oudiinini.
Dima po omatauluko ange omolwonghenda yoye inene.
2 Koshole nge filufilu omolwepuko lange,Nokuyelifa nge komatimba ange.
3 Osheshi ondi shi shii nawa omatauluko ange,Nomatimba ange oku li alushe komesho yange.*
4 Komesho yoinima aishe,* onda nyona, unene tuu kwoove;Onda ninga osho shii momesho oye.
Opo u dule okuulika kutya oumuyuki, ngeenge to popi,Nokutokola osho shi li mondjila.
5 Tala! Onda dalwa ndi na omatimba,Nameme okwa dala nge moulunde.*
6 Tala! Oho hafele oshili, oyo i li momutima;*Honge nge, opo ndi mone ounongo washili meni lange.*
7 Yelife nge komatimba ange noixwa yoisopi, opo ndi kale nda koshoka;Koshe nge, opo ndi kale ndimutoka ndi dule olumi.*
8 Onda hala okuuda omawi ehafo nosho yo enyaku,Opo omakipa, oo wa nyanyaula, a nyakukwe.
9 Pungulula ko oshipala shoye* komatimba ange,Nokudima po* filufilu omapuko ange aeshe.
10 Kalunga kange, shitila mwaame omutima wa yela,Ndele to tula mwaame omhepo ipe, ihai tengauka.
11 Ino kufa nge ko koshipala shoye;Noino kufa po omhepo yoye iyapuki pwaame.
12 Hafife nge vali nexupifo loye;Pendula mwaame ehalo lokudulika kwoove.*
13 Ohandi hongo ovanyoni eendjila doye,Opo ovalunde va alukile kwoove.
14 Kalunga kange, Kalunga kexupifo lange, xupife nge ketimba lohonde,Opo elaka lange li hepaulule nehafo ouyuki woye.
15 Omwene Jehova, makula omilungu dange,Opo okanya kange ka dule oku ku tanga.
16 Ngeno owa li wa hala eyambo, ngeno ohandi li yandje;Ove iho hokwa exwikiloyambo alishe.
17 Omayambo taa hafifa Kalunga oo omhepo ya nyanyauka;Kalunga kange, omutima wa teyauka nowa nyanyauka ito u efa po.*
18 Ningila Sion ouwa nehalo liwa;Tunga omakuma aJerusalem.
19 Opo nee oto ka hokwa omayambo a yambwa pauyuki,Omaxwikiloyambo nomayambo aeshe e lixwa po;Neengobe deemhedi otadi ka yambwa koaltari yoye.
Eshangelo lopedu
^ Ile “momadiladilo ange.”
^ Eln., “Kwoove auke.”
^ Ile “Nonda kala omulunde, okudja eshi meme a dala nge.”
^ Ile “mounhu womeni.”
^ Ile “mounhu wange womeni.”
^ Ile “o-snow.”
^ Ile “Holeka oshipala shoye.”
^ Ile “Nokufeta po.”
^ Eln., “Yambidide nge u na ehalo.”
^ Ile “tondo.”
