Omayeletumbulo 2:1-22
2 Omumwange, ngeno ou pwilikine komalombwelo angeNou tuvikile oipango yange,
2 Mokupakalekela okutwi kwoye kounongoNomokulemena omutima woye keendunge;
3 Shikwao vali, ngeno ou indile, opo u mone eshiivoNou indile, opo u mone eendunge;
4 Ngeenge owe i kongo ngaashi oshisilveri,Nowa twikile oku i konga ngaashi omamona a holekwa;
5 Opo nee oto ka uda ko kutya okutila Jehova otashi ti shike,Noto ka mona eshiivo lokushiiva Kalunga.
6 Molwaashi Jehova oye mwene ha yandje ounongo,Mokanya kaye ohamu di eshiivo neendunge dokuyoolola.
7 Oha tuvikilile ounongo ovo hava ende mouyuki;Oku li oshikelelifo shaavo ovadiinini.
8 Oha pashukile omalila ovayuki,Noha amene ovo ovadiinini kuye meendjila davo.
9 Opo nee oto ka uda ko osho shi li pauyuki, shi li mondjila naasho sha yuka,Ondjila yoinima aishe iwa.
10 Ngeenge ounongo owa i momutima woye,Neshiivo tali hafifa omwenyo* woye,
11 Okudiladila pandunge otaku ke ku kwafela,Neendunge dokuyoolola otadi ke ku amena,
12 Oinima oyo otai ke ku amena kondjila ii,Komulumenhu oo ha pengifa oinima,
13 Kwaaveshe ovo tava efa po eendjila douyukiVa ende meendjila domilaulu,
14 Kwaavo hava hafele okulonga owii,Ovo hava mono ehafo mokulonga oukolokoshi,
15 Ovo hava ende meendjila domahekaNomalila avo aeshe kae shi okulineekelwa.
16 Otai ke ku amena komukainhu omuholi woipala,*Keendjovo domaheka domukainhu omuhaeli,*
17 Oo a fiya po kaume kaye kopofingo* komounyasha wayeNokwa dimbwa ehangano olo a ninga naKalunga kaye;
18 Osheshi okuya keumbo laye osha fa to i mefyo,Nondjila oyo tai i keumbo laye otai twala mombila.
19 Aveshe ovo ve na ekwatafano* naye itava ka aluka,Itava ka mona vali ondjila oyo tai twala komwenyo.
20 Onghee landula ondjila yovanhu ovo hava longo ouwaNokukala momalila ovayuki,
21 Molwaashi ovayuki ovo ashike tava ka kala kombada yedu,Naavo hava longo osho sha yuka,* ovo ashike tava ka kala po.
22 Ovakolokoshi otava ka kombololwa ko kombada yedu,Novakengeleledi otava ka hanaunwa po.
Eshangelo lopedu
^ Tala Omafatululo oitya.
^ Eln., “omunailongo.” Sha hala okutya, oo iha kala metwokumwe nomifikamhango daKalunga dopaenghedi.
^ Eln., “omunailongo.” Sha hala okutya, oo iha kala metwokumwe nomifikamhango daKalunga dopaenghedi.
^ Ile “omushamane.”
^ Eln., “tava i.”
^ Ile “hava kala ovadiinini.”
