Omayeletumbulo 7:1-27
7 Omumwange, diinina omalombwelo ange,Nou tuvikile oipango yange.
2 Diinina oipango yange, opo u kale nomwenyo;Amena ehongo* lange ngaashi omuni yeisho loye.
3 I mangela kominwe doye;I shanga koshipelende shomomutima woye.
4 Tya kounongo, “Ove omumwamemekadona,”
Nokeshiivo, “ove omupambele wange.”
5 Opo i ku amene komukainhu oshondolo,*Komukainhu omuholi woipala* nokeendjovo daye domaheka.
6 Onda talela mekende leumbo lange,Nonda tala pedu.
7 Eshi nda tala mokati kovashima,*Onda mona mokati kovanyasha, omulumenhu omunyasha ehe na eendunge.
8 Okwa li ta ende popepi noxulo yepandavanda, omo hamu di omukainhu omuholi woipala,Nokwa li ta endaenda kombinga oko kwa ama eumbo lomukainhu oo,
9 Eshi taku wiwile konguloshi,Eshi taku toko notaku laula.
10 Opo nee onda mona omukainhu te mu shakeneke,A djala ngaashi ombwada,* e na omutima u na omakoto.
11 Oha popyaana nomunashibofa.
Iha kala* nandenande meumbo.
12 Eshi ngoo to ka tala, oku li pondje; eshi ngoo to ka tya ngaha, oku li momapandavanda.Oha kala a teelela koxulo yepandavanda keshe.
13 Okwe mu kwata, ndele te mu xupita;Noshipala shi na ouladi, okwa tya kuye:
14 “Ondi na okuyandja omapanduloyambo.
Nena onda wanifa po eano lange.
15 Nomolwaasho nde uya ndi ku shakeneke,Ndi ku konge, nonde ku mona!
16 Ombete yange onde i yala nomalapi mawa,Omalapi oliina omaluvala a dja kuEgipiti.
17 Kombete yange onda tula ko oidimba iwa,* omandobo nosinamono.
18 Itu ye tu ka nwe meholo lohole fiyo ongula;Natu hafele ohole pamwe,
19 Osheshi omushamane wange ke mo meumbo;Okwa dja po a ya kokule.
20 Okwa ya nokandjato koimaliwa,Nota ka aluka ashike mokati komwedi.”
21 Omukainhu okwe mu pukifa neendjovo doineya.
Okwe mu hongaula neendjovo domaheka.
22 Okwe mu shikula diva, ngaashi ongobe tai ka dipawaNgaashi elai tali ka handukilwa la mangwa,*
23 Fiyo osheshi oshikuti sha tyuula exuli laye;Ngaashi okadila taka endelele ka finda momwiyo; ke shii kutya osho otashi mu kanififa omwenyo waye.
24 Ovamwange, pwilikineni kwaame paife;Yandjeni elitulemo keendjovo odo handi popi.
25 Omitima deni inadi shikula eendjila daye.
Noinamu pukifwa mu ende momalila aye,
26 Osheshi okwa dipaifa vahapu,Naavo a dipaa itava dulu okuvalulwa.
27 Eumbo laye otali twala mOmbila;*Ola finda monhele omo hamu kala oonakufya.
Eshangelo lopedu
^ Ile “omhango”
^ Eln., “omunailongo.” Tala Omayel 2:16.
^ Eln., “omunailongo.” Tala Omayel 2:16.
^ Ile “kaavo vehe na owino.”
^ Ile “A djala oshikutu shombwada.”
^ Eln., “Eemhadi daye ihadi kala.”
^ Ile “omirha.”
^ Ile “li li momalyenge.”
^ Sha hala okutya, kOufi. Tala Omafatululo oitya.
