Vahapu ove udite kutya kape na ekandulepo lomaupyakadi, oo a taalelwa kounyuni mo 2024. Ashike ohatu dulu okukala tu na eteelelo li na sha nonakwiiwa. Openi hatu dulu okuhanga eteelelo olo?

 Ombiibeli oya udaneka kutya Kalunga ota ka kandula po omaupyakadi, oo haa ningifa onghalamwenyo yetu i kale ya fa ihe na eteelelo lasha. Mafiku, Kalunga “ota ka feta po omahodi aeshe momesho [etu], nefyo itali ka kala po vali, ile oluhodi, okulila nouyahame itau ka kala po vali.” — Ehololo 21:4.

•   Opo u lihonge shihapu kombinga yomaudaneko Ombiibeli e na sha nonakwiiwa, lesha oshitukulwa “A Real Hope for a Better Tomorrow.”

 Ombiibeli otai yandje eteelelo li na sha nonakwiiwa, olo tali dulu oku ku kwafela u kondjife omaliudo mai nokukala u na etaleko liwa. (Ovaroma 15:13) Omayele opaMbiibeli otaa dulu yo oku ku kwafela u ungaunge nomaupyakadi oo wa taalela paife, ngaashi oluhepo, okuhenouyuki nosho yo omauyehame.

•   Mona nghee eteelelo lopaMbiibeli la kwafela omulumenhu umwe a mone ombili nehafo, nonande okwa putuka a hepa. Tala okavidio Juan Pablo Zermeño: Jehova okwa pa nge onghalamwenyo i na eityo shili.

•   Mona nghee Ombiibeli tai dulu oku ku kwafela u ungaunge nomaliudo okukala u udite ondjo, wa nyika oluhodi, oshisho nosho yo ngeenge wa filwa. Lesha oshitukulwa “Can I Find Words of Comfort in the Bible?”

•   Tala nghee nakulwamukulu oo e lipopya kutya, nonande okwa li “omunhu mwii noke na ohole,” okwa mona eteelelo, eshi e lihonga Ombiibeli. Tala okavidio I Put Down My Rifle.

 Ninga omudo 2024 muwa kwoove nokoukwaneumbo weni. Lihonga shihapu shi na sha nanghee Ombiibeli tai dulu oku ku kwafela. Kendabala eenghundafana dopaMbiibeli doshali. Mona nghee Kalunga ta dulu oku ku pa “omadiladilo ombili” paife nosho yo “efimbo lokomesho pamwe neteelelo liwa.” — Jeremia 29:11.