قۇداي پاتشالىعىن قازىردەن باستاپ قولداڭىز!
ٴسىز تۇراتىن ايماققا سۇراپىل داۋىل ٴتونىپ كەلە جاتىر دەلىك. بيلىك وكىلدەرى «قاشىڭىزدار! تەز ارادا قاۋىپسىز جەرگە كەتىڭىزدەر!» دەپ دابىل قاعىپ جاتىر. سونداي كەزدە قالاي ارەكەت ەتكەن دۇرىس؟ ارينە، قاۋىپسىز جەرگە باسساۋعالاعان دۇرىس!
ٴدال وسى ىسپەتتى، بۇكىل ادامزات بالاسىنا جويقىن «داۋىل» تونگەلى تۇر. مۇنى يسا پايعامبار «زور الاپات» دەپ اتاعان (ماتاي 24:21). ٴبىز بۇل اپاتتان ەشقايدا قاشىپ كەتە المايمىز. دەسە دە ودان امان قالۋعا بولادى. قالايشا؟
يسا پايعامبار بىردە: «ەندەشە، قۇداي پاتشالىعى مەن ونىڭ ادىلدىگىن ٵردايىم ٴبىرىنشى ورىنعا قويىڭدار»،— دەگەن نۇسقاۋ بەرگەن (ماتاي 6:33). ٴبىز بۇل نۇسقاۋدى قالاي ورىنداي الامىز؟
قۇداي پاتشالىعىن ٴبىرىنشى ورىنعا قويۋ. بۇل دەگەنىمىز قۇداي پاتشالىعى ومىرىمىزدەگى كەز كەلگەن نارسەدەن ماڭىزدى بولۋ كەرەك دەگەندى بىلدىرەدى (ماتاي 6:25، 32، 33). ال نەلىكتەن ونى ماڭىزدى ساناۋىمىز كەرەك؟ ويتكەنى ادامزاتتىڭ پروبلەماسىن شەشۋ تەك قۇداي پاتشالىعىنىڭ قولىنان كەلەدى. ادامدار مۇنداي كۇردەلى ماسەلەلەردى شەشۋگە دارمەنسىز.
قۇدايدىڭ ادىلدىگىن ٴبىرىنشى ورىنعا قويۋ. ٴبىز قۇدايدىڭ ٵدىل زاڭدارى مەن پرينسيپتەرىن ۇستانىپ ٶمىر سۇرۋگە بارىنشا تىرىسۋىمىز قاجەت. نەلىكتەن بۇلاي ەتۋىمىز كەرەك؟ ەگەر نەنىڭ جاقسى، نەنىڭ جامان ەكەنىن ٶزىمىز شەشىپ، قۇدايدى ەسكەرمەيتىن بولساق، مۇنىڭ سوڭى جاقسىلىققا اكەلمەيدى (ناقىل سوزدەر 16:25). ال كەرىسىنشە، قۇدايدىڭ تالاپتارىمەن ٶمىر سۇرەر بولساق، وعان ۇنامدى بولامىز جانە ٶزىمىز دە باقىتتىراق بولا تۇسەمىز (يشايا 48:17، 18).
قۇداي پاتشالىعى مەن قۇدايدىڭ ادىلدىگىن ٵردايىم ٴبىرىنشى ورىنعا قويۋ. يسا پايعامبار ەسكەرتكەندەي، كەيبىرەۋلەر «كوپ اقشا تاپسام، قاۋىپسىز ٶمىر سۇرەمىن» دەپ اداسۋى مۇمكىن. ال وزگەلەر كۇيبىڭ تىرلىككە سالىنىپ، قۇداي پاتشالىعىنا ۋاقىتتارى قالمايدى (ماتاي 6:19—21، 25—32).
الايدا يسا پايعامبار قۇداي پاتشالىعىن قولدايتىنداردا قازىردىڭ وزىندە قاجەت نارسەنىڭ ٴبارى بولاتىنىن، ال بولاشاقتا ولارعا شەكسىز باتالار توگىلەتىنىن ۋادە ەتكەن (ماتاي 6:33).
I عاسىرداعى يسا پايعامباردىڭ شاكىرتتەرى قۇداي پاتشالىعى مەن قۇدايدىڭ ادىلدىگىن ٵردايىم ٴبىرىنشى ورىنعا قويعان. دەسە دە ولار ٶمىر سۇرگەن ۋاقىتتا قايعى-قاسىرەت اتاۋلى جويىلمادى. الايدا ولار قورعانىش سەزىنگەن. قاي جاعىنان؟
ولار قۇدايدىڭ ٵدىل تالاپتارىن ۇستانىپ ٶمىر سۇرگەندىكتەن، مۇنىسى ولارعا قورعانىش بولدى. ويتكەنى ولار قۇدايدىڭ ايتقاندارىن ەلەمەي ٶمىر سۇرگەن ادامدار كەزىككەن قيىندىقتارعا كەزىكپەدى. شاكىرتتەر قۇداي پاتشالىعىنىڭ كەلەتىنىنە نىق سەنىمدى بولعاندىقتان، ەڭ اۋىر دەگەن قيىندىقتارعا توزە العان. سونداي-اق قۇداي ولارعا «ادام كۇشىنەن اسقان كۇش» بەرگەن (قورىنتتىقتارعا 2-حات 4:7—9).
ٴسىز قۇداي پاتشالىعىن ٴبىرىنشى ورىنعا قوياسىز با؟
I عاسىردا ٶمىر سۇرگەن ماسىحشىلەر يسانىڭ «قۇداي پاتشالىعىن ٴبىرىنشى ورىنعا قويىڭدار» دەگەن نۇسقاۋىنا قۇلاق اسقان. ولار پاتشالىق جايلى ىزگى حاباردى جۇرگەن جەرلەرىنىڭ بارىندە ۋاعىزداعان (قولوستىقتارعا 1:23). ال بۇگىندە وسىلاي ۋاعىزداپ جۇرگەن ادامدار بار ما؟
ٴيا، ونداي ادامدار بار! ەحوبا كۋاگەرلەرى جاقىن بولاشاقتا قۇداي پاتشالىعى وسى زۇلىم زاماندى جوياتىنىن جاقسى تۇسىنەدى. سوندىقتان دا ولار يسا پايعامبار ايتىپ كەتكەن ٸستى ورىنداۋعا بار كۇشتەرىن سالادى. ول بىلاي دەگەن: «پاتشالىق جايلى وسى ىزگى حابار بارلىق حالىقتار ەستۋ ٷشىن بۇكىل جەر بەتىندە ۋاعىزدالادى. سودان كەيىن وسى زاماننىڭ سوڭى كەلەدى» (ماتاي 24:14).
ٴسىز سول ىزگى حاباردى قابىلدايسىز با؟ ٴبىز ٴسىزدى I عاسىرداعى ماكەدونياداعى بەرەيا قالاسىنىڭ تۇرعىندارىنا ەلىكتەۋگە شاقىرامىز. ولار ەلشى پاۋىلدان پاتشالىق جايلى ىزگى حاباردى ەستىگەندە، ونىڭ حابارىن «زور ىقىلاسپەن قابىل الدى». كەيىن ولار ەستىگەن حابارلارىنىڭ راستىعىنا كوز جەتكىزۋ ٷشىن «جازبالاردى... مۇقيات زەرتتەدى» (ەلشىلەردىڭ ىستەرى 17:11، 12).
ٴسىز دە وسىلاي ەتسەڭىز بولادى. قۇداي پاتشالىعى مەن قۇدايدىڭ ادىلدىگىن ٴبىرىنشى ورىنعا قويار بولساڭىز، قازىردىڭ وزىندە قورعان بولاتىن پانا تاۋىپ، بولاشاقتا شەكسىز بەيبىتشىلىك پەن قاۋىپسىزدىكتىڭ راقاتىن كورەسىز!
قىزىقتى بولار مالىمەتتەر
ٴبىز جونىندە
كيەلى كىتاپتى وقۋدىڭ قانداي پايداسى بار؟
دۇنيە-ٴجۇزى بويىنشا ميلليونداعان ادام كيەلى كىتاپتىڭ كومەگىمەن ومىرگە قاتىستى ماڭىزدى سۇراقتاردىڭ جاۋابىن تابۋدا. ٴسىز دە سونداي سۇراقتاردىڭ جاۋابىن بىلگىڭىز كەلە مە؟
ويانىڭدار!
باقىتقا باستار جول. ٷمىت
كوپ ادام وزدەرىنىڭ نە جاقىندارىنىڭ بولاشاعى جايلى بىلمەسە، باقىتتى بولا المايمىز دەپ ويلايدى.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.
