كەي ادامداردىڭ سەنىمى
ٴيندۋيزمدى ۇستانۋشىلار
ادام وسى ومىرىندە نە وتكەن ومىرىندە ىستەگەن ارەكەتتەرىنىڭ كەسىرىنەن قاسىرەت كورەدى دەپ سەنەدى. ولاردىڭ ايتۋىنشا، ادام موكشاعا جەتكەن كەزدە عانا، ياعني قايتا تۋىلۋ تىزبەگىن توقتاتقان كەزدە عانا قايعى-قاسىرەتتەن قۇتىلادى.
مۇسىلماندار
قايعى-قاسىرەتتى قۇدايسىزدارعا كۇنالارى ٷشىن جىبەرىلگەن جازا دەپ، ال سەنۋشىلەرگە ولاردىڭ سابىرىن سىناۋ ٷشىن بەرىلگەن سىناق دەپ ەسەپتەيدى. سولتۇستىك امەريكاداعى يسلام ٴدىني قوعامداستىعىنىڭ پرەزيدەنتى سايد ساەد مىرزانىڭ ايتۋىنشا، باسقا تۇسكەن باقىتسىزدىقتار «جاراتۋشىنىڭ جاساعان جاقسىلىقتارىنا ٵردايىم شۇكىرشىلىك ەتۋدى، سونداي-اق مۇقتاج جاندارعا كومەك بەرۋ كەرەكتىگىن» ەسكە سالىپ تۇرادى.
يۋدايزمدى ۇستانۋشىلار
ادام باقىتسىزدىققا ٶز ٸس-ارەكەتىنىڭ كەسىرىنەن ۇشىرايدى دەپ سەنەدى. كەيبىر ەۆرەيلەر قايتا ٴتىرىلۋ بولادى، سول كەزدە جازىقسىز جاپا شەككەن بەيكۇنا ادامدار ٷشىن ادىلدىك ورنايدى دەپ ايتادى. يۋدايزمنىڭ كاببالا دەگەن تىلسىم اعىمى بولسا رەينكارناسياعا ۇيرەتەدى. بۇل ٸلىم بويىنشا، ادام بىرنەشە رەت قايتا تۋىلىپ، كۇنالارىن وتەۋگە مۇمكىندىك الادى.
بۋدديستەر
ادام جامان ىستەرىن، جامان سەزىمدەرى مەن ٴناپسىسىن تىيمايىنشا، قايتا-قايتا تۋىلىپ، قايعى-قاسىرەت شەگە بەرەدى دەپ سەنەدى. ەگەر ول دانالىققا يە بولىپ، جاقسىلىق جاساپ، اقىل-ويىن قاداعالاي السا، نيرۆاناعا جەتەدى. سول كۇيگە جەتكەندە، ادام بارلىق قايعى-قاسىرەتىنەن ارىلادى دەيدى.
كونفۋسي ٸلىمىن ۇستانۋشىلار
دىندەر تۋرالى سالىستىرمالى سوزدىكتە ايتىلعانداي، قايعى مەن باقىتسىزدىق نەگىزىنەن «ادامنىڭ شالىس باسۋىنان، كۇنا-قاتەلىگىنەن بولادى» دەپ ەسەپتەيدى. كونفۋسيي ٸلىمى بويىنشا، دۇرىس ٶمىر جولىن ۇستانۋ ارقىلى قايعى-قاسىرەتتى ازايتۋعا بولادى. ٴبىراق قايعىنىڭ كوبىسى «ادامداردان الدەقايدا كۇشتى رۋحتاردىڭ اسەرىنەن بولعاندىقتان، تاعدىردىڭ جازعانىنا كونۋدەن باسقا امال قالمايدى».
كەيبىر تايپالىق دىندەر
باقىتسىزدىقتىڭ سەبەبىن سيقىرشىلىقپەن تۇسىندىرەدى. ولاردىڭ سەنىمى بويىنشا، باقسىلار ادامنىڭ جولىن اشىپ بەرە الادى نە پالەگە دۋشار ەتە الادى، سونداي-اق ولار جىبەرگەن قاسىرەتتى ٴتۇرلى راسىمدەردىڭ كومەگىمەن ازايتۋعا دا بولادى. بۇل تايپالىق دىندەر ەگەر بىرەۋ اۋرۋدان قينالىپ جۇرسە، تاۋىپتەر ەم-دوم مەن راسىمدەر جاساپ، دۋانى قايتارا الادى دەپ ۇيرەتەدى.
حريستيان ٴدىنىن ۇستانۋشىلار
كيەلى كىتاپتا مۇسانىڭ 1-جازباسىندا جازىلعانداي، قايعى-قاسىرەتتى ٴتۇپ اتا-انامىزدىڭ جاساعان كۇناسىنىڭ سالدارى دەپ تۇسىندىرەدى. الايدا حريستيان ٴدىنىنىڭ كوپ اعىمى بۇل ىلىمگە ٶز ويلارىن قوسىپ جىبەرگەن. ماسەلەن، كەيبىر كاتوليكتەردىڭ ايتۋىنشا، ادام ٶزىنىڭ قاسىرەتىن «قۇدايعا تارتۋ رەتىندە» ۇسىنىپ، ەسەسىنە قۇدايدان قانداي دا ٴبىر شىركەۋدى جارىلقاۋىن نە باسقا ٴبىر ادامدى قۇتقارۋىن وتىنە الادى.
كوبىرەك بىلگىم كەلەدى دەسەڭىز
jw.org تور بەكەتىنەن «قۇداي تاعالا بارلىق ٴدىندى قۇپ كورە مە؟» دەگەن ۆيدەونى قاراڭىز.
قىزىقتى بولار مالىمەتتەر
كيەلى كىتاپ. سۇراقتار مەن جاۋاپتار
قانداي ٴدىندى ۇستانساڭىز دا ٴبارىبىر مە؟ دىندەردىڭ بارلىعى قۇدايعا اپارا ما؟
كيەلى كىتاپتان اشىلاتىن ەكى جايت بۇل سۇراقتىن جاۋابىن تابۋعا كومەكتەسەدى.
