ايان 21:1—27
21 مەن جاڭا اسپان مەن جاڭا جەردى+ كوردىم، سەبەبى بۇرىنعى اسپان مەن بۇرىنعى جەر قۇرىپ كەتىپ+، تەڭىز+ دە جوق بولدى.
2 كوكتەن، ياعني قۇدايدان، ٴتۇسىپ كەلە جاتقان، كۇيەۋىنە ارناپ ساندەنگەن قالىڭدىقتاي دايارلانعان+ كيەلى قالانى، جاڭا يەرۋساليمدى+ دە كوردىم.
3 سونان سوڭ كوكتەگى تاقتان بىلاي دەگەن زور داۋىستى ەستىدىم: «مىنە، قۇدايدىڭ تۇراعى* ادامدار اراسىندا! ول سولارمەن بىرگە تۇرىپ، ولار ونىڭ حالقى بولماق. وسىلاي قۇدايدىڭ ٶزى سولارمەن بىرگە بولادى+.
4 سوندا قۇداي ولاردىڭ كوزىندەگى ٵربىر جاستى ٴسۇرتىپ تاستايدى+، ەندى قايتىپ ٶلىم+، جوقتاۋ، زار ەڭىرەۋ مەن اۋرۋ بولمايدى+. بۇرىنعى جايتتار قۇرىپ جوق بولدى».
5 تاقتا وتىرعان+: «مىنە، ٴبارىن دە جاڭادان جاراتىپ جاتىرمىن»+،— دەدى. ارتىنان: «جازىپ قوي، ويتكەنى بۇل سوزدەر سەنۋگە تۇرارلىق ٵرى شىنايى»،— دەپ قوستى.
6 سوسىن ماعان بىلاي دەدى: «بۇلار ورىندالدى! مەن الفا جانە ومەگامىن*، باسى جانە اياعى مەنمىن+. شولدەگەن اركىمگە ٶمىر بۇلاعىنان سۋدى تەگىن بەرەمىن+.
7 كىم جەڭىپ شىقسا، سول وسىلاردى مۇرا ەتەدى، ٵرى مەن ونىڭ قۇدايى، ال ول مەنىڭ ۇلىم بولادى.
8 قورقاقتار مەن سەنىمى جوقتاردىڭ+، ارام دا جەركەنىشتى ىستەرمەن اينالىساتىنداردىڭ، كىسى ولتىرۋشىلەردىڭ+، ازعىندار*+ مەن باقسى-بالگەرلىكپەن* اينالىساتىنداردىڭ، پۇتقا تابىنۋشىلار مەن بارلىق وتىرىكشىلەردىڭ+ ۇلەسى وت پەن كۇكىرت جانىپ جاتقان كول بولماق+. بۇل ەكىنشى ٶلىمدى بىلدىرەدى+».
9 بۇدان كەيىن سوڭعى جەتى اپاتقا تولى جەتى توستاعان ۇستاعان جەتى پەرىشتەنىڭ بىرەۋى+ كەلىپ، ماعان: «ٴجۇر، مەن ساعان قالىڭدىقتى، توقتىنىڭ بولاشاق ايەلىن+، كورسەتەيىن»،— دەدى.
10 سوسىن كيەلى رۋح ارقىلى مەنى ۇلكەن ٵرى بيىك تاۋعا اپارىپ، كوكتەن، ياعني قۇدايدان، ٴتۇسىپ كەلە جاتقان كيەلى قالا يەرۋساليمدى كورسەتتى+.
11 ول قۇدايدىڭ داڭقىنا بولەنىپتى+. ونىڭ نۇرى اسا قۇندى اسىل تاسقا، ٴمولدىر كريستالل ىسپەتتى جالتىراعان ياشما تاسىنا ۇقساس ەكەن+.
12 ەڭسەلى ٵرى بيىك قابىرعاسىندا 12 قاقپا بار ەكەن، ال قاقپالاردىڭ الدىندا 12 پەرىشتە تۇردى. سونداي-اق قاقپالارعا يسرايل ۇلدارىنىڭ 12 رۋىنىڭ اتتارى جازىلىپتى.
13 شىعىسىندا ٷش قاقپا، سولتۇستىگىندە ٷش قاقپا، وڭتۇستىگىندە ٷش قاقپا جانە باتىسىندا ٷش قاقپا بار ەكەن+.
14 قالا قابىرعاسىنىڭ 12 ىرگەتاسى بار، ٵرى ولارعا توقتىنىڭ 12 ەلشىسىنىڭ ەسىمدەرى+ جازىلىپتى.
15 ماعان ٴتىل قاتقان پەرىشتە قالانى، ونىڭ قاقپالارى مەن قابىرعاسىن ولشەۋ ٷشىن قولىنا التىن قامىس ۇستاپ تۇر ەكەن+.
16 قالا ۇزىندىعى مەن ەنى بىردەي ٴتورت بۇرىشتى ەتىپ سالىنىپتى. پەرىشتە تاياعىمەن قالانى ولشەگەندە، بارلىق جاعى شامامەن 2220 شاقىرىم* بولدى. ونىڭ ۇزىندىعى، ەنى مەن بيىكتىگى بىردەي ەدى.
17 پەرىشتە قابىرعانى دا ولشەپ شىقتى، ول 64 مەتردەي* ەكەن. ول ادامدار دا، پەرىشتەلەر دە قولداناتىن ولشەمدى قولداندى.
18 قابىرعا ياشمادان+، قالانىڭ ٶزى تازا شىنىعا ۇقساس ساف التىننان ەكەن.
19 قابىرعانىڭ ىرگەتاسى سان الۋان تاستارمەن بەزەندىرىلىپتى: ٴبىرىنشىسى ياشمامەن، ەكىنشىسى جاقۇتپەن، ٷشىنشىسى اقىقپەن، ٴتورتىنشىسى زۇبارجاتپەن،
20 بەسىنشىسى ساردونيكسپەن، التىنشىسى سەردوليكپەن، جەتىنشىسى حريزوليتپەن، سەگىزىنشىسى بەريلمەن، توعىزىنشىسى توپازبەن، ونىنشىسى حريزوپرازبەن، ون ٴبىرىنشىسى گياسينتپەن، ون ەكىنشىسى امەتيسپەن.
21 12 قاقپاسى — 12 مەرۋەرت. ٵر قاقپا ٴبىر مەرۋەرتتەن جاسالعان. قالانىڭ باستى كوشەسى ٴمولدىر شىنىداي ساف التىننان سالىنعان ەكەن.
22 قالادان عيباداتحانانى كورمەدىم. سەبەبى ونىڭ عيباداتحاناسى — قۇدىرەتى شەكسىز+ ەحوبا قۇداي جانە توقتى.
23 قالاعا جارىق ٴتۇسىرۋ ٷشىن كۇن مەن ايدىڭ دا قاجەتى جوق، ويتكەنى قۇدايدىڭ داڭقتى نۇرى ونى جارقىراتىپ تۇردى+، ال توقتى — ونىڭ شىراعى+.
24 حالىقتار ونىڭ جارىعىندا ٴجۇرىپ+، جەر بەتىنىڭ پاتشالارى قالاعا ٶز داڭقىن اكەلەتىن بولادى.
25 قالا قاقپالارى كۇن ۇزاققا جابىلمايدى، وندا ەشقاشان ٴتۇن بولمايدى+.
26 پاتشالار حالىقتاردىڭ داڭقى مەن سي-قۇرمەتىن سوندا اكەلەدى+.
27 ال ەشقانداي ارامدالعان نارسە، سونداي-اق جەركەنىشتى دە قۋلىق-سۇمدىق ىستەر جاسايتىن ەشكىم قالاعا كىرمەيدى+. وعان تەك توقتىنىڭ ٶمىر كىتابىنا جازىلعاندار عانا كىرەدى+.
سىلتەمەلەر
^ نەمەسە «شاتىرى».
^ بۇلار گرەك ٵلىپبيىنىڭ ٴبىرىنشى جانە سوڭعى ارىپتەرى. تۇسىندىرمەنى قاراڭىز.
^ نەمەسە «سپيريتيزم». تۇسىندىرمەنى قاراڭىز.
^ تۇسىندىرمەدەگى «ازعىندىق» ٴسوزىن قاراڭىز.
^ سوزبە-ٴسوز «12000 ستاديي». 1 ستاديي 185 مەترگە تەڭ. B14 قوسىمشاسىن قاراڭىز.
^ سوزبە-ٴسوز «144 شىنتاق». B14 قوسىمشاسىن قاراڭىز.
