اۋليەلەرگە دۇعا ەتۋ كەرەك پە؟
كيەلى كىتاپتىڭ جاۋابى
جوق. كيەلى كىتاپتا يسا ارقىلى تەك قۇدايعا عانا دۇعا ەتۋىمىز كەرەكتىگى جازىلعان. يسا پايعامبار شاكىرتتەرىنە بىلاي دەگەن: «سوندىقتان مىنا ىسپەتتى دۇعا ەتىڭدەر: «كوكتەگى اكەمىز، سەنىڭ ەسىمىڭ كيەلى بولسىن!» (ماتاي 6:9). ول ەشقاشان اۋليەلەرگە، پەرىشتەلەرگە نەمەسە قۇدايدان باسقا بىرەۋگە دۇعا ەتۋدى ۇيرەتپەگەن.
سونداي-اق ول ٸزباسارلارىنا بىلاي دەگەن: «جول، شىندىق جانە ٶمىر — مەنمىن. مەن ارقىلى بولماسا، ەشكىم دە اكەگە كەلە المايدى» (جوحان 14:6). قۇداي مەن ادامداردىڭ اراسىندا دانەكەر بولۋعا قۇداي تەك يسا پايعامباردى عانا تاڭداعان (ەۆرەيلەرگە 7:25).
قۇدايعا دا، اۋليەلەرگە دە بىردەي دۇعا ەتۋگە بولا ما؟
بىردە شايتان ازعىرعاندا يسا پايعامبار وعان: «ەحوبا قۇدايىڭا عيبادات ەتىپ، تەك سوعان عانا قىزمەت ەت!»— دەپ ايتقان (ماتاي 4:10). قۇداي جالعىز وعان عانا سيىنعانىمىزدى، وعان عانا دۇعا ەتكەنىمىزدى قالايدى. ال وزىنە سيىناتىنداردان ول قالتقىسىز بەرىلۋدى تالاپ ەتەدى (يشايا 48:11).
ەگەر ٴبىز قۇدايدان باسقا بىرەۋگە، اۋليەگە بولسىن، پەرىشتەگە بولسىن سيىنساق، وندا قۇدايدى قورلايمىز. ەلشى جوحان پەرىشتەگە تابىنباق بولعاندا، پەرىشتە ونى توقتاتىپ، بىلاي دەدى: «ولاي ەتپە! مەن نەبارى ٶزىڭ جانە يسا تۋرالى كۋالىك ٸسىن اتقارىپ جۇرگەن باۋىرلاستارىڭ سياقتى قۇلمىن. قۇدايعا عيبادات ەت!» (ايان 19:10).
قىزىقتى بولار مالىمەتتەر
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.