ەۆتانازيا تۋرالى كيەلى كىتاپتا نە ايتىلعان؟
كيەلى كىتاپتىڭ جاۋابى
كيەلى كىتاپتا ەۆتانازياعا قاتىستى ناقتى ەشتەڭە ايتىلماعان a. ٴبىراق ونداعى ٶمىر مەن ولىمگە قاتىستى ايتىلعان سوزدەر بايسالدى كوزقاراس ساقتاۋعا كومەكتەسەدى. ولىمگە سەبەپشى بولۋ دۇرىس ەمەس. الايدا كيەلى كىتاپ بويىنشا، ولەيىن دەپ جاتقان ادامنىڭ ٶمىرىن ۇزارتۋ ٷشىن شەكتەن شىققان ارەكەتكە بارۋ تالاپ ەتىلمەيدى.
كيەلى كىتاپتا قۇداي جاراتۋشى جانە «ٶمىردىڭ قاينار كوزى» دەپ اتالعان (ٴزابۇر 36:9؛ ەلشىلەردىڭ ىستەرى 17:28). قۇدايدىڭ كوز الدىندا ٶمىر وتە باعالى. سول سەبەپتەن قۇداي وزگە بىرەۋدىڭ ٶمىرىن ٷزۋدى نە ٶز-وزىنە قول جۇمساۋدى ايىپتايدى (مۇسانىڭ 2-جازباسى 20:13؛ جوحاننىڭ 1-حاتى 3:15). سونداي-اق كيەلى كىتاپتا ٶزىمىزدىڭ جانە باسقالاردىڭ ٶمىرىن قورعاۋ ٷشىن قاۋىپسىزدىك شارالارىن ساقتاۋىمىز كەرەكتىگى ايتىلعان (مۇسانىڭ 5-جازباسى 22:8). شىنىندا دا، قۇداي ٴبىزدىڭ ٶمىر سيىن باعالاعانىمىزدى قالايدى.
ادام ولىمگە ۇشىراتاتىن اۋرۋعا شالدىقسا شە؟
ٶلىم اۋزىندا جاتقان ادامنىڭ ٶمىرىن قيۋدى كيەلى كىتاپ ەش قۇپتامايدى. ساۋل دەگەن پاتشامەن بولعان وقيعا وسىنى دالەلدەيدى. شايقاستا ٶلىمشى بولىپ جارالانعان پاتشا كومەكشىسىنەن ٶزىن ٶلتىرۋدى سۇراعان (سامۋيلدىڭ 1-جازباسى 31:3، 4). ٴبىراق كومەكشىسى ولاي ەتۋدەن باس تارتقان. كەيىن باسقا ٴبىر كىسى ساۋل پاتشانىڭ تىلەگىن ورىنداپ، ونى ٶلتىردىم دەپ جالعان سويلەگەن. سوندا بۇل جاعدايعا قۇدايدىڭ كوزىمەن قاراعان ٴداۋىت دەگەن كىسى ونى قان توككەنى ٷشىن ايىپتاعان (سامۋيلدىڭ 2-جازباسى 1:6—16).
قايتكەن كۇندە دە ٶمىردى سوزۋ كەرەك پە؟
ادامنىڭ مىنە-مىنە ولەتىنى انىق بولسا، كيەلى كىتاپ ٶمىردى قايتكەن كۇندە دە سوزۋ كەرەك دەپ تالاپ ەتپەيدى. قايتا، بايسالدى كوزقاراس تانىتۋعا شاقىرادى. ٶلىم — ٴبىزدىڭ قاس جاۋىمىز جانە كۇناكارلىعىمىزدىڭ زاردابى (ريمدىكتەرگە 5:12؛ قورىنتتىقتارعا 1-حات 15:26). ولىمنەن قورقۋدىڭ قاجەتى جوق، ويتكەنى قۇداي ولگەندەردى قايتا ٴتىرىلتۋدى ۋادە ەتەدى (جوحان 6:39، 40). ومىرگە قۇرمەتپەن قارايتىن ادام مۇمكىندىگىنشە ەڭ جاقسى ەم-شارالاردى ىزدەيدى. ٴبىراق ٶلىم ۇستىندە جاتقان ادامنىڭ ولەتىن كۇنىن الىستاتىپ قانا قوياتىن ەم-شارالاردى قولدانۋ تالاپ ەتىلمەيدى.
ٶز-وزىنە قول جۇمساۋ كەشىرىلمەيتىن كۇنا ما؟
جوق. كيەلى كىتاپتا ٶز-وزىنە قول جۇمساۋ كەشىرىلمەيتىن كۇنا دەپ ايتىلماعان. ٶز-ٶزىن ومىردەن ايىرۋ اۋىر كۇنا بولسا دا b، قۇداي ادامدى وسىنداي قادامعا يتەرمەلەۋى مۇمكىن جايتتاردى تولىق تۇسىنەدى. مىسالى، بۇل پسيحيكالىق اۋرۋ، شەكتەن تىس كۇيزەلىس نە تۇقىم قۋالايتىن ەرەكشەلىكتەر بولۋى مۇمكىن (ٴزابۇر 103:13، 14). كيەلى كىتاپتان قيىن شاقتاردا جۇبانىش بەرەتىن سوزدەر تابۋعا بولادى. بۇعان قوسا، وندا «ادىلدەردىڭ دە، ادىلەتسىزدەردىڭ دە قايتا تىرىلەتىنى» ايتىلعان (ەلشىلەردىڭ ىستەرى 24:15). بۇدان اۋىر كۇنا جاساعانداردىڭ، سونىڭ ىشىندە ٶز-وزىنە قول جۇمساعان ادامداردىڭ دا، قايتا تىرىلۋگە ٷمىتى بار ەكەنىن كورۋگە بولادى.
a ەۆتانازيا دەگەنىمىز — «جازىلمايتىن قازا دەرتپەن اۋىراتىن ادامنىڭ ٶز ەركىمەن، دارىگەرلەرمەن كەلىسىلگەن جانە ارنايى دارىلەر كومەگىمەن ٶلۋى، ٶمىرىن ٷزۋى» («قازاق ادەبي ٴتىلىنىڭ سوزدىگى»). كەي جاعدايلاردا ەۆتانازيانى دارىگەردەن باسقا ادام جاسايدى.
b كيەلى كىتاپتا ٶز-وزىنە قول جۇمساعان بىرنەشە عانا ادامنىڭ وقيعاسى ايتىلعان. ولاردىڭ ەشقايسىسى قۇدايدىڭ ەركىنە ساي ارەكەت ەتپەگەن (سامۋيلدىڭ 2-جازباسى 17:23؛ پاتشالار 1-جازبا 16:18؛ ماتاي 27:3—5).
قىزىقتى بولار مالىمەتتەر
سان ٴتۇرلى تاقىرىپتار
ايتىپ كەلمەگەن اۋرۋمەن كۇرەس
اياق استىنان اۋرۋعا شالدىققان ادامعا قۇداي سوزىندە قانداي پايدالى اقىل-كەڭەستەر بار؟
ESSENTIAL BIBLE TEACHINGS
قۇداي نەگە قايعى-قاسىرەتكە جول بەرەدى؟
كيەلى كىتاپتا بۇل سۇراققا قاتىستى جۇبانىش بەرەتىن تولىققاندى جاۋاپ بار.
كيەلى كىتاپ. سۇراقتار مەن جاۋاپتار
سۋيسيد جاساعىسى كەلەتىندەرگە كيەلى كىتاپ قالاي كومەكتەسە الادى؟
كيەلى كىتاپتا ٶمىر سۇرگىسى كەلمەيتىن ادامدار ٷشىن قانداي كەڭەستەر بار؟
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.