Зәбүр 118:1—29
118 Ехобаға алғыс айтыңдар, өйткені ол ізгі+,Айнымас сүйіспеншілігі мәңгі.
2 Лайым Исраил: “Оның айнымас сүйіспеншілігі мәңгі”,— десін.
3 Лайым Харон үйі: “Оның айнымас сүйіспеншілігі мәңгі”,— десін.
4 Лайым Ехобадан қорқатындар: “Оның айнымас сүйіспеншілігі мәңгі”,— десін.
5 Басыма күн туғанда, мен Ехобаны* шақырдым,Ехоба* жауап беріп, мені қауіпсіз жерге тұрғызды+.
6 Ехоба менің жағымда; мен еш қорықпаймын+.
Адам баласы маған не істей алады+?!
7 Көмекшім Ехоба менің жағымда*+.
Мен өзімді жек көретіндердің жеңілгенін көремін+.
8 Адам баласына сенім артқаннан,Ехобаны паналаған артық+.
9 Бекзадаларға сенім артқаннан+,Ехобаны паналаған артық.
10 Ұлт атаулы мені қоршап алды,Бірақ Ехобаның есімімен мен оларды тойтарып тастадым+.
11 Олар мені қоршап алды, иә, жан-жағымнан анталады,Бірақ Ехобаның есімімен мен оларды тойтарып тастадым.
12 Олар айналамда арадай құжынады,Бірақ тікендей лап етті де, лезде өшіп қалды.
Ехобаның есімімен мен оларды тойтарып тастадым+.
13 Құлатпақ болып, олар мені қатты итерді*,Бірақ Ехоба көмекке келді.
14 Ехоба* — менің панам әрі күш-қуатым,Ол менің құтқарушым болды+.
15 Әділ жандардың шатырында қуаныш пен жеңіс үні естіледі.
Ехобаның оң қолы құдіретін паш етеді+.
16 Ехобаның оң қолы асқақтай түседі,Ехобаның оң қолы құдіретін паш етеді+.
17 Ехобаның* істерін жариялау үшін,Мен өлмеймін, өмір сүремін+.
18 Ехоба* мені қатаң жазалады+,Бірақ өлімнің уысына салмады+.
19 Маған әділдік қақпаларын ашыңдар+,Солар арқылы кіріп, Ехобаны* мадақтайын.
20 Мынау — Ехобаның қақпасы.
Сол арқылы әділдер кіреді+.
21 Сен маған жауап бердің+, әрі құтқарушым болдың,Сондықтан өзіңді мадақтаймын.
22 Құрылысшылар бас тартқан тас негізгі бұрыштық тасқа* айналды+.
23 Мұны Ехобаның өзі жасады+,Біздің көз алдымызда бұл керемет іс болды+.
24 Бұл күнді Ехоба белгілеген,Сол күні біз шаттанамыз, қуанамыз.
25 Ехоба, бізді құтқара көрші, жалынамыз!
Уа, Ехоба, бізді жеңіске жеткізе көрші!
26 Ехобаның атынан келе жатқан жарылқансын+,Біз оған Ехобаның үйінен бата береміз.
27 Ехоба — Құдай,Ол бізге жарық сыйлайды+.
Бұтақшалар алып, мерекелі шеруге қосылыңдар+,Құрбандық ошағының мүйіздеріне жақындаңдар+.
28 Сен менің Құдайымсың, өзіңді мадақтаймын,Құдайым, өзіңді асқақтата даңқтаймын+.
29 Ехобаға алғыс айтыңдар+, өйткені ол ізгі,Айнымас сүйіспеншілігі мәңгі+.
Сілтемелер
^ Сөзбе-сөз “Ях”. Ях — Ехоба деген есімнің қысқа түрі.
^ Сөзбе-сөз “Ях”. Ях — Ехоба деген есімнің қысқа түрі.
^ Мүмкін: “Ехоба маған көмектесушілермен бірге”.
^ Мүмкін: “сен мені қатты итердің”.
^ Сөзбе-сөз “Ях”. Ях — Ехоба деген есімнің қысқа түрі.
^ Сөзбе-сөз “Ях”. Ях — Ехоба деген есімнің қысқа түрі.
^ Сөзбе-сөз “Ях”. Ях — Ехоба деген есімнің қысқа түрі.
^ Сөзбе-сөз “Ях”. Ях — Ехоба деген есімнің қысқа түрі.
^ Түсіндірмедегі “Бұрыштық тас” сөзін қараңыз.
