Ишая 35:1—10
35 Шөл мен құла түз шаттыққа кенеледі+,Шөл дала қуанып, бәйшешектей жайнайды+.
2 Иә, ол жайқала гүлдейді+,Қуанышқа кенеледі, шаттана айғай салады.
Оған Ливанның ұлылығы+,Кармил+ мен Саронның+ салтанаты беріледі.
Жұрт Ехобаның ұлылығын, Құдайымыздың салтанатын көреді.
3 Қолдары әлсірегендерді,Тізелері қалтырағандарды нығайтыңдар+.
4 Жүрегін уайым меңдегендерге:
“Берік болыңдар! Еш қорықпаңдар!
Міне, Құдайларыңның өзі кек алады,Жауларыңның қарымтасын қайтарады+.
Ол келіп, сендерді құтқарады+”,— деңдер.
5 Сонда зағиптардың көздері+,Саңыраулардың құлақтары ашылады+.
6 Ақсақ адам еліктей секіреді+,Мылқау қуана айғайлайды+.
Шөл далада бұлақтар қайнап,Құла түзде жылғалар ағады.
7 Қуаң дала қамысты көлге,Қураған дала суы мол жерге айналады+.
Шибөрілердің тынығатын індерінде+
Көк майса шөп, қамыс пен папирус өседі.
8 Сол жерде даңғыл жол болады+,Ол “Қасиетті жол” деп аталады.
Арамданған адам онымен жүрмейді+,Онымен тек лайықтылар жүреді.
Ол жолда босқа кезіп жүрген ақымақтар болмайды.
9 Ол жолда арыстан да,Жыртқыш жабайы аңдар да болмайды.
Ондайлар бұл жолдан табылмайды+,Онымен тек құны өтелгендер ғана жүреді+.
10 Ехоба құнын өтеп алғандар қайта оралып+, қуанышты айғаймен Сионға келеді+.
Олар сарқылмайтын шаттықты тәж етіп киеді+,Мол шаттық пен қуанышқа кенеледі;Қасірет пен күрсіну деген атымен болмайды+.
